Exode 18:20 - Ma Zhiklè

²⁰ Ngra ta ma kita a ma nkwèr tèlèba, a ka ngra ta civèɗ man ta dè a pa, a skwi man a woy ta giaʼa.

Exode 18:20 ပူးပေါင်းရင်းမြစ်များ

Psaumes 143:8

Vay pombi ngaya a prèk langa; aman i pi ndav a ka. Ngray civèɗ man ka woy a i dè a pa; aman i va ka nshèffè ga a ri a ka.

Psaumes 32:8

I woy a i ngatsa ka maya a i ngra ka civèɗ man i woy a ka dè a pa, i woy a i paha ka dai, Zhiklè a gaɗa.

Exode 18:16

Aman ma ta a zhè, ta shkè a sam ga, i ngela ta maʼa, a i ngra ta ma man Zhiklè a ngra nga.

Esaie 30:21

Aman kin nza te ndev civèɗ: i dè a civèɗ ri man-di dè, dè i dè a civèɗ ri gula ɗè? – a di kin tsena ngèɗè te deɓ kinè man a gaɗka kinè a zlembaɗ: Na haha civèɗ, va-dzodzora!

Jérémie 42:3

Ndo nzi pèc pècèk, Zhiklè ngaya, da ngra nga civèɗ man nga dè a pa, a skwi man nga da giaʼa.

Jérémie 6:16

Ndo nzi pèc pècèk a goɗ ar haha: Va-zlatsa a civèɗ, va-rkaʼa, va-dzhoɗ civèɗ nhalaʼa: civèɗ mʼmbel ndo tema? va-beza a pa, a kin ngècè nshèk va te ndav kinè. Aman ta gaɗa: Nga woya mbizhè a pa ɓai.

Ezéchiel 3:17

Ka ndo, i ge ka a ndo mɓer ndohi Israel: Ka da tsena ma te ma ga, a ka da ngra ta maya a nzlembaɗ ga.

Michée 4:2

Ndohi nte deɓa ta shkè dra a ta gaɗa: Vo-wash-kè, ngo-dokoya a géɗ za Ndo nzi pèc pècèk, a gi Zhiklè Jacob, aman a senda nga civèɗ nengaʼa, a nga dè a civèɗ nengaʼa. Ma kita a da shkè te Sion. Ma Ndo nzi pèc pècèk a shkè te Jérusalem.

Matthew 28:20

Va-senda ta, aman ta gi skwi tèlèba man i fa kinè a gèɗ. Na haha, i zhè a sam kinè pèc pècèk, a pats a vaɗ, ha herkeda a ndiv na.

Marc 13:34

Ara ndo man a dè nshèwèlè, a njèkeda gi na, a mva ta mizlinè a ri a ɓèlèlihi na, a nʼngreda ta mizlinè tengaʼa staɗ staɗ tèlèba. A ngaɗa na ndo mɓer ntamagai, aman a ɓerèʼa.

Deutéronome 1:18

Te ndev nasa i njè kinè skwi haha tèlèba man kin da giaʼa.

Deutéronome 4:1

Anai Israel, va-tsena ma nkwèrè a ma kita man i njè kinè, a kin jèjèrèʼa, a kin nzi a nshèffè, a kin dè a kokwar man Ndo nzi pèc pècèk, Zhiklè babhi kinè, a va kinè, a kin kwèrèʼa.

Deutéronome 4:5

Na haha, i njè kinè ma nkwèrè a ma kita, man Ndo nzi pèc pècèk, Zhiklè ga, a njèy a gèɗ. Va-dzodzora, va-gu arsa, te kokwar man kin da de a pa, a kin kwèrèʼa.

Deutéronome 5:1

A Moise a mbaha ta mpi ndohi Israel tèlèba, a ngaɗa ta: Ndohi Israel, va-tsena ma nkwèrè, ma nde kinè, man i njè kinè a patsna! Va-sundo, va-gu maya, aman kin jèjèrèʼa!

Deutéronome 5:27

Herda na va, ar ka genè, a ka tsena ma tèlèba man Ndo nzi pèc pècèk, Zhiklè nga, a gèɗèʼa; te deɓaʼa ka da menda nga ma tèlèba man Ndo nzi pèc pècèk, Zhiklè nga, a gaɗka ka. A nga tsenaʼa, a nga giaʼa!

Deutéronome 7:11

Gar haha va-dzodzor ma kita, ma nkwèrè a ma ndè kinè man i va kinè a patsna, a kin gi arsa.

1 Thessalonians 4:1

A vaʼa, dalahimam nga, nga bid kinè, nga fa kinè ma a gèɗ, te Bai Yèsu: Ara man kin ngotso a sam nga, vo-do arsa, ambaha Zhiklè. Skwi man kin giaʼa, va-gu holholaʼa a ma ma.

I Samuel 12:23

I ba i woy a i gi mali a sam Ndo nzi pèc pècèk azɓi ba, a i jèkè ntsi ri a géɗ kinè azɓai. Aman i woy a i ngreda kinè civèɗ man amba a nzuraʼa.