Exode 18:25 - Ma Zhiklè

²⁵ Moise a mpar ta ndohi te va ndohi Israel, man maya ta zhè, a mpe ta a ndohi tsuvoma a géɗ gozhèm, a géɗ 100, a géɗ 50, a géɗ 10,

Exode 18:25 ပူးပေါင်းရင်းမြစ်များ

Genèse 47:6

Herkeɗa Egypte nwinèa a sam ngaya. Woya ta sam kokwar mbelaʼa, man a fena sam ngiɗè, a bab ngaya a kramamhi ngaya a ta nzi a pa. Ta slaha ta nzi a kokwar Gosen. Aman ka da sun ndohi man maya ta zhè te vaʼa, ge ta a ndohi mɓer zlèhi a tambakihi ga ba.

II Samuel 18:1

Te deɓaʼa David a mpar ta ndohi man ta zhè a sam na, a mpe ta bihi sojè, a géɗ ndohi 1.000, a géɗ 100.

Exode 18:21

Por ndohi man maya ta zhè, a ta gi zlau Zhiklè, ndohi nzuraʼa, man ta ngwèdè ri azbai, pe ta a tsuvom ndohai a géɗ go-zhèm, a géɗ 100, a géɗ 50, a géɗ 10,

Exode 18:24

A Moise a nfu gèɗ a ma mèsh na, a ngu tèlèba man a gada na.

Nombres 1:16

Tengaʼa haha, ndohi mparaʼa te va mpi ndohai, tsuvomhi te verzi bab ta, mbibihiaʼa a géɗ gwoli Israel gozhèm gozhèm.

Nombres 1:4

Te verzi ndohi staɗ staɗ tèlèba, ndo staɗ da takaha kinè, tsuvomaʼa, tsuvomaʼa.

Nombres 11:16

A Ndo nzi pèc pècèk a ngaɗa na Moise: ɓic ta ndohi nhalaʼa 70 a sam ga, man ka sen ta ara tsuvom ndohai, a ta zlècè a tsagi ngaya, a ma gi Zhiklè.

Actes 6:5

Ma tengaʼa ambaha ta ndohi man ta haya va, a ta co Etienne, ndo man a nco Zhiklè a ndav na a vata, a Mèzhèɓ Zhiklè a nʼndha ndav nengaʼa, a nda Philippe, Prochore, Nicanor, Timon, Parménas, a Nicolas, te kokwar Antioche, man halaʼa a ndzodzor civèɗ ndohi Juif.

Deutéronome 1:15

A i hul tsuvom ndohi te verzi kinè, ndohi man maya ta zhè, man ta slebau skwai, a i ge ta a ndohi ncè kinè ma, bihi a géɗ ndohi gozhèm gozhèm, bihi a géɗ 100, 100, bihi a géɗ 50, 50, bihi a géɗ 10, 10, a ndohi mwindè ɗèlèwèr, ara verzi kinè ara verzi kinè, tèlèba kin ngotso.