Esdras 9:11 - Ma Zhiklè

¹¹ man ka va ta ndohi nhadka ma, ɓèlèlihi ngaya, a ka gaɗa ta: Kokwar man kin da dè a pa, a kin kwè-rèʼa, kokwar mphomaʼa. Ndohi nte deɓa ta ga a kokwar mphomaʼa a mʼmbèh skwi tengaʼa, ta ndhaʼa a mali ta, a hünko te verzi ngiɗè a ndè a verzi ngiɗè.

Esdras 9:11 ပူးပေါင်းရင်းမြစ်များ

II Rois 21:16

Manassé a mbazl ta ndohi man mali ta azɓai, Pombaz tengaʼa te Jérusalem a hi a civèɗ ngiɗè, a hi a civèɗ ngiɗè; a ngu mali a vata, man a mpe ta ndohi Juda a wai, a ta gu skwi man ambaha Ndo nzi pèc pècèk ɓai.

II Chroniques 33:2

A nʼnga skwi man ambaha Ndo nzi pèc pècèk ɓai, a ndzodzor mali man a ndèrè a ndo, man ndohi herkeda ngiɗè ta giaʼa, man Ndo nzi pèc pècèk a dzam ta auda a ma ndohi Israel.

Esdras 6:21

Ndohi Israel, tengaʼa man ta shkè a deɓa te ɓèlè, ta ndau tambak Pâque a nda ndohi tèlèba man ta ngulko va ta auda te va mʼmbèh skwi ndohi nte deɓa, a to do a va ndohi tengaʼa, a ta woy Ndo nzi pèc pècèk, Zhiklè Israel.

Esdras 9:1

Aman ta gu skwi haha tèlèba ma, mbibihiaʼa ta shkè a sam ga, a ta gaɗa: Ndohi Israel, ndohi mvi skwi a Zhiklè a ndohi Lévi, ta kezla va auda a sam ndohi nte deɓa ɓai; ta mbèh skwi tengaʼa, skwi mʼmbèh skwi Canaan, Heth, Phérez, Jébus Ammon, Moab, Egypte a Amor.

Esdras 9:10

Anai Zhiklè nga, nga da gèɗ ma kè te deɓ skwi haha tèlèba? Nga jèkeda ma nkwèr ngaya,

Jérémie 26:5

ma ɓèlèlihi ga, ndohi nhadka ma man iyè, i zlinde ta, a ta wurrkaɗa a va ngèɗè a prèk te gai, kin tsena ɓai, —

2 Corinthians 7:1

Dalahimam ga, aman nga ngots ma mpèsl ri aranta, ngo-tülokoy va nga te skwi man a lizhè va a ndav tèlèba, a nga rufa skwi nkezla ndav nga te zlau Zhiklè.

Deutéronome 12:31

Ka da gu arsa a sam Ndo nzi pèc pècèk, Zhiklè ngaya ɓai! Tengaʼa ta gu skwi man Ndo nzi pèc pècèk a gi shèwa a pa, man ambaha ɓai, a ta slubordo zhiklèhi tengaʼa a vna. Wudahi a dalahi tengaʼa ba ta bezda ta a ndev vogwa a géɗ zhiklèhi tengaʼa.

Deutéronome 18:12

Aman ndo man a gi skwi arsa, a ndara na Nco nzi pèc pècèk. A géɗ nengaʼa Ndo nzi pèc pècèk, Zhiklè ngaya, a da dzam ta auda a ma ngaya.