Esdras 5:11 - Ma Zhiklè

¹¹ Ta mbeɗa nga a ma ar haha: Nga ɓèlèlihi Zhiklè, Zhiklè gidfèk a herkeda, a nga til gai man ta gu zlèzlèʼa. Bi Israel mbiaʼa a nroma, a nrufaʼa.

Esdras 5:11 ပူးပေါင်းရင်းမြစ်များ

Genèse 24:3

I woya aman ka mbaɗayè, a sam di Ndo nzi pèc pècèk, Zhiklè giɗfèk a Zhiklè herkeda, ka da cè na ngwoz a Isaac te va dalahi Canaan, man nga nza a nda ta a haha, ɓai!

I Rois 6:38

Te mvi 11, a ki Bul, ki matsamakaɗaʼa, a rufa gi tèlèba, a sama tèlèba, a kolongwi nengaʼa tèlèba. Ta gu mizline a pa mvi tsaraɗ.

I Rois 9:10

Te deɓ mvi 20, man Salomon a rom gihi cèw—gi Zhiklè, a gi bai — bi Salomon a mpa na kokwar 20 te Galilée a Hiram, ara man a ndzhoɗo.

Esdras 5:10

Nga dzhoɗ nzlembaɗ ta, a nga ngra ka, a nga va ka nzlembaɗ tsuvomhi ta.

Psaumes 119:46

I gèɗè ma malwuɗi ngaya a sam bihai, a i gi hori azɓai.

Psaumes 136:26

Va-shüd gèɗ a Bi Zhiklè te géɗèʼa; aman pombi nengaʼa a nzi a mèdèp!

Daniel 3:26

Te deɓaʼa bi Nebucadnetsar a mdo a ma vèvèɗ vogwa, a mbaha ta: Shadrac, Méshac, a Abed-Nego, kinè ɓèlèlihi Zhiklè mbiaʼa te géɗèʼa, vo-washkè auda te vogwa! Vo-washkè a sam ga! A Shadrac a Méshac a Abed-Nego ta shkè auda te va vogwa.

Jonas 1:9

Jonas a ngaɗa ta: I ndo Hébreu, i gi zlau Ndo nzi pèc pècèk, Zhiklè te zhiklè te géɗèʼa, man a ngu iyam mbiaʼa a herkeda.

Matthew 10:32

Ko wawa man a ngredyè auda a sam ndohai, i ngrédè nengaʼa a sam bab ga, man a zhè te zhiklè.

Luke 12:8

Aman i gaɗa kinè: Ko wawa man a ngredyè auda a sam ndohai, kra-ndo ba a ngrédèʼa a sam golahi Zhiklè.

Actes 27:23

Aman a vaɗ haha gol Zhiklè, man iyè a nengaʼa, a i gi mizlinè nengaʼa, nzlatsa a tsagi ga,

Romans 1:16

Aman i gi hori ma mbelaʼa azɓai. Nengaʼa wuɗi Zhiklè, man a mbel ta ndohi tèlèba, man ta cè a ndav; nshèlèkuraʼa ndohi Juif, te deɓaʼa ndohi man Juif ka ɓai.

Romans 6:16

Azɓai! Kin sun ɓi ɗè, a sam ndo man kin fi gèɗ a ma nengaʼa, kin gi ɓèl nengaʼa. Gar malai, man adè a mʼmetsai, gar nfi gèɗ man a dè a ngi-zuraʼa.

Galates 6:14

Aman i woy a i jégèr va azɓi fèt ba. Aman nʼnjèl ga staɗgenè, nengaʼa wof ngézlèl Bi nga Yèsu Kristi, te nengaʼa herkeda ngezlala a sam ga, a iyè a sam herkeda.

Josué 24:15

Aman njèjèr Ndo nzi pèc pècèk a da ambaha kinè ɓai, va-hur a patsna: Kin woy a kin jèjèr zhiklèhi man bababhi kinè ta dzadzar ta tʼwud woyam Jourdain ɗè, ɗè kin jèjèr zhiklèhi ndohi Amor man kinè te kokwar tengaʼa antanta dè? Aman nga a ndohi gi ga, nga jèjèr Ndo nzi pèc pècèk!