Esdras 7:6 - Ma Zhiklè

⁶ Esdras haha a mshkè te Babylone. Nengaʼa ndo mwindè ɗèlèwèr, man a sun ma kita Moise, man Ndo nzi pèc pècèk, Zhiklè Israel, a mvau. A Ndo nzi pèc pècèk, Zhiklè nengaʼa, a takaha a ri na, a bai a mva na skwi tèlèba man a woyaʼa.

Esdras 7:6 ပူးပေါင်းရင်းမြစ်များ

Genèse 32:28

A ngaɗa na: Anai nzlembaɗ ngaya Jacob ka ɓai, aman nzlembaɗ ngaya Israel. Aman kin bozl va a nda Bi Zhikiè a nda ndohai, a ka fen ta.

Esdras 5:5

Aman Zhiklè a zhè a sam ndohi nhalaʼa te ndev ndohi Juda, a ta gedassa civèɗ mizlinè a ndohi ɓai, ha ta zlindo ɗèlèwèr a sam bi Darius, a ta ngots ma nengaʼa a deɓa ma.

Esdras 6:22

Ta gu ngolala, ta wuffè te ngolala movar man skwi nshègèrè a te di ɓai, mʼmèn tsaraɗ, te man Ndo nzi pèc pècèk a wuffeda ndav ta, a ngwodko ndav bi Assyrie a sam ta, aman a takaha ta kumba a sam mizlinè nrèm gi Zhiklè Israel.

Esdras 7:21

Iyè, bi Artaherhes, i gaɗa ta ndohi mɓer skwi mèshèlè te wud woyam tèlèba, a ta vi skwi tèlèba man Esdras, ndo mvi skwi a Zhiklè, ndo ɗèlèwèr ma kita Zhiklè te zhiklè te géɗèʼa, a dzhaɗ kinè:

Esdras 7:28

aman a mvay pombai a sam di bai, a sam ndohi ncèmma nengaʼa, a sam tsuvomhi bi tèlèba, a sam mbibihiaʼa, a i ngots wuɗai, a géɗ man Ndo nzi pèc pècèk, Zhiklè ga, a ntaka-hayè a ri na, a i ɓic ta tsuvom ndohi Israel, aman ta dè a verzi ga.

Esdras 7:5

te verzi Abishua, te verzi Phinées, te verzi Elèazar, kra Aaron, ndo mvi skwi a Zhiklè.

Esdras 7:9

Esdras a njèkeda Babylone te ki nshèlèkuraʼa, a pats nshèlèkuraʼa, a nʼndika a kokwar Jérusalem te ki mazlamaʼa, mʼmèn 5, te man Zhiklè a ntakaha a ri na man amba.

Esdras 8:1

Na haha tsuvom ndohai, ara verzi ta, ara verzi ta, man ta shkè te Babylone a verzi ga, te va man Artaherhes bai.

Esdras 8:18

Zhiklè nga a ntakaha nga a ri nengaʼa man amba, a mva nga ndo man maya na zhè staɗ te va wudahi Machli, kra Lévi, te verzi Israel: Shérébia. A nda wudahi na, a kramamhi na, tèlèba ndohi 18.

Esdras 8:22

Aman i da dzhoɗo bai aman bi a va nga nhèyè-va sojè a ndohi plèsh, aman ta takaha nga a sam mayamhi nga a civèɗ ar horai. A vava nga gaɗa na bai: Zhiklè nga a takaha ta ndohi tèlèba man ta woyaʼa a ri na man amba; aman a gi ndzoan, a ga ta wuɗai a ndohi tèlèba man ta jèkeda.

Esdras 8:31

A nga jèkeda woyam Ahava, te ki nshèlèkuraʼa, mʼmèn 12, aman nga dè a kokwar Jérusalem. Zhiklè nga a ntakaha nga a ri nengaʼa, a mɓer nga te ri mayamhi nga, te ri metsarhi a civèɗ.

Néhémie 12:26

Tengaʼa ta zhè te va man Jojakim, kra Josué, te verzi Jotsadak, a Néhémie, ngomna, a Esdras, ndo mvi skwi a Zhiklè, ndo ɗèlèwèr, ta zhè.

Néhémie 12:36

te verzi Asaph a kramamhi na, Shemaeja, Azareel, Mbalai, Guilalai, Maai, Nethaneel, Juda a Hanani, a skwi dimèsh David, ndo Zhiklè, a Esdras, ndo ɗèlèwèr, a ma tengaʼa.

Néhémie 2:12

Te deɓaʼa i slambaɗa, a vaɗ, nga a ndohi ngiɗè kètè. Skwi man Zhiklè a ngaɗayè te ndav ga, man i da gi a géɗ kokwar Jérusalem, i ngra na ndo ɓai. Plèsh ngiɗè az a sam ga bai, sèi di man i nza a deɓaʼa.

Néhémie 2:18

I gaɗa ta, aman Zhiklè ga, a ntakahayè a ri nengaʼa man amba, a ma man bi a ngaɗayè. Te deɓaʼa ta gaɗa: Nga woy a nga slèmbèɗè a nga rèmèʼa! Aranta ta hüno mizlinè man amba.

Néhémie 2:8

a ɗèlèwèr a Asaph, ndo mɓer sam nhèyè wofhai, a mvay wof a nga gi ntamagi gi ndakmaʼa a sam gi Zhiklè a vna, a ntamagi zlazlar kokwar, a ntamagi gi ga man i da nzi a pa. A bai a mvayè, a géɗ man Zhiklè a ntakahayè a ri nenga a man amba.

