Exode 18:11 - Ma Zhiklè

¹¹ Anai i suna, Ndo nzi pèc pècèk mbiaʼa, a fena zhiklèhi ngiɗè tèlèba. A géɗ man ndohi Egypte ta gra gèɗ ta aranta, a mpre ta ndohi auda te ri ta.

Exode 18:11 ပူးပေါင်းရင်းမြစ်များ

I Rois 17:24

A ngwoz a ngaɗa na Elie: Antanta i suna, ka ndo Zhiklè, a ma Ndo nzi pèc pècèk te ma ngaya, ma nzuraʼa.

II Rois 5:15

A Naaman a mʼmenkaɗa deɓa a sam ndo Zhiklè, a golahi nengaʼa tèlèba ta zlatsa a sam na. A ngaɗa na: Anai i suna, Zhiklè ngiɗè azɓai tʼherkeda, sèi Zhiklè te Israel. Anai co skwi mbalai te ri ɓèl ngaya!

I Chroniques 16:25

Aman Ndo nzi pèc pècèk, mbiaʼa, amba aman nga shida na gèɗ kumba. Nengaʼa, wuɗi na zhè, a fena zhiklèhi ngiɗè tèlèba.

II Chroniques 2:5

Gi man i woya a i rèmèʼa, sèi gi mbiaʼa. Zhiklè nga mbiaʼa, a fena zhiklèhi ngiɗè tèlèba.

Néhémie 9:10

Ka ngreda skwi mbiaʼa auda, a ka gu nrkedai a sam Pharaon, a sam ndohi mizlinè nengaʼa, a sam ndohi kokwar nengaʼa tèlèba, te man ka suna, skwi man ta ga ta, ta gu a shèwa. A ka ga nzlembaɗ ngaya a mbiaʼa, ara man a zhè a patsna.

Néhémie 9:16

Aman tengaʼa, babhi nga, ta gro gèɗ, ta Sala va ta, ta gu mèdègèɗ a sam ma nkwèr ngaya.

Néhémie 9:29

Ka ngatsa ta maya, ka woy a ka helka ta a deɓa a sam ma kita ngaya. Aman tengaʼa ta gre gèɗ, ta tsena ma kita a ma nkwèr ngaya bai. Ta gu malai a sam ma man a va na nshèffè a ndo man a jèjèrèʼa. Ta gu ma, ta Sala va ta, a ta gu mèdègèɗ, ta woy a ta cinè ɓai.

Psaumes 119:21

Ka guv ta ndohi nfi va; ndohi man ta jèkeda ma nkwèr ngaya ta phomda.

Psaumes 135:5

Iyè, i suna: Ndo nzi pèc pècèk mbiaʼa. Bi nga a fena zhikièhi ngiɗè tèlèba.

Psaumes 31:23

A pats man ndav ga a mʼmbeɗ na, i gada: Ka kaldyè aussa a sam di ngaya. Aman a vava ka tsena ntsi ri ga mbuh-mbuhaʼa, aman i kuɗau a sam ngaya.

Psaumes 95:3

Aman Ndo nzi pèc pècèk, nengaʼa Zhiklè mbiaʼa, bi mbiaʼa a gèɗ zhiklèhi tèlèba.

Psaumes 97:9

Aman ka Ndo nzi pèc pècèk, ka zhè a gèɗ herkeda tèlèba, ka mbiaʼa a fena zhiklèhi tèlèba.

Exode 1:10

Anai, sèi nga gi maya, a ta grè a ma asaɓai. A pats man var a da gai, ta da humdè va a nda mayamhi nga, ta da kala nga va, ta gi var a nga, a ta dè ta auda te kokwar nga.

Exode 1:16

Aman kin da yi kra ngwozi Hébreu, va-war kra a ma husloɓ; man kra nguraʼa, va-keɗaʼa; man da demaʼa, va-jèka na nshèffè na.

