Esdras 8:22 - Ma Zhiklè

²² Aman i da dzhoɗo bai aman bi a va nga nhèyè-va sojè a ndohi plèsh, aman ta takaha nga a sam mayamhi nga a civèɗ ar horai. A vava nga gaɗa na bai: Zhiklè nga a takaha ta ndohi tèlèba man ta woyaʼa a ri na man amba; aman a gi ndzoan, a ga ta wuɗai a ndohi tèlèba man ta jèkeda.

Esdras 8:22 ပူးပေါင်းရင်းမြစ်များ

I Chroniques 28:9

Aman ka, Salomon, kra ga, sun Zhiklè bab ngaya, gu mizlinè nengaʼa a ndav nzuraʼa, a ndav tèlèba. Aman Ndo nzi pèc pècèk a wuzhè ndav ndohi tèlèba, a sun skwi man ndohi ta hérèʼa. Aman ka da hèshèʼa, ka da ngècèʼa. Aman ka da jèkeda, a da kwol ka a mèdèp.

II Chroniques 15:2

Ndo nzi pèc pècèk a zhè a nda kinè, ara man kinè a zhè a nda nengaʼa. Aman kin hèshèʼa, kin ngècèʼa. Aman kin jèkeda, nengaʼa a jèke kinè.

II Chroniques 16:9

Aman Ndo nzi pèc pècèk a ngél di a géɗ herkeda tèlèba, a ngra ta wuɗi na a sam tengaʼa man ta pu ndav a nengaʼa tèlèba. A haha ka gu skwi a nrzlè. Aman antanta ha ndè a ma ma, sèi ka gi var mènè.

Esdras 7:28

aman a mvay pombai a sam di bai, a sam ndohi ncèmma nengaʼa, a sam tsuvomhi bi tèlèba, a sam mbibihiaʼa, a i ngots wuɗai, a géɗ man Ndo nzi pèc pècèk, Zhiklè ga, a ntaka-hayè a ri na, a i ɓic ta tsuvom ndohi Israel, aman ta dè a verzi ga.

Esdras 7:6

Esdras haha a mshkè te Babylone. Nengaʼa ndo mwindè ɗèlèwèr, man a sun ma kita Moise, man Ndo nzi pèc pècèk, Zhiklè Israel, a mvau. A Ndo nzi pèc pècèk, Zhiklè nengaʼa, a takaha a ri na, a bai a mva na skwi tèlèba man a woyaʼa.

Esdras 7:9

Esdras a njèkeda Babylone te ki nshèlèkuraʼa, a pats nshèlèkuraʼa, a nʼndika a kokwar Jérusalem te ki mazlamaʼa, mʼmèn 5, te man Zhiklè a ntakaha a ri na man amba.

Esdras 8:31

A nga jèkeda woyam Ahava, te ki nshèlèkuraʼa, mʼmèn 12, aman nga dè a kokwar Jérusalem. Zhiklè nga a ntakaha nga a ri nengaʼa, a mɓer nga te ri mayamhi nga, te ri metsarhi a civèɗ.

Néhémie 2:9

A i ndika a sam ngomnahai te wud woyam, a i va ta ɗèlèwèr bai. Bi a mpay bihi sojè a ndohi plèsh a verzai.

Psaumes 20:8

Matakahia ngiɗè ta hèsh wuɗi tekiki var, te plèsh; aman nga, nga hèshè te nzlembaɗ Ndo nzi pèc pècèk, Zhiklè nga.

Psaumes 34:22

Skwi man ambaɓai a da kédè ndo ambaɓiaʼa; a tengaʼa man tagi shèwa a ndo nzuraʼa, ta ngècè kita.

Psaumes 90:11

A hér wuɗi ndzoan ngaya wa? Nsun verzi ngi-ndav ngaya wa?

Lamentations de Jérémie 3:25

Ndo nzi pèc pècèk amba a sam tengaʼa man ta zhèr skwi te ri nengaʼa, a sam ndo man a hèshèʼa.

Romans 8:28

Aman nga suna, skwi tèlèba ta mbi a ma a ngi amba a sam tengaʼa man ta woy Zhiklè a ndav ta, a sam tengaʼa man Zhiklè a mpar ta, ara man a huro halaʼa.

1 Corinthians 9:15

I hassa skwi sata ɓai. I Windo ma sata ɓai, aman i ngècè skwai. Mʼmbela i metsi ga, a géɗ man ndo a gedassa skwi njégèr va ga.

2 Corinthians 7:14

Ntsi wi ga a géɗ kinè, a mpay hori a di ɓai. Ara ma man nga gaɗa kinè tèlèba, ma nzuraʼa a vava; nga ntsi wi a gèɗ kinè a sam Tite ba, nʼngreda auda zuraʼa a vava.

Hébreux 10:38

Aman ndo nzuraʼa a sam di ga, a da nzi a nshèffè a géɗ ncè-a-ndav. Aman ndo man a men na a deɓa, ambahayè ɓai.

Josué 22:16

Mpi ndohi Israel tèlèba ta gaɗa kinè: Mali mè, man kin gu a sam Zhiklè Israel, aman a patsna kin jèkeda ndè a verzi Ndo nzi pèc pècèk, a kin rom sam mvi skwi a Zhiklè man a kinè, a kin Sala na va a gèɗ a Ndo nzi pèc pècèk?

Josué 23:16

Aman kin da tawaɗaha nderzlè-ma Ndo nzi pèc pècèk, Zhiklè kinè, man a mvakinè, a kin da jè-jèr zhiklèhi ngiɗè, a kin da tsi ri a tengaʼa, Ndo nzi pèc pècèk a da gi ndav kumba a géɗ kinè, a da gedas kinè tsam tsam tʼherkeda mbelaʼa man a mva kinè.

1 Peter 3:12

Aman di Bi Zhiklè a zhè a gèɗ ndohi nzuraʼa, a fi zlembaɗ a ntsi ri tengaʼa. Aman a sassaya di na a sam ndohi man ta gi skwi man ambaɓai.