Exode 13:21 - Ma Zhiklè

²¹ A Ndo nzi pèc pècèk a mdo a ma tengaʼa. A pats te va vani njèraʼa, a ngreda ta civèɗ; a vad te va nèʼèn vogwa, a nhela ta sam, a ta slaha ta dè a pats a vad.

Exode 13:21 ပူးပေါင်းရင်းမြစ်များ

Néhémie 9:12

Te va nasa ka feda ta ma, a pats a vanai, a vaɗ a nèʼèn vogwa, a ka hela ta sam a civèɗ man ka woy a ta dè a pa.

Néhémie 9:19

aman ka, a géɗ man ndo a se ka te va kumba, ka jèke ta tʼhèshèkèɗ ɓai. A pats vanai a mshkè auda a sam ta ɓai, a de ta a civèɗ; a vaɗ nèʼèn vogwa a zhè, a hela ta civèɗ man ta dè a pa.

Psaumes 105:39

Zhiklè a ngu vanai a mpizlè ta a pa, a vogwa man a hela ta sam a vaɗ.

Psaumes 68:7

Bi Zhiklè a va ta gai a mbelaw ndohai, a preka ta ndohi dangai auda. Sèi ndohi mèdègèɗ ta nza a ta ngècè skwi azɓai.

Psaumes 77:20

Civèɗ ngaya a mbeza a ndev iyam mbiaʼa, sam man ka beza a pa te va woyam mbiaʼa, aman ndo a nʼngatsa sam sak ngaya ɓai.

Psaumes 78:14

A pats a de ta a vanai, a vaɗ a nèʼèn vogwa.

Psaumes 99:7

A ngaɗa ta te va vanai. A tengaʼa ta ɓüro ma nkwèr nengaʼa, ta dzodzor ma kita man a va ta.

Exode 10:10

A nengaʼa a ngaɗa ta: Zhiklè do do a nda kinè; aman i va kinè civèɗ a wudahi kinè tèlè azɓai! Na haha kin hur skwi man ambaɓai.

Exode 16:10

Aman Aaron a ngaɗa ta nhèyè ndohi Israel tèlèba ar haha, ta ngwoda gèɗ ta a deɓa a ndev hèshèkèɗ, a ta rka nʼnjèl Ndo nzi pèc pècèk a ngudoko ta va a dai te va vanai.

Exode 32:1

Aman ndohi ta rkaʼa, Moise a nzi dai a géɗ za, nshkèhi tsam-tsam bai, ta ɓiceda va a sam Aaron, a ta gada na: Washkè, rama nga zhiklè nga, aman a dè a ma nga. Nga sun skwi man a nga na ndo haha bai, Moise, nengaʼa man a nhelka nga auda te kokwa. Egypte.

Cantique des Cantiques 3:6

Mshkè tʼhèshèkèɗ wa, nara ndüzh vodzok, te va mwurzhè a ɓurdi ngiɗè man a zhkè, a skwi man ndo a gi ganiáʼa, man a zhkè tsaɗ tsaɗ.

Nombres 10:34

A pats, aman ta slèmbèɗè, vani Ndo nzi pèc pècèk a zhè a gèɗ tengaʼa.

Nombres 14:14

A ndohi kokwar haha ba tèlèba ta suna, ka Ndo nzi pèc pècèk ka zhè a sam ndohi ngaya haha, ka gudoko ta va a dai, ka Ndo nzi pèc pècèk, man vani ngaya a nzi a sam ta, man ka dè a ma tengaʼa te va vanai a pats, a vaɗ te va vogwa.

Deutéronome 1:33

nengaʼa man a do a ma kinè, a nwoya kinè sam man kin mènè a pa; a vad te va vogwa, a kin rka civèd man kin da dè a pa; a pats te va vanai.

Deutéronome 31:8

Ndo nzi pèc pècèk a ri na a dè a ma ngaya, a da zhè a tsagi ngaya, a jèk ka azɓai, a pre ka azɓai. Ka gu zlau ɓai, ka gudzu ɓai!