Exode 1:22

A Pharaon a ngaɗa ta ndohi nengaʼa tèlèba: Wud ngurhi tèlèba, man ndohi Hébreu ta yiaʼa, va-wushede ta a woyam Nil! Dalahai, va-jèka ta nshèffè ta!

Exode 10:3

A Moise a Aaron to do a sam Pharaon a ta gada na: Ndo nzi pèc pècèk, Zhiklè ndohi Hébreu, a gada: Ta ngèmè ka woy a ka manda gèɗ ngaya a hi azɓai a sam ga? Va ta civèɗ a ndohi ga, a ta da slèbèrdyè!

Exode 12:12

A vaɗ sa i dè a i bizhè a ndev kokwar Egypte tèlèba, a i bazl ta tsuvomhi tèlèba te kokwar Egypte, tsuvom ndohai, a tusvom skwi ndzham, a i ga ta kita a zhiklèhi ndohi Egypte tèlèba. Iyè Ndo nzi pèc pècèk.

Exode 14:18

A ndohi Egypte ta da suna, i Bi Zhiklè, aman i ngreda nʼnjèl ga auda a sam Pharaon, a sam kiki var nengaʼa, a sam ndohi plès nengaʼa.

Exode 14:8

A Ndo nzi pèc pècèk a nsassaya ndav Pharaon, bi Egypte, a nhi a verzi ndohi Israel. Aman ndohi Israel to do ta, a ri Zhiklè nzlatsa, a mɓer ta.

Exode 15:11

Te va zhiklèhai, nlèmdè va a ka wa, Ndo nzi pèc pècèk? Nʼnjèl ngaya mbiaʼa, nkezlaʼa, ka wuɗitpa te skwi mbiaʼa man ka giaʼa, te nrkedi ngaya man ka ngreda.

Exode 5:2

A Pharaon a mʼmbeɗa ta a ma: Ndo nzi pèc pècèk a wa, aman a i cinè ma nengaʼa, a i va ta civèɗ a ndohi Israel? I sun Ndo nzi pèc pècèk bai. Ndohi Israel ba, i va ta civèɗ azbai.

Exode 5:7

Kuza man kin hushè a di a wujèɗ, kin va ta bai, sèi ta dè a ta zli skwi ta a ri ta.

Daniel 4:37

Anai, i Nebucadnetsar, i shid gèɗ, i slébèrdè, i njèl bi Zhiklè man a gi skwi tèlèba zuraʼa, a civèɗ nengaʼa tèlèba ngi-zuraʼa. A slaha a mʼmanda ta gèɗ a hai a ndohi nfi va.

Nombres 33:4

a ndohi Egypte ta re ta tsuvomhi man Ndo nzi pèc pècèk a mbazl ta, a vèvèɗ. A zhiklèhi tengaʼa ba Ndo nzi pèc pècèk a nʼnga ta kita.

Luke 1:51

Ri nengaʼa a ngu skwi mbiaʼa. A nksar ta ndohi nfi va aussa.

Jacques 4:6

Aman pombi man a va nga, mbiaʼa holholaʼa genè. Ɗèlèwèr Zhiklè a gaɗa: Zhiklè a sassaya ndav a sam ndohi nfi va, aman a va ta pombai a ndohi mʼmanda gèɗ ta a hai.

1 Peter 5:5

Lèmèlèmè kinè golahai, va-manda gèɗ a hai a sam babgihai. A vava, kin tèlèba, va-manda gèɗ a hai a sam tèlèba! Aman Zhiklè a sassaya ndav a sam ndohi nfi va, a va ta pombai a ndohi mʼmanda gèɗ ta a hai.

I Samuel 2:3

Kin tsurɗ ma ani asaɓai! Ma nfi va kin goɗ ɓai! Aman Ndo nzi pèc pècèk, Zhiklè man a sun skwi tèlè. Nengaʼa a livè skwi man ndohi ta gia tèlèba.