Esdras 8:21 - Ma Zhiklè

²¹ Te pa, te wud woyam Ahava, i boho aman ta jèkeda skwi nʼndai, a nga manda gèɗ a hi a sam Zhiklè nga, a nga tsi rai, aman a til civèɗ a ma nga, a géɗ wudahi nga a kolongwi nga tèlèba.

Esdras 8:21 ပူးပေါင်းရင်းမြစ်များ

II Chroniques 20:3

Josaphat a gi zlau, a mdo a woy Ndo nzi pèc pècèk, a mboho aman ta jèkeda skwi nʼndai te Juda tèlèba.

II Chroniques 20:4

A ndohi Juda ta ɓica va aman ta tsi ri a Ndo nzi pèc pècèk, a ta shkè te kokwar Juda tèlèba, aman ta hèsh Ndo nzi pèc pècèk.

Esdras 8:15

I ɓic ta ndohi haha a ma woyam man a hi a Ahava, a nga nza a pa mʼmèn 3. Aman i rka ta ndohai a ndohi mvi skwi a Zhiklè, i ngatsa ndohi Lévi te va tengaʼa ɓai.

Esdras 8:31

A nga jèkeda woyam Ahava, te ki nshèlèkuraʼa, mʼmèn 12, aman nga dè a kokwar Jérusalem. Zhiklè nga a ntakaha nga a ri nengaʼa, a mɓer nga te ri mayamhi nga, te ri metsarhi a civèɗ.

Néhémie 9:1

Ki haha, mʼmèn 24, ndohi Israel ta ɓica va, a ta jèkeda skwi nʼndai, a ta peda maslaka sam kuɗa a va, a ta peda hutsoɗ a gèɗ.

Esther 4:16

Do a ka ɓic ta ndohi Israel tèlèba-man ta zhè te Suse, va-jèkeda skwi nʼndai mʼmèn makar, va-tsu rai a géɗ ga Kin ndau skwi bai, kin sau skwi ɓai, mʼmèn makar, a pats ba a vaɗ ba. Iyè a dalahi mizline ga nga da jèkeda skwi nʼndi lèmèlèmè arsa. Te deɓaʼa i da de a sam bai, ko ma kita a goɗ arsa ɓai. Ko i dè a mʼmetsai, i da metsu mènè!

Psaumes 137:1

Nga nza a ma woyam te Babylone, a nga kuɗai aman nga hér Sion.

Psaumes 5:8

Aman iyè i slaha a i dè a gi ngaya a géɗ pombi ngaya mbiaʼa; i slaha a i kèlèhai a deɓ sak ngaya te gi ngaya nkezlaʼa, a i slébèrdè ka a zlau.

Psaumes 5:9

Ndo nzi pèc pècèk, feday ma te ngi-zuraʼa ngaya, a géɗ mayamhi ga, tilay civèɗ ngaya a ma ga.

Psaumes 8:2

Ndo nzi pèc pècèk, bi nga, nzlembaɗ ngaya mbiaʼa a gèɗ herkeda tèlèba! Nʼnjèl ngaya a dè a géɗèʼa, a zhiklè.

Proverbes 3:6

Hur nengaʼa a civèɗ ngaya tèlèba, a nengaʼa a da lèmdè ka civèɗ ngaya fèhèʼa.

Esaie 30:21

Aman kin nza te ndev civèɗ: i dè a civèɗ ri man-di dè, dè i dè a civèɗ ri gula ɗè? – a di kin tsena ngèɗè te deɓ kinè man a gaɗka kinè a zlembaɗ: Na haha civèɗ, va-dzodzora!

Esaie 35:8

Civèɗ mʼmbazla te pa, man ta baha na civèɗ nkezlaʼa. Ndo man ambaɓai a dè a pa azɓai. Civèɗ man ndohi nengaʼa ta da bizhè a pa. Ko ndo man maya na azɓai, a zi te pa azɓai.

Esaie 42:16

I gi a ndo nce ta ma mandazlihai, a i de ta a civèɗ man ta sun halaʼa ɓai. I woya a i hela ruva a ma tengaʼa, a i lèmdè sam kwa. Nasa skwi man i giaʼa, a i jèkè azɓai.

Esaie 49:10

Mi a bazl ta azɓai, iyam a dza ta azɓai, pats a te ta azɓai; aman ndo man ta sia te va, a de ta, a lè ta a sam nlèlè iyam.

