Exode 14:11 - Ma Zhiklè

¹¹ a ta gada na Moise: Gi dzavi te kokwar Egypte azɓi dè, aman a ka helka nga auda a hèshèkèɗ, a nga da bèzl nga a haha? Ka ga nga ar sata mè, a ka helka nga auda te kokwar Egypte!

Exode 14:11 ပူးပေါင်းရင်းမြစ်များ

Genèse 43:6

A Israel a ngaɗa: Kin ngreda na ndo sa a kin gaɗa kramam nga a zhè èhèmè? A kin gay matakwan aranta!

Exode 13:17

Aman Pharaon a mva ta civèɗ a ndohai, Zhiklè a mbezde ta a civèɗ kokwar Philistie ɓai; nengaʼa civèɗ ndulaʼa. Aman Zhiklè a nhuro: Gar man ndohi ta da rka var a ma ta, ta da hur te ndav ta: Dara nga min nga a deɓa a kokwar Egypte.

Exode 32:1

Aman ndohi ta rkaʼa, Moise a nzi dai a géɗ za, nshkèhi tsam-tsam bai, ta ɓiceda va a sam Aaron, a ta gada na: Washkè, rama nga zhiklè nga, aman a dè a ma nga. Nga sun skwi man a nga na ndo haha bai, Moise, nengaʼa man a nhelka nga auda te kokwa. Egypte.

Exode 5:21

A ndohi nhalaʼa ta gada ta: Ndo nzi pèc pècèk da jèke kinè ɓai, da gu kita kinè, a géɗ man kin poko na gèɗ auda a Pharaon a ndohi na, a ta ga nga shèwa, a kin va ta tsakwal a rai, a ta bazl nga a vna.

Exode 5:22

A Moise a ntsu ri a Ndo nzi pèc pècèk, a gada: Bi-Zhiklè ka gi skwi ambaɓiaʼa a sam ndohi ngaya ar haha èhèmè? Ka zlindekayè a sam tengaʼa èhèmè?

Nombres 11:1

A ndohi ta gu ma a sam Ndo nzi pèc pècèk. A Ndo nzi pèc pècèk a ntsenaha, a ndza na a ndav, a vogwa Ndo nzi pèc pècèk a nslambaɗa a tsagi sam man ta nza a pa, a nʼnde ta ndohi tèlèba a ma.

Nombres 11:15

Aman ka gu aranta a sam ga, dara ka keɗyè a i ngots pombi a sam ngaya, a i si matakwan haha asaɓai!

Nombres 14:22

ndohi haha tèlèba man ta rka nʼnjèl ga, a nrkedi ga man i gau te kokwar Egypte, a ta tsena ma ga bai, a ta jkedyè sak kula kula ma, a ta fa na gèɗ a ma ga bai,

Nombres 16:41

Te mangoslèmaʼa, mpi ndohi Israel tèlèba ta gu ma a géɗ Moise a Aaron, a ta gada: Kin bazl ta ndohi Ndo nzi pèc pècèk!