Exode 15:26 - Ma Zhiklè

²⁶ A ngaɗa: Aman ka jèjèr ma Ndo nzi pèc pècèk, Zhiklè ngaya, a nlèɓèslè, a ka gi skwi nzuraʼa a sam di nengaʼa, a ka jèjèr ma kita nengaʼa, i woy a i zlindaka ka matakwan man i zlinda a sam ndohi Egypte, azbai. Aman iyè, Ndo nzi pèc pècèk, i ndo madzaf ngaya.

Exode 15:26 ပူးပေါင်းရင်းမြစ်များ

I Rois 11:33

A géɗ man Salomon a njèkyè, a tsi ri a Astarté, zhiklè mʼmbèh skwi Sidon, a Kemosch, zhiklè ndohi Ammon, a ndzodzor civèɗ ga ɓai, a nʼnga skwi zuraʼa a sam di ga ɓai, a ndzadzara ma nkwèr ga a ma man i da ta a vna ɓai, ara man David, bab na, a gau.

I Rois 11:38

Aman ka da fi géɗ a skwi tèlèba man i ngreda ka, aman ka dè a civèɗ ga, a ka gi skwi zuraʼa a sam di ga, a ka jèjèr ma nkwèr ga a ma kita ga, ara man David, ɓèl ga, a gau, i da zhè a nda ka, i da tila ka gi ngaya gedeng-gedengaʼa, a verzi ngaya a dè a ma ma, ara man i tila na David, a i da va ka Israel.

II Rois 2:21

A nengaʼa a ndo a sam nlèlè iyam a vna, a mpeda boma a pa, a ngaɗa: Ndo nzi pèc pècèk a goɗ ar haha: I tila iyam haha ma; ani amba, a kéɗè ndo asaɓai, a gédèshè skwa asaɓai.

II Rois 20:5

Do a deɓa a ka gada na Ezéchias; bi ndohi ga: Ndo nzi pèc pècèk, Zhiklè David, bab ngaya, a goɗa ar haha: I tsena ntsi ri ngaya, a i rka kuɗa a di ngaya. I woy a i mbel ka te matakwan ngaya. Te deɓ mʼmèn makar ka dè a gi Zhiklè.

II Rois 22:2

Josias a ngu skwi nzuraʼa sam di Ndo nzi pèc pècèk, a ndzodzor civèɗ David, bab na, tèlèba. A mbeza zlawa ɓai.

Job 5:18

Aman Zhiklè a gi mblè a va ndo, a mènè zaʼa. A tsi ndo, a mbélèʼa zaʼa.

Psaumes 103:3

Nengaʼa a pra ka mali ngaya tèlèba; nengaʼa a mbel ka te matakwan ngaya tèlèba;

Psaumes 147:3

Nengaʼa man a menda na wuɗi a pa a ndo man ndav na a mbeɗè, a mènè mblè tengaʼa.

Psaumes 81:9

Ndohi ga, va-fu zlembaɗ, i woy a i ngatsa kinè maya! Israel, aman agassa ka woy a ka tsena ma ga!

Exode 12:29

A géɗ vad, Ndo nzi pèc pècèk a mbazl ta tsuvomhi te kokwar Egypte tèlèba, a hinè a sam tsuvom Pharaon man a nza a géɗ sam nʼnzi bai, a ndè a ma a tsuvom bèlè te dangai, a tsuvom skwi ndzham.

Exode 19:5

Anai aman kin woy a kin tsena ma ga, a kin nzi te nderzlè-ma ga, te va ndohi a géɗ herkeda tèlèba, kinè ndohi ga, aman herkeda tèlè a ga.

Exode 19:6

Kinè ndohi mvi skwi a Zhiklè, Bai, a sam ga, ndohi ga nkezlaʼa. Na haha ma ga man ka da gada ta ndohi Israel.

Exode 20:2

Iyè Ndo nzi pèc pècèk, Zhiklè ngaya, man i cka ka auda te herkeɗa Egypte, te gi ɓèlè ngaya.

Exode 23:25

Va-gu mizlinè Ndo nzi pèc pècèk, Zhiklè kinè, a i pshè kinè ma a movar kinè a iyam nsi kinè, a i cè matakwan auda tèlèba a sam kinè.

Esaie 55:3

Va-fu zlembaɗ, vo-washkè a sam ga, va-tsenaʼa, a kin nzi a nsheffè. I woya aman nga derzlokoy ma nga a nda kinè a mèdèp, aman i va kinè pombai man i pasla na ri a David.

Esaie 57:18

I rka civèɗ tengaʼa; i woya a i mbel ta, i woya a i de ta, i woya a i bid ta a i va ta wuɗai a ndohi tengaʼa man ta kuɗai.

Jérémie 11:7

Aman i mbaɗa ta babhi kinè a ma gèjau te pa, a pats man i helka ta auda te kokwar Egypte, ha patsna, a i mbaɗa ta lèk lèk, a i gaɗa ta: Va-tsena ma ga!