Esaie 58:3

Ta gada: Aman ka rka ɓai, nga jèkeda skwi nʼndi èhèmè? Aman ka shid gèɗ a vna azɓai, nga ga na va nga èhèmè? Na haha, a pats man kin jèkeda skwi nʼndai, kin jèjèr ntétékè kinè, akin vas ta ndohi mizlinè kinè tèlèba.

Esaie 58:5

Njèkè skwi nʼndi aranta ambahay ɗè? Pats man ndo a ga na va na; a kalda gèɗ a ndav ara mwurzhè mɓutoʼa, a mana a va mèrwèc a maslaka sam kuɗa a va; nasa njèkè skwi nʼndi ɗè? Pats man ambaha Ndo nzi pèc pècèk ɗè?

Jérémie 10:23

Ndo nzi pèc pècèk, i suna, ndo a slaha a gèɗè a ri na ɓai: i bizh ga auna. Ndo nshèwèlè a ncè sak a ri na ɓai.

Jérémie 42:3

Ndo nzi pèc pècèk, Zhiklè ngaya, da ngra nga civèɗ man nga dè a pa, a skwi man nga da giaʼa.

Daniel 9:3

A i ngwoda na ma a Bi Zhiklè, aman i tsi ri a nengaʼa, a i gi mbuh mbuh, a i jèkeda skwi nʼndai, a maslaka sam kuɗa a va te mèrwèc;

Joel 1:14

Vo-boho, a ndohi ta jèkeda skwi nʼndai a ta tsi rai. Va-baha ta mpi ndohi Zhiklè! Va-ɓic ta ndohi nhalaʼa a ndohi herkeda tèlèba a sam gi Ndo nzi pèc pècèk, Zhiklè kinè, va-kudau a sam Ndo nzi pèc pècèk!

Lèv. 16:29

Skwi haha da gu a ma nkwèr kinè a mèdèp: A ki matsaraɗaʼa, mʼmèn 10, kin jèkeda skwi nʼndai, kin gu mizlinè ɓai, ko ndo Israel tas, ko ndo mbrok man a zhè a sam kinè.

Lèv. 16:31

Nengaʼa pats nshèk va mbiaʼa a sam kinè; sèi kin jèkeda skwi nʼndai. Nasa ma nkwèr kinè a mèdèp.

Lèv. 23:29

Ko wawa man a jèkeda skwi nʼndi azbai a pats sa, ta zedkoɗauda te va ndohi na.

Jonas 3:5

Ndohi Ninive ta co Bi Zhiklè a ndav, a ta jèkeda skwi nʼndai, a ta feda maslaka sam kuɗa a va, ko ndohi ngraʼa, ko wudahai.

Jonas 3:7

A mbaha ta ndohi kokwar tèlèba, a ngaɗa ta, aman ko ndohai, ko skwi kuɗom, ko zlè, ko tambak, da ndu skwi ɓai! Da lè ta a sam mandi ɓai, da sau iyam ɓai;

Nombres 14:3

Ndo nzi pèc pècèk a hel nga a kokwar ngata a ta da bazl nga a tsakwal, a ngwozi a wudahi nga ta da gi ɓèlè èhèmè? Dara nga minè a deɓa a kokwar Egypte mèn ɗè?

Nombres 14:31

Aman wudahi kinè, man kin gi zlau ta da gi ɓèlè, i woya man i de ta a kokwar man kin kwolaʼa, a ta da ndiaʼa.

Actes 2:39

Skwi man Zhiklè a mpasla kinè rai, skwi kinè, a wudahi kinè, a ndohi tèlèba man ta dra, tèlèba man Bai, Zhiklè nga, a woy a mbaha ta.

Juges 20:26

Te deɓaʼa ndohi Israel tèlèba, mpi ndohai, ta shkè Béthel. Te pa ta zlatsa a sam Ndo nzi pèc pècèk, ta kuɗai, ta jèke-da skwi nʼndai, ha dakwa. Te deɓaʼa ta va na skwi a ta ndara na skwi a Ndo nzi pèc pècèk.

I Samuel 7:6

A ta ɓica va te kokwar Mitspa, ta gudz iyam, a ta badahai a sam Ndo nzi pèc pècèk, a ta jèkeda skwi nʼndai a pats nasa, a ta gaɗa: Nga gu malai a sam Ndo nzi pèc pècèk. A Samuel a nʼnga ta kita a ndohi Israel te kokwar Mitspa.