Exode 12:28 - Ma Zhiklè

²⁸ A ndohi Israel to do a gai, a ta gu ara man Ndo nzi pèc pècèk a njè ta a nda Moise a Aaron; a ta gu arsa.

Exode 12:28 ပူးပေါင်းရင်းမြစ်များ

II Samuel 5:25

A David a gu ara man Ndo nzi pèc pècèk a ngaɗa na, a mbazl ta ndohi Philistie, a hinè te Gabaon, ha ndè Guézer.

I Rois 17:5

A nengaʼa a mdo, a ngu ara man Ndo nzi pèc pècèk a gada na, a nʼnza a ma woyam Kerith, tʼwud woyam Jourdain, te civèɗ mvèng pats.

Exode 12:27

Kin da gada ta: Nengaʼa Pâque, man ta zloho a sam Ndo nzi pèc pècèk, a géɗ man a mbeza na auda a sam gi ndohi Israel te kokwar Egypte, aman a mbazl ta ndohi Egypte; aman gi nga, a nlama na bai. A ndohi tèlèba ta gurɓahai a ta kalahi a deb sak tengaʼa.

Exode 12:29

A géɗ vad, Ndo nzi pèc pècèk a mbazl ta tsuvomhi te kokwar Egypte tèlèba, a hinè a sam tsuvom Pharaon man a nza a géɗ sam nʼnzi bai, a ndè a ma a tsuvom bèlè te dangai, a tsuvom skwi ndzham.

Exode 12:35

A ndohi Israel ta gau, ara man Moise a gada ta. Ta dzhoɗo skwi wai te ri ndohi Egypte, verzhègenè a guro a maslaka.

Exode 14:4

A i woy a i sassaya ndav Pharaon, a nhi a verzi tengaʼa, a i ngreda nʼnjèl ga auda a sam nengaʼa, a sam ndohi var nengaʼa tèlèba. Ndohi Egypte sèi ta da suna, i Ndo nzi pèc pècèk. A ndohi Israel ta gu arsa.

Exode 36:1

Bethsaleel a Oholiab a ndohi tè-lèba man ta sun maya mizlinè, man Ndo nzi pèc pècèk a mva ta maya, a mwosl ta, a ta sun ngiaʼa, da gu mizlinè tèlèba a sam nkezlaʼa, zuraʼa lèmèlèmè ara man Ndo nzi pèc pècèk a njè ta.

Exode 39:32

Aranta ta ndeva mizlinè a sam gi nkezlaʼa, gi mɓicè-va, tèlèba. A ndohi Israel ta gau zuraʼa, lèmèlèmè ara man Ndo nzi pèc pècèk a gada na Moise. Ta gau arsa.

Exode 39:42

Zuraʼa lèmèlèmè ara man Ndo nzi pèc pècèk a gada na Moise, ndohi Israel ta gau mizlinè tèlèba.

Exode 39:43

Aman Moise a rka, mizlinè tèlèba a ndeva ma, ara man Ndo nzi pèc pècèk a ngaɗa na, – ta gu arsa – a mpshè ta ma.

Exode 7:10

A Moise a Aaron to do a sam Pharaon, a ta gu ara man Ndo nzi pèc pècèk a gada ta: Aaron a nkalda gada a sam sak Pharaon a golahi nengaʼa; a nde na zhüzhok.

Exode 7:6

Te deɓaʼa Moise a Aaron ta gu arsa, ta gau ara man Ndo nzi pèc pècèk a gada ta.

Lèv. 24:23

A Moise a ngaɗa ta ndohi Israel, a ta da ndo nlivè Zhiklè auda a dal kokwar, a ta kolo a kwa. Aranta ndohi Israel ta gu ara man Ndo nzi pèc pècèk a gada na Moise.

Nombres 1:54

A ndohi Israel ta gu skwi tèlèba man Ndo nzi pèc pècèk a njè na a gèɗ a Moise. A ta gu arsa.

Nombres 31:31

A Moise a Eléazar, ndo mvi skwi a Zhiklè, ta gau ara man Ndo nzi pèc pècèk a njè na ma a gèɗ a Moise.

Nombres 31:41

A Moise a mpa na skwi man ta co auda a ri a Eléazar, a skwi Zhiklè, ara man Ndo nzi pèc pècèk a gada na Moise.

Nombres 31:47

Te va skwi man a ndohi Israel, Moise a nco auda staɗ te va 50; te va ndohi, te va skwihi ba, a mpa ta ndohi Lévi man ta gu mizlinè a sam gi Ndo nzi pèc pècèk, ara man Ndo nzi pèc pècèk a gada na Moise.

Nombres 5:4

A ndohi Israel ta gu arsa, a ta dzam ta auda a samaʼa, ara man Ndo nzi pèc pècèk a njè na a gèɗ a Moise: a ndohi Israel ta gu arsa.

Deutéronome 34:9

A Josué, kra Nun, nʼndha a Mèzhèɓ Zhiklè a maya, a géɗ man Moise a mfa na ri a gèɗ. A ndohi Israel ta tsena ma nengaʼa, a ta gu ara man Ndo nzi pèc pècèk a njè na ma a gèɗ a Moise.

Hébreux 11:28

A géɗ ncè-a-ndav nengaʼa a ngu ngolala Pâque, a nguceda pombaz, aman gol Zhiklè, man a bèzlè ndo, a slaha a mbazl ta tsuvomhi Israel ɓai.

Josué 14:5

Ndohi Israel ta gu aranta, ara man Ndo nzi pèc pècèk a njè na a gèɗ a Moise, a ta kezli kokwar.

Josué 2:21

A nengaʼa a ngaɗa: Da gau ara man kin goɗa! A mpre ta, a to do ta. A nengaʼa a ngerzlda teɓa nduzoa a nvakavar.

Josué 4:8

Ndohi Israel ta gau ara man Josué a gaɗa ta. Ta porko kwa 12 te Jourdain, ara man Ndo nzi pèc pècèk a gaɗa na Jo-sué, staɗ staɗ a géɗ verzi ndohi Israel 12, a ta helda rai a sam man ta dè mènè a pa. A pa, ta pedahai.