Exode 19:11 - Ma Zhiklè

¹¹ Anvakastaɗ ta tila ma. Aman anvakastaɗ, Ndo nzi pèc pècèk a di a shkè a géɗ za Sinai a sam di ndohi tèlèba.

Exode 19:11 ပူးပေါင်းရင်းမြစ်များ

Genèse 11:5

Te deɓaʼa Ndo nzi pèc pècèk a mshkèhai, a nrka kokwar mbiaʼa, a gi ngurèa, man ndohi herkeda ta roma.

Néhémie 9:13

Ka shkèhai a géɗ za Sinai, ka gaɗa ta te zhiklè, ka va ta ma kita nzuraʼa, ma nkwèr nlèɓeslèʼa, ma bai a ma man a de ta man amba.

Psaumes 144:5

Ndo nzi pèc pècèk, hejèkda giɗfèk a ka shkè a hai! Lama na za, a vodzok a shkè auda!

Psaumes 18:9

Vodzok a mshkè auda tʼhtsan nengaʼa, a vogwa man a ndi skwai ngatngataʼa te ma nengaʼa, a vogwa a mwurtskaɗauda te pa.

Exode 19:16

Te mʼmèn mamakaraʼa a prèk, iyam a tsai, a iyam a ndi dai, a vani ngalngalaʼa a zhè a géɗ za, a tolom a ntsau, a ndèlè azbai, a ndohi a samaʼa ta gudzai.

Exode 19:18

Za Sinai te va vodzok, a géɗ man Ndo nzi pèc pècèk a mshkè te va vogwa. A vodzok a ndo a géɗèʼa, ara vodzok gezla. Za tèlèba a gidè va, a vata.

Exode 19:20

A Ndo nzi pèc pècèk a nshkèhi a géɗ za aranta, te za a gédèʼa, a mbaha na Moise a géɗ za, a Moise a ndo a pa.

Exode 24:16

A nʼnjèl Ndo nzi pèc pècèk a nʼnza a géɗ za Sinai, a vanai a mbèd géɗ za a pa, mʼmèn 6; a pats matsaraɗaʼa, Zhiklè a mbaha na Moise te va vanai.

Exode 24:17

Ndohi Israel ta rka nʼnjèl Ndo nzi pèc pècèk ara vogwa man a ndi skwi a géɗ za.

Exode 3:8

A i shkèhai, aman i mbel ta te ri wuɗi ndohi Egypte, a i de ta auda te kokwar haha, a ta dè a kokwar mbiaʼa, man amba, man wa a vongwom a hi te pa, a kokwar ndohi Canaan, Heth, Amor, Phérez, Hévi a Jébus.

Exode 34:2

Tila va ngaya, aman angoslèm a prèk ka tivè za Sinai, a ka zlatsa a sam ga a gèɗ za.

Exode 34:5

A Ndo nzi pèc pècèk a mshkèhai te va vanai, a nzlatsa a tsagi nengaʼa, a mboho nzlembaɗ na.

Nombres 11:17

Te debaʼa i da shkè hai, a i da gada ka a pa. A i ce te va mèzhèɓ man a zhè a géɗ ngaya, a i va ta a géɗ a tengaʼa, a ta zhüɓ skwi mwuɗit pa a sam ndohai a nda ka, ka a géɗ ngaya ka bai.

Jean 3:13

Ndo ngiɗè a dè zhiklè azɓai, sèi ndo man a shkè te zhiklè, nengaʼa kra-ndo man a zhè te zhiklè.

Jean 6:38

I shkè te zhiklè, a i gi skwi ara ndav ga man a woya ka ɓai. I shkè, aman i gi skwi man nengaʼa man a zlindekayè a woyaʼa.

Deutéronome 33:2

A ngaɗa: Ndo nzi pèc pècèk a mshkè te Sinai, a nslambaɗa te Séir a géɗ tengaʼa, a ngudoko ta va a dai te za Paran, a nherdeka ta va te Meriba te Kades. Te ri mandi nengaʼa kita a mshkè auda nara vogwa.

Deutéronome 4:10

Va-huro pats man kin zlatsa a sam di Ndo nzi pèc pècèk, Zhiklè kinè, a der za Horeb, aman Ndo nzi pèc pècèk a gaɗayè: ɓic ta ndohai, a i njè ta ma ga, a ta slebi ngi zlau ga a pats nshèffè ta tʼherkeda tèièba, a ta slebda ta wudahi ta.

Josué 3:5

A Josué a ngaɗa ta ndohai: A woy ndav kinè nkezlaʼa, a gèɗ man angoslèm Ndo nzi pèc pècèk a da gi nrkedi te ndev kinè.