Aman matèndèzh a nkeda na ri a Moise, ta co kwa, a Moise a nʼnza a pa, a Aaron a Hur ta gsa na ri nengaʼa, staɗ te civèɗ ngiɗè, staɗ te civèɗ ngiɗè. A ri nengaʼa nzlatseda, ha pats nkala.
A Ndo nzi pèc pècèk a ngaɗa na Moise: Windeda skwi haha a ɗèlèwèr, aman a pca ta a gèɗ azɓai, a ka njè na ma a gèɗ a Josué: I woy a i gi a ta hér Amalek azɓi fèt a géɗ herkeda.
A ta bazl ta a tsakwal, a ta hel ta, ndzawda, a ndev ndohi herkeda tèlèba, a ndohi nte deɓa ta da gatseda Jérusalem a pa a sak, ha nʼndikèma wuɗi ndohi nte deɓa.
A pats nasa, Josué a nduma kokwar Makkéda, a mbazl ta ndohai a bi ta tèlèba a tsakwal. A ngedassa ndohai a skwi man a shèffè te pa tèlèba, a njèka ndo a pa ɓai. A nʼnga na bi Makkéda lèmèlèmè ara man a ga na bi Jéricho.
A Ndo nzi pèc pècèk a mva ta kokwar Lakis a ri a ndohi Israel, a ta dumaʼa, te mʼmèn makulaʼa. A ta bazl ta a tsakwal, ndohi tèlèba man ta zhè a pa, a njèka ndo a pa ɓai, lèmèlèmè ara man a gu te Libna.
A ta dumaʼa, a ta bazl ta a tsakwal, a bi nengaʼa ba, kokwarhi mbibihiaʼa tèlèba, a ndohi tèlèba te pa. A njèka ndo a pa ɓai, lèmèlèmè ara man a gu te Eglon. A ngedas ta ndohi a skwi man a shèffè te pa tèlèba.
