Exode 15:1 - Ma Zhiklè

¹ A pats nasa Moise a ndohi Israel ta slu dimèsh a sam Ndo nzi pèc pècèk, aranta: I woy a i sli dimèsh a Ndo nzi pèc pècèk, aman nʼnjèl nengaʼa mbiaʼa. A nkalda plèsh a ndo man a deɓaʼa a va iyam mbiaʼa.

Exode 15:1 ပူးပေါင်းရင်းမြစ်များ

Néhémie 9:11

Ka ngela iyam a ma tengaʼa, a ta beza a ndevaʼa, iyam az a pa ɓai. Ndohi man ta hu a verzi ta, ka zede ta a va iyam ara kwa te drav iyam.

Job 36:24

Huro, nzala mizlinè na, man ndohi ta slu a dimèsh a gèɗèʼa.

Psaumes 105:43

Aranta a nde ta ndohi nengaʼa auda, ndohi man a mparka ta auda. A ta wuffè kumba.

Psaumes 106:12

Te deɓaʼa ta co ma nengaʼa a ndav, a ta slu dimèsh a ta shüd gèɗ.

Psaumes 107:15

Sèi ta shida na gèɗ a Ndo nzi pèc pècèk a géɗ mwoy-ndo nengaʼa, a géɗ nrkedi nengaʼa man a gi a sam wud ndo-hai.

Psaumes 107:8

Sèi ta shida na gèɗ a Ndo nzi pèc pècèk a géɗ mwoy-ndo nengaʼa, a géɗ nrkedi nengaʼa man a gi a sam wud ndohai.

Psaumes 32:7

Ka sam man i slaha i nzi a hwaɗaʼa, ka ɓeryè te ri matakwan, ka tèudyè a pa a ka mbelyè.

Psaumes 76:6

Ndohi slagama, ta ge ta a ɓèlè a ta bazl ta. Ngul ndohi var tèlèba ta ndosko ta ma a pa.

Psaumes 76:7

Zhiklè Jacob, ko plèsh, ko ndo man a deɓ plèsh, ndzoan ngaya a tèwèlèma ta gèɗ.

Exode 14:26

A Ndo nzi pèc pècèk a ngaɗa na Moise: Gud rai a géɗ iyam mbiaʼa, a iyam a nshkè a deɓa, a mpizl ta ma ndohi Egypte a pa, a kiki tengaʼa, a plèshi tengaʼa.

Exode 14:27

A Moise a ngudo ri a géɗ iyam mbiaʼa, te nciɗ sam, iyam a mʼmenkaɗ na a pa, a hai, a ndohi Egypte ta menkaɗa deɓa a civèɗ iyam, a Ndo nzi pèc pècèk a ndzam ta ndohi Egypte a va iyam.

Exode 15:21

A Miriam a mfu dimèsh: Va-sla na dimèsh a Ndo nzi pèc pècèk, aman nʼnjèl nengaʼa mbiaʼa. A nkalda plèsh a ndo plèsh a va iyam mbiaʼa.

Exode 18:11

Anai i suna, Ndo nzi pèc pècèk mbiaʼa, a fena zhiklèhi ngiɗè tèlèba. A géɗ man ndohi Egypte ta gra gèɗ ta aranta, a mpre ta ndohi auda te ri ta.

Proverbes 29:6

Ndo ambaɓiaʼa, mali na a slafadama na sak; aman ndo nzuraʼa a gi a ngulaʼa, a wuffè.

Esaie 42:10

Va-sla na dimèsh mɓuaʼa a Ndo nzi pèc pècèk! Vo-slubordo ha ndè a verzi herkeda! Iyam mbiaʼa a skwi tèlè te pa, herkeda nte ndev iyam a ndohi man ta te pa, do slubordo Ndo nzi pèc pècèk!

Jérémie 51:21

a ka i gedassa kokwar-bihai. A ka i keɗa plèsh a ndo plèsh nengaʼa; a ka i pasla kikai, a nengaʼa man a nza te pa.

Osée 2:17

I da va na gi lak na, a i ngwoda dal Acor a pi ndav a vna a ma ma. A dè a pa, ara man a gu te dali na, a pats man a mshkè auda te kokwar Egypte.

Habakuk 3:18

Aman iyè, i da slébèrdè Ndo nzi pèc pècèk, a i wuffè a géɗ Zhiklè, Zhiklè man a mbelyè.

Nombres 21:17

A pats nasa ndohi Israel ta slu dimèsh haha: Thal, hodko iyam auda! Va-sla na dimèsh a thal.

Colossiens 2:15

A nsuɗama ta wuɗi auda a va kokwar-bihai, a wuɗihai, a nʼngreda ta a sam di ndo tèlè, a ntsa ta sabai a gèɗ.

Apocalypse 15:3

a ta slu dimèsh Moise, ɓèl Zhiklè, a dimèsh kra tambak, a ta gaɗa: Skwi man ka gau, skwi mbiaʼa, skwi nrkedai, Bi Zhiklè, Bi wuɗi tèlèba! Civèɗ ngaya nzuraʼa a vava, ka Bi ndohi herkeda.