Exode 14:30 - Ma Zhiklè

³⁰ Aranta Ndo nzi pèc pècèk a mʼmbel Israel a pats sa, te ri ndohi Egypte, a Israel a nrka nckondohi Egypte a ma iyam mbiaʼa.

Exode 14:30 ပူးပေါင်းရင်းမြစ်များ

II Chroniques 32:22

Aranta Ndo nzi pèc pècèk a mʼmbela Ezéchias a ndohi Jérusalem te ri Sanchérib, bi Assyrie, te ri ndohi tèlèba, a ɓer ta te ri ndohi a tsagi ta.

Psaumes 106:10

A mʼmbelka ta auda te ri ndo shèwa, a mpreka ta auda te ri ndo mayam.

Psaumes 106:8

Aman nengaʼa a mbel ta, a gèɗ nzlembaɗ nengaʼa, a gèɗ man a nʼngrede wuɗi na auda.

Psaumes 58:10

Ga ta pi deɓi shiɗèf kinè a vogwa vatak, Zhiklè a wyamdaussa, ara shiɗèf man nʼndarkaɗauda ɓai.

Psaumes 59:10

I pi di a ka, te man Bi Zhiklè ka wuɗi ga, nengaʼa gi ga ndakmaʼa.

Psaumes 91:8

Ka da rkaʼa, a di ngaya, a ka rka ara man ndohi ambaɓihiaʼa ta ngècè kita.

Exode 14:13

A Moise a ngaɗa ta ndohai: Kin gu zlau bai, va-nza taraʼa, a kin rka ara man Ndo nzi pèc pècèk a da mbel kinè a patsna. Ara man kin rka ta ndohi Egypte antanta, kin da rka ta te deɓaʼa asaɓai.

Esaie 63:11

Te deɓaʼa ta hur pats nzlèzlèa, man ta zhè a nda Moise, ɓèl na: Nengaʼa man a nhelka ta auda te iyam mbiaʼa, a nda ndo nwar ta, na tema? Nengaʼa man a mva na Mèzhèɓ nkezlaʼa a ndav, na tema?

Esaie 63:8

Nengaʼa a ngaɗa: A vava, ta ndohi ga, wudahi man ta da ngwodyè azɓai. A ngu a ndo mʼmbel ta te matakwan tenga tèlèba.

Esaie 63:9

Ndo sak ka ɓai, gol Zhiklè ka ɓai, man a mbel ta; nengaʼa a ri na. Nenga a ri na a sumka ta a deɓa, te mwoy-ndo nengaʼa man ta sia te va. A wara ta dai, a mɓerka ta daga zlèzlèʼa.

Osée 1:7

Aman ndohi gi Juda ta da siyè te va, a iyè Ndo nzi pèc pècèk, Zhiklè tengaʼa, i da mbel ta. I da mbel ta a lèkèɗ a tsakwal a plèsh a ndohi plèsh ka ɓai.

Deutéronome 4:34

Man ɓai, Zhiklè man a shkè a sam ndohi na, a helka ta auda te va ndohi herkeda ngidè, a skwi man a njkede ta, a skwi man a ngreda auda, a nrkedai, a var, a ri nengaʼa man wuɗi na zhè, a ngeda ri na, a ngu skwi mbiaʼa, wuɗitpa, ara man Ndo nzi pèc pècèk, Zhiklè kinè, a gau tèlèba a sam di kinè, a géɗ kinè, te kokwar Egypte, ngidè a zhi dè?

Jude 1:5

Kin sun tèlèba ma: a i woy a i hodko kinè ma a gèɗ: Bi Zhiklè man nshèlèkuraʼa a takaha ta ndohi Israel a ta shkè auda te kokwar Egypte, a mbazl ta pats ngiɗè te deɓaʼa, a géɗ man ta ca a ndav ɓai.

Juges 10:11

A Ndo nzi pèc pècèk a ngaɗa ta ndohi Israel: Ndohi Egypte, ndohi Amor, ndohi Ammon, ndohi Philistie,

I Samuel 11:13

Aman Saul a ngaɗa: A patsna nga kédè ndo azɓai. A patsna Ndo nzi pèc pècèk a mʼmbel ta ndohi Israel.

I Samuel 14:23

A pats nasa Ndo nzi pèc pècèk a ge ta ndohi Israel aranta a ngul ta. A ta gu var ha ta ndikè a Beth-Aven. Ndohi tèlèba ta humda a va Saul, ta gi 10.000. Za Ephraim tèlèba, sam var genè.