Jérémie 17:24

Ndo nzi pèc pècèk a gaɗa: aman kin tsena ma ga mbelembela, a kin bizhè a skwi a gèɗ a ntamagi kokwar haha azɓai, a pats nshèk va, a kin kezla pats nshèk va, a kin gi mizlinè azɓai, ko kèshkata,

Jérémie 30:17

I da va ka madzaf, i da til mblè ngaya, Ndo nzi pèc pècèk a gaɗa, ka Sion man ta baha ka ‘ndzamaʼa’ – ‘nengaʼa man ndo a hérè azɓai’.

Jérémie 33:6

Na haha i va na madzaf, da mbel na: Iyè, i mbelaʼa. I da ngreda ta skwi mbelaʼa te gumai, te ma nzuraʼa.

Jérémie 7:23

Sèi skwi haha man i dzhaɗ ta: Va-tsena ma ga; i da gi a Zhiklè kinè, a kin gi a ndohi ga, a kin dè a civèɗ man i njè kinè tèlèba, a kin nzi amba amba.

Jérémie 8:22

Mbar mʼmèn mblè a te Galaad ɓi dè, ndo madzaf a te pa ɓi dè? Mblè ndohi ga a pkwè azɓi èhèmè?

Ezéchiel 18:5

Ndo nzuraʼa, man a gi skwi nzuraʼa, te ngi-zuraʼa,

Osée 11:3

Iyè man i senda ta ndè ndèr-ndèraʼa a ndohi Ephraim, a i gsa te rai. Aman ta woy a ta rka ɓai, ara man i mbel ta.

Osée 6:1

Vo-washkè, ngo-munokoy a deɓa a sam Ndo nzi pèc pècèk! Nengaʼa a ncizl nga, a da mbel nga. A tse nga, a da mana nga mblèʼa.

Lèv. 26:13

Iyè Ndo nzi pèc pècèk, Zhiklè kinè, man i helka kinè auda te kokwar Egypte, a kin nzi te pa ara ɓèlèlihi asaɓai. I pasla wof nkelawa te daʼai kinè, a kin dè a gèɗ nzlatsedaʼa.

Lèv. 26:3

Aman kin jèjèr ma nkwèr ga, a ma kita ga, a kin gi aranta,

Nombres 12:13

Te deɓaʼa Moise a nkudi a sam Ndo nzi pèc pècèk, a ngaɗa: Zhiklè, i tsi ri a ka, suɗa na hutsoɗ auda a va!

Deutéronome 12:25

Ka ndau ɓai, a ka da nzi amba, a wudahi ngaya te verzi ngaya ba, te man ka gu skwi nzuraʼa a sam di Ndo nzi pèc pècèk.

Deutéronome 12:28

Ma man i njè ka haha tèlèba, gsa te ndav ngaya, a ka suna: ka da ngècè manam, kinè a wudahi ngaya a mèdèp, aman ka da gi skwi man amba a skwi nzuraʼa a sam di Ndo nzi pèc pècèk, Zhiklè ngaya.

Deutéronome 13:18

Aman sèi ka tsena daʼai Ndo nzi pèc pècèk, Zhiklè ngaya, a ka dzodzor ma nkwèr nengaʼa tèlèba, man i njè ka a gèɗ a patsna, a ka gi skwi zuraʼa a sam di Ndo nzi pèc pècèk, Zhiklè ngaya!

Deutéronome 28:27

Ndo nzi pèc pècèk a da va ka mblè Egypte a va, nʼndeverzai, gayè, goya man a ndi gèɗ, man ka mbelè te pa azɓai.

Deutéronome 28:58

Aman ka da jèjèr ma tèlèba te ma kita haha azɓai, a ka gia azɓai, ara man ta Windo te ɗèlèwèr haha, a ka gi zlau nzlembaɗ nʼnzalaʼa, mwuɗitpa,

Deutéronome 28:60

A da faha ka matakwan Egypte tèlèba, te ri nengaʼa ka gudzai; matakwan a gshè va ngaya.

Deutéronome 32:39

Va-suna, iyè nengaʼa man i zhè, Zhiklè ngiɗè az a tsagi ga ɓai. Iyè man i kéd ndo, iyè man i vi nshèffè a ndo; i tsau, a i tilèʼa; ndo man a mbèlè auda te ri ga azɓai.

Deutéronome 5:1

A Moise a mbaha ta mpi ndohi Israel tèlèba, a ngaɗa ta: Ndohi Israel, va-tsena ma nkwèrè, ma nde kinè, man i njè kinè a patsna! Va-sundo, va-gu maya, aman kin jèjèrèʼa!

Deutéronome 7:15

Ndo nzi pèc pècèk a da cè matakwan tèlèba auda a sam kine. Matakwan man wuɗitpa, man kin rkaʼa a sam ndohi Egypte, a da ngats kinè azɓai, aman a da ngats ta ndohi tèlèba man ta gi shèwa a kinè.