Exode 12:48 - Ma Zhiklè

⁴⁸ Aman ndo man a shkè te verzi ngiɗè a zhè a sam ngaya, a woya a ngi ngolala a sam Ndo nzi pèc pècèk, ngolala Pâque, sèi ta ngela na ngwon a wudahi nengaʼa tèlèba man nguraʼa, nguraʼa. Te deɓaʼa da shkè, da gau ngolala, ara wud ngwihai. Aman ndo man ngwon nʼngel bai, da ndau te nengaʼa ɓai.

Exode 12:48 ပူးပေါင်းရင်းမြစ်များ

Genèse 17:11

Ta ngela na mbèbèc ngwon. Nasa skwi man a ngreda nderzlè-ma nga a kinè.

Genèse 17:12

Kra nguraʼa staɗ staɗ tèlèba te ndev kinè, man a ngu mʼmèn 8, ta ngela na ngwon, verzi verzi tèlèba. Ko ɓèlè man a yu te gi ngaya, ko nengaʼa man ta suma a sulai a sam bab na ngiɗè, man ndo verzi ngaya ka ɓai.

Exode 12:19

Mʼmèn 7 a woy skwi nshégèr movar te gi kinè asaɓai. Ko wawa man a ndi movar man skwi nshégèrèʼa te dai, ta da zedekona nshèffè nengaʼa auda te va mpi ndohi Israel, ko ndo mbrok, ko kra ngwai.

Exode 12:43

A Ndo nzi pèc pècèk a ngaɗa ta nda Moise a Aaron: Na haha ma Pâque: Ndo dala da ndau nengaʼa bai!

Ezéchiel 14:7

Ndo man a kwolyè te va ndohi Israel, man ɓai te va mbrokihi man ta zhè te Israel, a hér vri te ndav na, a slafadama na sak a kèlèhi a malai, te deɓaʼa a dè a sam ndo nhadka ma, aman a dzhadyè, iyè, Ndo nzi pèc pècèk i da mbeda na ma a ri ga.

Ezéchiel 44:9

Gar haha Bi Zhiklè a gaɗa: Ndo man verzi na tsaɗ, ko wawa, man a ngwoda ndav na bai, man ngwon ta nʼngel bai, da shkè a sam ga nkezlaʼa bai, ko ndo wawa, man a zhè te ndev ndohi Israel.

Ezéchiel 47:22

Va-gu jimèr a va kinè, a va ndohi man verzi ta tsaɗ man ta zhè a sam kinè, man ta yi wudahi a sam kinè. Ta lèmèlèmè ara wudahi Israel tas. Sèi da ngots skwi nʼndi gai a jimèr a nda kinè te ndev verzi Israel.

Lèv. 19:34

Ndo mbrok da nza te va kinè lèmèlèmè ara kra ngwai. Woya a ndav ngaya, ara man ka woy va ngaya; kinè ba te va nasa kin mbrokihai te kokwar Egypte. Iyè Ndo nzi pèc pècèk, Zhiklè kinè.

Nombres 9:14

Aman ndo mbrok a zhè te gi kinè, a da gi ngolala Pâque a sam Ndo nzi pèc pècèk, ara man i njè kinè a gèɗ a géɗ Pâque, ara man i ngra kinè, da gu arsa. Ma nkwèr ga a géɗ ngolala Pâque, na staɗgenè, a sam kinè; a sam ndo mbrok, a sam kra ngwai.

Galates 3:28

A haha tsaɗ tsaɗ azɓai, ko Juif, ko Grec, ko ɓèlè, ko kra ngwi, ko nguraʼa, ko ngwoz, kin tèlèba staɗ te Yèsu Kristi.

Colossiens 3:11

Gar haha ndo Grec, ndo Juif, ndo man ngwon nʼngela, ndo man ngwon nʼngel ɓai, ndo barbare, ndo Scythe, ɓèlè, kra ngwi ka ɓai, – aman Kristi, tèlèba, te ndohi tèlèba.