Esdras 7:25 - Ma Zhiklè

²⁵ Ka, Esdras, a maya man Zhiklè ngaya a va ka, pu ndohi kita a ndohi mbèzl kita man ta gi kita a ndohi tèlèba te wud woyam, ta tèlèba man ta sun ma kita Zhiklè ngaya. Ko wawa man a sun ɓai, ka senda na.

Esdras 7:25 ပူးပေါင်းရင်းမြစ်များ

Genèse 41:38

A Pharaon a ngaɗa ta ndohi mizlinè nengaʼa: Nga da ngècè ndo man Mèzhèɓ Zhiklè te ndav na, ara ndo haha tema?

Genèse 41:39

A Pharaon a ngaɗa na Joseph: Aman Zhiklè a ngra ka ar haha, ndo man mwosla kumba ara ngaya, man maya na zhè ara ngaya, nʼazɓai.

I Rois 3:28

A ndohi Israel tèlèba ta tsena ara man Salomon a bèzlè kita nengaʼa, a ta slébèrdè bai. Ta rkaʼa, maya nengaʼa man a bèzlè kita a zhè, man a shkè te ri Zhiklè.

II Rois 17:27

A bi Assyrie a njè ta ma a gèɗ, a ngaɗa: Va-zlinda ndo mvi skwi a Zhiklè a deɓa te va tengaʼa man i helka ta auda, do do da nza a pa, da slebda ta ntsi ri a Zhiklè kokwar haha.

I Chroniques 22:12

Ndo nzi pèc pècèk da va ka maya nshin skwai, da ge ka a bi Israel, da takaha ka, a ka dzodzor ma kita Ndo nzi pèc pècèk, Zhiklè ngaya.

I Chroniques 23:4

David a ngaɗa: Te va tengaʼa, 24.000 ta da gi mizlinè te gi Zhiklè. 6.000 ta da gi mizlinè mwindè ɗèlèwèr a mizlinè kita.

Esdras 10:4

Slambaɗa, ma haha, ma ngaya! Nga nza ka a deɓa. Ka gu zlau bai, gau skwi ngaya!

Esdras 6:6

A bi Darius a ngod ma nengaʼa: Anai, kine Thathnai, bigol bai te wud woyam, Shethar-Boznai, a mandalahi kinè, gwoli Apharsac, te wud woyam: va-jèkeda samaʼa!

Esdras 7:10

Esdras a nfu gèɗ a vna, a nwuzhè ma kita Ndo nzi pèc pècèk, a njèjèrèʼa, a nslebda ta ndohi Israel ma kita a ma nkwèr Zhiklè.

Esdras 7:14

Bai a nzlinde ka, a ndohi ncèmma nengaʼa tsaraɗ, aman kin jénjèrè te Juda, te Jérusalem, ara man ma kita Zhiklè man a zhè te ri ngaya, a goɗa;

Néhémie 9:3

Ta zlatsa a sam man ta a pa, a ta jongo te ɗèlèwèr ma kita Ndo nzi pèc pècèk, Zhiklè tengaʼa, a gi lʼheure makar. Lʼheure makar ngiɗè, ta ngreda mali ta, a ta gurɓahai a sam Ndo nzi pèc pècèk, Zhiklè tengaʼa.

Psaumes 19:7

a hünkoɗi te verzi gi ngiɗè, a dè a nkala man a géɗèʼa, skwi a nghédè a sam di na azɓai.

Proverbes 2:6

Aman maya a shkè te ri Ndo nzi pèc pècèk; nslebi a nshin skwai a shke auda te ma nengaʼa.

Proverbes 6:23

Ma nkwèrè, nara pitirla. Njè-ma man ta njè ka, nara skwi nhel sam. Man ta ngatsa ka maya, a ta slebda ka, nasa civèɗ nshèffè ngaya.

Mal. 2:7

Ndo mvi skwi a Zhiklè a sun ma maya; a ndohi ta hèsh maya kita auda te ma na, te man nengaʼa ndo sak Zhiklè bi mbiaʼa.

Matthew 13:52

Aman Yèsu a ngaɗa ta: Gar haha malam staɗ staɗ tèlèba, man nʼnde na a ndo kokwar-Bi-Zhiklè, lèmèlèmè ara babgai, man a ngecè skwi auda te skwi mèshèlè nengaʼa, ko skwi mɓuaʼa ko skwi mʼmovaʼa.

Marc 6:34

Aman Yèsu a mshkè auda te wurom, a nrka ndohi rèdèdèʼa, ta sia te va, aman ta ara tambakihai, man ta ngatsa ndo mɓer ta ɓai. A hüno man a senda ta skwi kumba.

Deutéronome 16:18

Ka da pi ndohi kita, a ndohi nwèr kokwar, te kokwar ngaya tèlèba man Ndo nzi pèc pècèk, Zhiklè ngaya, a va ka, ara verzi ndohai, ara verzi ndohai. A ta da gi kita ndohi, zuraʼa.

Colossiens 1:28

Nga njè nengaʼa, a nga bid ta ndohi tèlèba, a nga senda ta ndohi tèlèba, a maya tèlèba, aman nga slaha nga Zlatseda ndo staɗ staɗ jèlèlèʼa te Kristi.

Jacques 1:5

Aman maya ndo ngiɗè te ndev kinè a hcè, da tsu ri a Zhiklè, nengaʼa man a woya a va na ko wawa, a ndav amba, a jè-kaha azɓai.