Néhémie 4:15

Aman mayamhi nga ta tsenaʼa, ntsenaha nga, a Zhiklè a ngedassa nʼvhè ma tengaʼa, nga tèlèba nga mena a deɓa a sam zlazlar, staɗ staɗ tèlèba a sam mizlinè na.

Néhémie 8:1

Ndohi tèlèba ta ɓica va a sam nstaɗ, a ndav staɗ, zuraʼa a ntamagi ‘nlèlè iyam’, a ta gaɗa na Esdras, ndo ɗèlèwèr, aman a ckoɗi ɗèlèwèr ma kita Moise, man Ndo nzi pèc pècèk a mva ta ndohi Israel.

Néhémie 8:13

A pats macecèwaʼa, tsuvomhi verzi ndohi tèlèba, ndohi mvi skwi a Zhiklè, a ndohi Lévi, ta ɓiceda va a sam Esdras, ndo ɗèlèwèr, aman ta cinè ma ɗèlèwèr kita.

Néhémie 8:4

Esdras, ndo ɗèlèwèr, a nzlatsa a sam nzangalaʼa man ta gu a wof a géɗ nengaʼa. A tsagi nengaʼa, te civèɗ ri mandai, Matthithia, Shéma, Anaja, Urie, Hilkija a Maaséja. Te tsagi ri gula, Pedaja, Mishael, Malkija, Hashum, Hashbaddana, Zacharie a Meshullam.

Néhémie 8:9

Néhémie, ngomna, a Esdras, ndo mvi skwi a Zhiklè, man a sun ɗèlèwèr, a ndohi Lévi man ta senda ta ndohai, ta gaɗa ta ndohai: Pats haha, nkezla a sam Ndo nzi pèc pècèk, Zhiklè kinè. Kin loyo skwa ɓai, kin kuɗ ɓai! A vava ndohi tèlèba ta kuɗai, aman ta tsena ma ɗèlèwèr kita.

Néhémie 9:13

Ka shkèhai a géɗ za Sinai, ka gaɗa ta te zhiklè, ka va ta ma kita nzuraʼa, ma nkwèr nlèɓeslèʼa, ma bai a ma man a de ta man amba.

Psaumes 109:27

A ta suna, ri ngaya a ngau, ka Ndo nzi pèc pècèk, ka ngau.

Psaumes 147:19

A ngra na ma nengaʼa a Jacob, a ma nengaʼa man a de nga, a ma kita nengaʼa, a Israel.

Psaumes 45:1

Dimèsh ndohi Koré. Dimèsh mwoy ngwoz.

Psaumes 80:18

Ri ngaya da takaha ndo nte civèɗ ri mandi ngaya, ndo man ka nzalaʼa te di man a wuɗi ngaya.

Proverbes 3:6

Hur nengaʼa a civèɗ ngaya tèlèba, a nengaʼa a da lèmdè ka civèɗ ngaya fèhèʼa.

Esaie 50:2

Man i shkè, i ngatsa ndo a pa ɓi èhèmè? Man i boho, ndo a mʼmbeɗay a ma ɓi èhèmè? Ri ga a shila ɓai, kumba tüsloʼa man i preka kinè auda ɗè? Wudi ga aman i mbel kinè azɓi ɗè? Na haha i gwora woyam mbiaʼa a ndzoan ga. I gwora woyam, a i ndeda hèshèkèɗ, a klèfihi te pa ta husl ta, a géɗ man iyam azɓai. A skwihi te pa ta bazl ta a mi iyam.

Esaie 59:1

Na haha, ri Ndo nzi pèc pècèk tüsl kata genè ka ɓai, a slaha a mbel kinè genè. Nzlembaɗ nengaʼa nʼndè ɓai, a slaha a ntsena genè.

Jérémie 8:8

Kin gèɗ ma mè? Nga ndohi maya, ma nkwèr Ndo nzi pèc pècèk a zhè a sam nga; aman ndohi mwindè ɗèlèwèr ta ngwoda a ncèkèlma.

Matthew 13:52

Aman Yèsu a ngaɗa ta: Gar haha malam staɗ staɗ tèlèba, man nʼnde na a ndo kokwar-Bi-Zhiklè, lèmèlèmè ara babgai, man a ngecè skwi auda te skwi mèshèlè nengaʼa, ko skwi mɓuaʼa ko skwi mʼmovaʼa.

Matthew 23:2

Malamhai a ndohi pharisie ta gshè va a njè Moise.

Matthew 28:20

Va-senda ta, aman ta gi skwi tèlèba man i fa kinè a gèɗ. Na haha, i zhè a sam kinè pèc pècèk, a pats a vaɗ, ha herkeda a ndiv na.

1 Corinthians 1:20

Ndo maya kinè tema? Ndo man a slebau maya, ndo man a sun ncèmma tʼherkeda, na tema? Zhiklè a nʼndeda maya herkeda a skwi nrzla ka ɓi ɗè?

1 Corinthians 15:1

Dalahimam ga, i hodko kinè ma mbelaʼa a gèɗ. Ma mbelaʼa man i njè kinè, a kin co a ndav, te nengaʼa kin nza,

Deutéronome 28:1

Aman ka da tsena daʼai Ndo nzi pèc pècèk, Zhiklè ngaya, a ka da jèjèr ma nkwèr nengaʼa tèlèba, man i njè ka a patsna, Ndo nzi pèc pècèk, Zhi-klè ngaya, a da ga ka a tsuvomaʼa, a fena ndohi herkeda tèlèba.

Deutéronome 4:5

Na haha, i njè kinè ma nkwèrè a ma kita, man Ndo nzi pèc pècèk, Zhiklè ga, a njèy a gèɗ. Va-dzodzora, va-gu arsa, te kokwar man kin da de a pa, a kin kwèrèʼa.