Exode 12:27 - Ma Zhiklè

²⁷ Kin da gada ta: Nengaʼa Pâque, man ta zloho a sam Ndo nzi pèc pècèk, a géɗ man a mbeza na auda a sam gi ndohi Israel te kokwar Egypte, aman a mbazl ta ndohi Egypte; aman gi nga, a nlama na bai. A ndohi tèlèba ta gurɓahai a ta kalahi a deb sak tengaʼa.

Exode 12:27 ပူးပေါင်းရင်းမြစ်များ

I Chroniques 29:20

Te deɓaʼa David a ngaɗa ta ndohi mɓicaʼa: Va-shüd gèɗ a Ndo nzi pèc pècèk, Zhiklè kinè! A ndohi nhayaʼa tèlèba ta shüd gèɗ a Ndo nzi pèc pècèk, Zhiklè babhi tengaʼa. Ta gurɓahai a ta kalahai a deɓ sak Ndo nzi pèc pècèk, a deɓ sak bai.

II Chroniques 20:18

Josaphat a mʼmanda gèɗ a hai, a Juda tèlèba a ndohi Jérusalem tèlèba ta kalahi a deɓ sak Ndo nzi pèc pècèk, a ta gurɓahi a sam na.

II Chroniques 29:30

Te deɓaʼa bi Ezéchias a tsuvomhai ta gaɗa ta ndohi Lévi, aman ta slébèrdè Ndo nzi pèc pècèk, a ma man David a Asaph, ndohi nhadka ma, ta gaɗdahai. A ta slubordo Ndo nzi pèc pècèk, a ta wuffa a ta gurɓahai a ta kalahai a deɓ sak ta.

Néhémie 8:6

A Esdras a nshüd gèɗ a Ndo nzi pèc pècèk, Zhiklè mbiaʼa, a ndohi tèlèba ta mbeɗa na a ma: Amen, amen! A ta peda ri a Zhiklè. Te deɓaʼa ta guɓda deɓ a hai, a ta gurɓahai, a ta tsu rai.

Psaumes 44:1

Dimèsh ndohi Korè.

Psaumes 78:5

Ara man a gu skwi malwuɗi te Jacob, a mva ta ma kita a Israel, a ngaɗa ta babhi nga, aman ta ngra ta a wudahi tengaʼa,

Exode 10:2

A ka njè ta wudahi a wud wudahi ngaya, ara man i ga ta matakwan a ndohi Egypte, a ka njè ta skwi man i ga ta, a kin suna, i Ndo nzi pèc pècèk.

Exode 12:11

Va-ndau arsa: Va kinè ndzawaʼa, kotokoroh te sak kinè, gada te rai. Va-ndau a géɗ mhai, da nda a Pâque Ndo nzi pèc pècèk.

Exode 12:23

Ndo nzi pèc pècèk a da bizhè a ndev kokwar, aman a bazl ta ndohi Egypte. Aman Ndo nzi pèc pècèk a rka Pombaz a ntatak ntamagai, a tsagi ntamagi cèw, a dè na auda a ntamagi kinè, a gol Zhiklè man a mberɗama ta daʼai a bazl ta a dè a gi kinè aman a bazl kinè, azbai.

Exode 12:28

A ndohi Israel to do a gai, a ta gu ara man Ndo nzi pèc pècèk a njè ta a nda Moise a Aaron; a ta gu arsa.

Exode 13:14

Aman kra nguraʼa a da dzhaɗ ka pats ngiɗè: Verzi skwi haha a ngra nga mè? Ka da mbeɗa na a ma: Ndo nzi pèc pècèk a nhelka nga auda te kokwar Egypte, te gi ɓèlè, a wuɗi ri nengaʼa.

Exode 13:8

A pats nasa kin da ngra ta wudahi kinè, a kin gada ta: Nga giaʼa, a géɗ skwi man Ndo nzi pèc pècèk a gu a sam nga, aman nga jèkede kokwar Egypte.

Exode 34:25

Pombaz skwi man ka zloho, ka da va na Zhiklè a va movar man skwi nshégèrè a te di ɓai. Tambak Pâque kin jèkahahai a mangoslèm bai!

Exode 34:8

A Moise a ngurɓahai, a herkeda, a nkalahai a deb sak nengaʼa, a ngaɗa:

Exode 4:31

A ndohi ta co a ndav. Aman ta tsenaʼa, a ta si Ndo nzi pèc pècèk te va, a nrka matakwan tengaʼa, ta gurɓa-hai a ta kalahi a deɓ sak Zhiklè.

1 Corinthians 5:7

Gar haha, va-patseda movar mɓeslaʼa hala-kai tèlèba auda, te deɓaʼa kin ndi a movar mɓuaʼa, man movar mɓeslaʼa a te di ɓai. Aman nga ba, nga ngots kra tambak Pâque, nengaʼa Kristi, man ta zlama na daʼai a géɗ nga.

Deutéronome 16:2

Ka da zli Pâque a Ndo nzi pèc pècèk, Zhiklè ngaya: tambak nkèshèa a mbiaʼa, a sam man Ndo nzi pèc pècèk a ngotskoɗauda, a nzlembaɗ nengaʼa a nzi a pa.

Deutéronome 16:5

Ka slaha ka zli Pâque azɓai te gi man Ndo nzi pèc pècèk, Zhiklè ngaya, a va ka a ka nzi a pa;