Exode 14:21 - Ma Zhiklè

²¹ A Moise a ngudo rai a géɗ woyam, a Ndo nzi pèc pècèk a ngoko kozlar mbiaʼa te civèɗ nkèl pats, a vad tèlèba, a woyam ngwor na, a iyam a ngelna te va cèw.

Exode 14:21 ပူးပေါင်းရင်းမြစ်များ

Genèse 8:1

A Bi Zhiklè a nhur Noé a skwi dak a skwi ndzham man a zhè te wurom tèlèba. A Bi Zhiklè a nzlündoko kozlar a géɗ herkeda, a iyam a nshèha va.

II Rois 2:8

A Elie a nco dawar na, a mpaɗaʼa, a ntseda a géɗ iyam, a iyam a nʼngel na cèw, a ta tawaɗa auda cèw ba, iyam az a sak ta ɓai.

Néhémie 9:11

Ka ngela iyam a ma tengaʼa, a ta beza a ndevaʼa, iyam az a pa ɓai. Ndohi man ta hu a verzi ta, ka zede ta a va iyam ara kwa te drav iyam.

Job 26:12

A géɗ wuɗi nengaʼa, woyam mbiaʼa a nza géɓitèʼa; a maya na a nkeɗda nfi va na a hai.

Job 38:24

Nkezli gèɗ civèɗ kozlar tu ngwa, kso a slambaɗda tema?

Psaumes 136:13

A nʼngela iyam mbiaʼa te va cèw; aman pombi nengaʼa a nzi a mèdèp.

Psaumes 148:8

vogwa a vandzal, a minmèn a ndodok a ndombozlor, man kin gi malwuɗi ma nengaʼa.

Psaumes 66:6

A nʼngwode iyam mbiaʼa a herkeda nʼngworaʼa. Ta beza a pa a sak. Ngo-wuffokoya a géɗ nengaʼa!

Psaumes 74:13

Ka ngela iyam mbiaʼa a wuɗi ngaya, ka batsama ta gèɗ a skwi iyam mbiaʼa tʼhwaɗ iyam,

Psaumes 78:13

A nʼngela woyam mbiaʼa, a mbezde ta te ndevaʼa, a nzlatseda iyam a hai ara zlazlar.

Exode 14:16

Ka, Zlatseda ri a gada a zhiklè, gudo ri ngaya a géɗ woyam mbiaʼa, ngela iyam te va, a ndohi Israel ta tawaɗaʼa a sam ngworaʼa.

Exode 14:20

a nʼnza a ndev ndohi var Egypte, a ndohi var Israel. A vani a mʼmadz na te civèɗ ngiɗè, nhela te civèɗ ngiɗè, a ndohi Israel ta beza a pa, a vad, a vad tèlèba, ngiɗè a rka ngiɗè bai, ngiɗè a rka ngiɗè bai.

Exode 15:8

Ka vèɗè htsan, a iyam a ngrè, a nzlatsa, ara zlazlar, a iyam a nsassay na te woyam.

Exode 7:19

A Ndo nzi pèc pècèk a ngaɗa na Moise: Gada na Aaron: Co gada, tor ri a géɗ iyam tèlèba te kokwar Egypte, a géɗ woyam, a géɗ wurrihai, drav iyamhai, thalhai, a ndi na a Pombaz tèlèba. Te duzlak a torok Egypte tèlèba, iyam da ngwoda va na a Pombaz te pa.

Esaie 23:11

Zhiklè a ngeda ri nengaʼa a géɗ woyam mbiaʼa, a gudzede ta kokwar-bihai. Ndo nzi pèc pècèk a ngoɗ a géɗ Canaan, man ta mbeɗda zlazlar ko-kwar nengaʼa aussa:

Esaie 43:16

Ndo nzi pèc pècèk, man a mbazlda civèɗ a ndev woyam mbiaʼa, a mwinèʼa civèɗ te va iyam mbiaʼa, a goɗ aranta.

Esaie 44:27

A i gaɗa na iyam mbiaʼa: Gwor ngaya! A i gwora woyamhai.

Esaie 50:2

Man i shkè, i ngatsa ndo a pa ɓi èhèmè? Man i boho, ndo a mʼmbeɗay a ma ɓi èhèmè? Ri ga a shila ɓai, kumba tüsloʼa man i preka kinè auda ɗè? Wudi ga aman i mbel kinè azɓi ɗè? Na haha i gwora woyam mbiaʼa a ndzoan ga. I gwora woyam, a i ndeda hèshèkèɗ, a klèfihi te pa ta husl ta, a géɗ man iyam azɓai. A skwihi te pa ta bazl ta a mi iyam.

Esaie 51:10

Ka man ka gwora iyam mbiaʼa, iyam mbiaʼa man a hakaɗauda tʼhwaɗ herkeda; man ka bazl-da civèɗ a woyam mbiaʼa, a ndohi man ka sumka ta a deɓa ta bezkaɗa pa, ka ɓi ɗè?

Esaie 51:15

Iyè Ndo nzi pèc pècèk, Zhiklè ngaya, man i geda iyam mbiaʼa, a gi tsuvoɗoh-tsuvoɗohaʼa—nzlembaɗ ga Zhiklè bi mbiaʼa.

Esaie 63:12

Man ri nengaʼa nʼnzalaʼa a ntakaha ri mandi Moise, a nʼngela iyam a ma tengaʼa, aman ta hér nzlembaɗ nengaʼa a mèdèp.

Esaie 63:13

Man a nde ta te nkulgodok ara plèsh man a dè te ndev hèshèkèɗ, a skwa a ntsama ta sak ɓai?

Habakuk 3:8

Ndo nzi pèc pècèk a gi ndav a géɗ woyam ɗè? A gi ndzoan a géɗ iyam mbiaʼa ɗè? Aman ka hi a deɓ plèsh ngaya, a géɗ kiki nʼngul ndo ɗè?

Actes 7:36

Nengaʼa a nde ta auda, a ngu nrkedai, a nʼngreda ta skwi tsaɗ tsaɗ te kokwar Egypte, te woyam mbiaʼa nduzoaʼa, tʼhèshèkèɗ, mvi kulkul faɗ.

Josué 2:10

Nga tsenaʼa, ara man Ndo nzi pèc pècèk a ngwora woyam mbiaʼa a ma kinè, a pats man kin shkè auda te kokwar Egypte; a nga tsena skwi man kin ga ta Sihon a Og, bihi ndohi Amor, te wud woyam Jourdain, man kin bazl ta.

Josué 3:17

Ndohi mvi skwi a Zhiklè man ta zuɓ koti nderzlè-ma, ta zlatsa a sam woyam ngworaʼa, a ndohi Israel tèlèba ta beza auda, iyam az a sak ta ɓai, ha tèlèba ta tawaɗa woyam Jourdain.

Josué 4:23

te man Ndo nzi pèc pècèk, Zhiklè kinè, a ngwora woyam Jourdain a ma kinè, ha kin shkè auda te woyam ma, ara man Ndo nzi pèc pècèk, Zhiklè kinè, a gau te woyam nduzoa, man a ngwora a ma nga, ha nga shkè auda te woyam ma.