Exode 15:25 - Ma Zhiklè

²⁵ A nengaʼa a kuɗi a sam Ndo nzi pèc pècèk, a Ndo nzi pèc pècèk a ngra na wof. A nkalda a va iyam, a njén haldemdemaʼa. A pa Zhiklè a mva na ma nkwèr a ma kita nengaʼa, a pa a njkede ta ndohai.

Exode 15:25 ပူးပေါင်းရင်းမြစ်များ

II Rois 2:21

A nengaʼa a ndo a sam nlèlè iyam a vna, a mpeda boma a pa, a ngaɗa: Ndo nzi pèc pècèk a goɗ ar haha: I tila iyam haha ma; ani amba, a kéɗè ndo asaɓai, a gédèshè skwa asaɓai.

II Rois 4:41

A nengaʼa a ngaɗa: Va-hulkoy gufa! A nengaʼa a nkutèda va lak, a gandaf. A ngaɗa: Va ta ndohai a ta ndiaʼa! Dèrè a te pa asaɓai.

II Rois 6:6

A ndo Zhiklè a ngaɗa: A kala ahngwa? A nʼngra na samaʼa. A Elisée a mpasla gada, a nkalda a pa, a züdo a mshkè a gèɗ iyam.

Psaumes 50:15

Tsu ri a iyè a pats mwuɗitpa, a i woy a i mbel ka, a ka, ka da slébèrdyè.

Psaumes 66:10

Bi Zhiklè, ka jkede nga, ka wosl nga ara man ta wèsl verzhègenè.

Psaumes 81:7

I cèma ka skwi nʼnzalaʼa auda a daʼai, i cèma ka duzlak auda a gèɗ.

Psaumes 91:15

A bahayè, a i da mbeɗa na a ma, i da zhè a sam na te matakwan, i da ckoɗauda a i feda a sam man ta slébèrdèʼa.

Psaumes 99:6

Moise a Aaron te va ndohi mvi skwi a nengaʼa, Samuel te va ndohi man ta tsi ri a nzlembaɗ nengaʼa. Ta tsu ri a Ndo nzi pèc pècèk, a nengaʼa a mʼmbedka taa ma.

Exode 14:10

Aman Pharaon ndul ndul ma, ndohi Israel ta ngul dai, a ta rka ndohi Egypte ta a verzi tengaʼa, a ta gu zlau a vata. A ndohi Israel ta kuɗi a sam Ndo nzi pèc pècèk,

Exode 16:4

A Ndo nzi pèc pècèk a ngaɗa na Moise: Na haha i woy man a i va kinè movar man a shkèhai te zhiklè ara iyam, a ndohi ta dè auda a pèc pècèk, aman ta ɓicè skwi nʼndai man ta ndiaʼa a pats sa. I woya man i jkede ta a i rka, gar ta jèjèr ma ga, gar ta woya Bai.

Exode 17:4

A Moise a ntsu rai, a kuɗi a sam Ndo nzi pèc pècèk, a ngaɗa: I da gi ma kè a ndohi haha? Njèkè kètè genè, a ta kalyè a kwa.

Exode 20:20

A Moise a ngaɗa ta ndohai: Kin gu zlau bai, aman Zhiklè a shkè, aman a njkede kinè genè, a zlau Zhiklè a nʼnzi a ndav kinè, a kin da gi mali asaɓai.

Proverbes 17:3

Ara gezla a wèsl züdo a guro, lèmèlèmè arsa Ndo nzi pèc pècèk a jkeda ndav ndohai.

Jérémie 15:1

Ndo nzi pèc pècèk a ngaɗayè: Ko man nda Moise a Samuel ta shkè a sam ga, ndohi haha ta siyè te va azɓai. Dzam ta auda a sam ga, do do ta!

Jérémie 9:7

Gar haha Zhiklè bi mbiaʼa a gaɗa: I woya a i wosl ta ara züdo, a i jkede ta. I slaha a i gi skwi ngiɗè a géɗ ndohi ga dè?

Ezéchiel 47:7

Aman i do deɓa, i rka wofhi kumba te tsagi woyam cèw.

Ezéchiel 47:8

A ngaɗayè: Iyam haha a hi auda te civèɗ mvèng pats, a hi a hèshèkèɗ, a hi a va iyam mbiaʼa, man boma te pa; a iyam a ngwode na a iyam njènaʼa.

1 Corinthians 1:18

Aman ma a géɗ wof ngézlèlè, nengaʼa nrzlè a sam ndohi man ta ze ta; aman a sam nga, man nga mbelaʼa, nengaʼa wuɗi Bi Zhiklè.

Deutéronome 13:3

ka fu zlembaɗ a ma ndo nhadka ma sa a ndo man nshunè a keɗaʼa sa ɓai! Aman Ndo nzi pèc pècèk, Zhiklè ngaya, a jkede ka, a woy a suna, ka gshè va a Ndo nzi pèc pècèk, Zhiklè ngaya, a ndav ngaya tèlèba, a nshèffè ngaya tèlèba ɗè, ɗè azɓi dè.

Deutéronome 8:16

nengaʼa man a mva ka manne tʼhèshèkeɗ a ka ndiaʼa, man babhi ngaya ta sun zlèzlèa ɓai; Zhiklè man a manda ka gèɗ a hai, a jkede ka, aman te deɓaʼa a ga ka skwi man amba,

Deutéronome 8:2

Sèi ka hér civèɗ tèlèba man Ndo nzi pèc pècèk, Zhiklè ngaya, a de ka tʼhèshèkèɗ, mvi 40, aman a manda ka gèɗ a hai, aman a jkede ka, aman a shin skwi man ka hérè te ndav ngaya, gar ka jèjèr ma nkwèr nengaʼa, gar ka jèrèrèʼa azɓai.

Juges 2:22

A i jkeda ta ndohi Israel arsa, a i suna: ta woy a ta dè a civèɗ Ndo nzi pèc pècèk ara babhi tengaʼa dè, dè ta dè azɓi dè?

Juges 3:1

Na haha ndohi herkeda man Ndo nzi pèc pècèk a njèka ta a sam man ta nza a pa, a njkeda ta ndohi Israel a vna, ta tèlèba man ta sun var tèlè man ta gokoɗi a géɗ Canaan ɓai.

Juges 3:4

Ndo nzi pèc pècèk a woya a njkede ta ndohi Israel a nda ta, a da rkaʼa: ta da fi gèɗ a ma nkwèr Ndo nzi pèc pècèk man a njè ta babhi tengaʼa te ma Moise dè, dè ta gi azɓai dè?