Exode 12:37 - Ma Zhiklè

³⁷ A ndohi Israel ta slambaɗa te Ramses, a ta de Succoth. Ndohi a gi 600.000 ta de a sak, wudahi ta nger ta a va bai.

Exode 12:37 ပူးပေါင်းရင်းမြစ်များ

Genèse 12:2

I woy a i ge ka a verzi ndohi kumba, a i da pshè ka ma, a i da gra nzlembaɗ ngaya, man a pshè ma ndohai.

Genèse 15:5

A nda auda, a ngaɗa: Ced gèɗ a zhiklè, ngur bantihai ka slaha ka nger ta ɗè? A ngaɗa na: Ndohi verzi ngaya ta da gi kumba arsa.

Genèse 46:3

I Zhiklè, Zhiklè bab ngaya! Ka gu zlau ɓai, aman ka dè a kokwar Egypte. I woy a i ga ka a ndohi mbiaʼa a te pa.

Genèse 47:11

A Joseph a ntila na sam ngwi a bab na, a kramamhi na, a mva ta sam te kokwar Egypte a rai, sam man amba a fena civèɗ ngiɗè, sam Ramses, ara man Pharaon a gaɗa na.

Exode 1:11

A ta pe ta ndohi ndzara ndohi mizlinè, a ta ga ta matakwan, a mizline man ta giaʼa ambalai. Ta pe ta a mizlinè, ta rama na kokwar Pithom a Ramses a Pharaon, aman a da pi skwi a pa.

Exode 10:9

A Moise a ngaɗa: Nga woy a nga dè tèlèba, a wudahi ba, a babgihi ba, a wudahi a dalahi nga, a tambakihi nga a zlèhai, nga woy a nga hel ta a ri tèlèba, te man nga da gi ngolala Ndo nzi pèc pècèk.

Exode 13:20

Te deɓaʼa ta jèkeda Succoth, a ta mana a Etham, a ma hèshèkèɗ.

Exode 38:26

Ndohi man ta nger ta, staɗ staɗ tèlèba, rèta Suli verzhègenè, ara skwi nlivè nkezlaʼa; staɗ staɗ tèlèba man mvi na 20 a ndè a ma ma, a gi ndohi 603.550.

Nombres 1:2

Va-nger ta mpi ndohi Israel tèlèba, ara gwoli ta, ara gwoli ta, ara ndohi gi ta, ara ndohi gi ta; va-ngur nzlembaɗ ngurhi ngurhi staɗ staɗ tèlèba!

Nombres 1:46

ndohi man ta nger ta tèlèba, 603.550.

Nombres 11:21

A Moise a ngaɗa: Ndohi man i zhè a sam ta, ndohi nde a sak 600.000, a ka gada: i da va ta zluèɗ a ta ndiaʼa ki staɗ.

Nombres 2:32

Nasa ndohi Israel man ta nger ta, ara ndohi gi ta, ara ndohi gi ta. Ndohi var tengaʼa tèlèba man ta nger ta a sam lamba ta, a sam man ta mana a pa: 603.550.

Nombres 26:51

Ndohi Israel tèlèba man ta nger ta, 601.730.

Nombres 33:3

Ta jèkeda Ramses, te ki nshèlèku-raʼa, mʼmèn 15 a ki nshèlèkuraʼa. Te mangoslèm Pâque, ndohi Israel ta shkè auda te kokwar Egypte, ri Zhiklè a zhè, a ɓer ta, a sam di ndohi Egypte tèlèba,

Nombres 33:5

A ndohi Israel ta jèkeda Ramses, a ta nza a Succoth.