Exode 12:41 - Ma Zhiklè

⁴¹ Te deb mvi 430, a pats sa, nhèyè ndohi Ndo nzi pèc pècèk ta jèkeda kokwar Egypte.

Exode 12:41 ပူးပေါင်းရင်းမြစ်များ

Genèse 50:24

A Joseph a ngaɗa ta kramamhi na: Anai, i metsi ga. Aman Bi Zhiklè a da takaha kinè, a da hel kinè auda te kokwar haha, a de kinè a kokwar man a mbaɗa na a Abraham, Isaac a Jacob.

I Rois 6:1

Mvi 480 te deɓ man ndohi Israel ta shkè auda te kokwar Egypte ma, te mvi bi Salomon a géɗ Israel mafaɗaʼa, a ki Ziv, ki macecèwaʼa, a hüno nrèm gi Ndo nzi pèc pècèk.

II Chroniques 14:12

Asa a ndohi man ta zhè a sam na, ta hu a verzi ta ha ndè Guèrar, a ndohi Ethiopie ta bazl ta, ta slaha ta mbelé nshèffè ta ɓai, te man Ndo nzi pèc pècèk a ngedas ta a ndohi var nengaʼa. Asa a ndohi na ta ngots skwi ndümè a vata.

Psaumes 102:13

Aman ka, Ndo nzi pèc pècèk, ka nzi a géɗ sam nʼnzi bai a mèdèp. Ndohi te verzi wud wuda ta hér ka a ma ma.

Psaumes 114:1

Aman ndohi Israel ta shkè auda te kokwar Egypte, a ndohi Jacob ta shkè auda te va ndohi man daʼai ta tsaɗ,

Psaumes 136:11

A nhelka ta ndohi Israel auda te kokwar tengaʼa; aman pombi nengaʼa a nzi a mèdèp.

Exode 12:17

Va-gau ngolala movar man skwi nshégèrèʼa a te di ɓai. Aman a pats nasa i de ta nhèyè ndohi Israel auda te kokwar Egypte. A géɗ nengaʼa sèi kin hér pats sa a ndè a ma ma te verzi kinè tèlèba a ma nkwèr kinè a mèdèp.

Exode 12:51

A pats nasa, Ndo nzi pèc pècèk a nde ta ndohi Israel auda te kokwar Egypte, ara mbicè va ta, ara nhèyè va ta.

Exode 13:14

Aman kra nguraʼa a da dzhaɗ ka pats ngiɗè: Verzi skwi haha a ngra nga mè? Ka da mbeɗa na a ma: Ndo nzi pèc pècèk a nhelka nga auda te kokwar Egypte, te gi ɓèlè, a wuɗi ri nengaʼa.

Exode 13:16

Skwi haha da gu ara wuɗah a deɓ ri ngaya, a medi ngaya aman ka hérèʼa, aman Ndo nzi pèc pècèk a nhelka nga auda te kokwar Egypte a wuɗi ri nengaʼa.

Exode 13:3

A Moise a ngaɗa ta ndohai: Va-hur pats man kin shkè auda te kokwar Egypte, te gi ɓèlè. Ndo nzi pèc pècèk a nhelka kinè auda te pa a wuɗi ri nengaʼa. Nga ndi movar man skwi nshégèrè a te di bai, a pats sa.

Exode 13:9

Da ga ara wuɗah a deb ri kinè, a medi kinè, aman kin hérèʼa, a ma kita da zhè te ma kinè. Aman Ndo nzi pèc pècèk a nhelka kinè auda te kokwar Egypte a wuɗi ri nengaʼa.

Exode 3:10

Antanta do, i woya man i zlinde ka a sam Pharaon, aman ka helka ta ndohi ga, ndohi Israel, auda te kokwar Egypte.

Exode 3:8

A i shkèhai, aman i mbel ta te ri wuɗi ndohi Egypte, a i de ta auda te kokwar haha, a ta dè a kokwar mbiaʼa, man amba, man wa a vongwom a hi te pa, a kokwar ndohi Canaan, Heth, Amor, Phérez, Hévi a Jébus.

Exode 6:26

Nasa Aaron a Moise, man Ndo nzi pèc pècèk a ngaɗa ta: Va-de ta ndohi Israel auda te kokwar Egypte, ara mɓicè-va tengaʼa.

Exode 6:6

Gar haha gada ta ndohi Israel: I Ndo nzi pèc pècèk, i woy a i helka kinè auda te mizlinè bèlè te kokwar Egypte, a i mbel kinè auda te ɓèlè kinè, i tèr ri ga a i preka kinè auda te ɓèl kinè, a i ga ta kita mbiaʼa.

Exode 7:4

Pharaon a da cinè ma kinè azɓai. Te deɓaʼa i woy a i tara ta ri a di a ndohi Egypte, a i de ta ndohi Israel mɓicaʼa, ndohi ga, auda te kokwar Egypte, a kita mbiaʼa man i ga ta ndohi Egypte.

Daniel 9:24

Nga va ta mvi 70 a ndohi ngaya a kokwar ngaya nkezlaʼa, ha mphömè a mali nʼnga tèlèba ma, ha mali ta mpela ma, a ngi-zuraʼa a zhè a mèdèp, ha ma nshunè a ma ndo nhadka ma a ndikè a pa, a ta bada na mbar a gèɗ a ndo nkezlaʼa a géɗ ndohi nkezli nkezlaʼa tèlèba.

Lèv. 23:43

a ndohi te verzi kinè ta suna, aman i helka ta ndohi Israel auda te kokwar Egypte, ta nza a godzovok. Iyè Ndo nzi pèc pècèk, Zhiklè kinè.

Habakuk 2:3

Skwi a da rka ka a di a ma dai, ndikèmaʼa a herdeka va, a ngwèdè azɓai. Ko a nzi dai, zhoro! A da gi a vava, a da gi ndèzl.

Nombres 23:22

man a helka ta auda te kokwar Egypte, wuɗi na zhè ara wuɗi kevar.

Nombres 33:1

Nasa civèɗ man ndohi Israel ta sawalka te pa, a verzi Moise a Aaron, te deɓ man ta shkè auda te kokwar Egypte ma, ara ndohi var ta, ara ndohi var ta.

Jean 7:8

Vo-do ngolala sa ar kinè! Iyè, i woy a i dè ɓai; tiɗè sam man a ga di ka ɓai.

Actes 1:7

Aman nengaʼa a ngaɗa ta: Ma kinè ka ɓai, aman kin shin patsaʼa a samaʼa, man Bi-Zhiklè a giaʼa, a wuɗi-Bi nengaʼa staɗgenè.

Actes 7:36

Nengaʼa a nde ta auda, a ngu nrkedai, a nʼngreda ta skwi tsaɗ tsaɗ te kokwar Egypte, te woyam mbiaʼa nduzoaʼa, tʼhèshèkèɗ, mvi kulkul faɗ.

Deutéronome 16:1

Hur ki Abib, a ka da gi ngolala Pâque a sam Ndo nzi pèc pècèk, Zhiklè ngaya! Aman a ki Abib Ndo nzi pèc pècèk, Zhiklè ngaya, a nhelka ka auda te kokwar Egypte, a vaɗ.

Deutéronome 4:37

A gèɗ man a woy babhi kinè, a mpar ta ndohi te verzi tengaʼa auda, a nhelka kinè auda te kokwar Egypte, nengaʼa a ri na, a wuɗi nengaʼa mbiaʼa.

Josué 24:5

Te deɓaʼa i zlinda Moise a Aaron, a i ga ta matakwan a ndohi Egypte, a nrkedi man i gu a sam tengaʼa. Te deɓ nengaʼa i helka kinè auda.

Josué 5:14

A nengaʼa a ngaɗa: Aʼai, i bi ndohi var Ndo nzi pèc pècèk. I shkè antantanta genè. A Josué a nkalahi a deɓ sak nengaʼa, a ntsu riaʼa, a ngaɗa: Bi Zhiklè ga a gaɗa na ɓèl na mamè?