Esdras 4:20 - Ma Zhiklè

²⁰ Bihi man wuɗi ta zhè ta nza te Jérusa-lem, a ta kwor herkeda tèlèba te wud woyam, a ta tsokolo skwi te pa, a budu, a duak.

Esdras 4:20 ပူးပေါင်းရင်းမြစ်များ

Genèse 15:18

A pats sa, Ndo nzi pèc pècèk ta derzla ma ta a Abram, a ngaɗa: I da va ta herkeda haha a ndohi te verzi ngaya, a hinè te woyam Egypte, ha ndè a ma woyam mbiaʼa, Euphrate.

I Rois 4:21

A Salomon a ngu bai a géɗ kokwar bihi tèlèba, a hinè te woyam, ha ndè a kokwar Philistie, ha ndè a kuma kokwar Egypte. A ta tsokolkoɗi skwi a gi bai, a ta fi gèɗ a ma Salomon a pats nshèffè nengaʼa tèlèba.

I Rois 4:24

A géɗ man bai, kala wud woyam tèlèba, a hinè te Tiphsak, ha ndè Gaza, a géɗ bihi kokwar tʼwud woyam tèlèba, gumi a zhè a sam tèlèba.

I Rois 5:1

A Hiram, bi Tyr, a nzlinde ta golahi nengaʼa a sam Salomon, te man a tsenaʼa, ta bada na mbar a gèɗ, a ta feda a bai te di man a bab na. Daga zlèzlèa, Hiram mandal David.

I Rois 5:4

Antanta Ndo nzi pèc pècèk, Zhiklè ga, a mvay gumai te tsagi te tsagai tèlèba, ndo mayam azɓai, skwi ambaɓiaʼa azɓai.

I Chroniques 18:13

A mfeda ndohi ndzaraha ta a géɗ ndohi Edom, a David a nkwor ta ndohi Edom. Aranta Ndo nzi pèc pècèk a nga David a ngul ndo a sam tèlèba man a mdo a pa.

I Chroniques 18:3

David a nkeda Hadarézer, bi Tsoba, aman a mdo, a woya a ntil kokwar-bi nengaʼa a ma woyam Euphrate.

I Chroniques 18:6

David a mpe ta ndohi ndzaraha ta ndohi Syrie te Damas. A ndohi Syrie ta gu a ɓèlèlihi David, a ta pil gèɗ. Aranta Ndo nzi pèc pècèk a nʼnga David a ngul ndo a sam tèlèba man a mdo a pa.

I Chroniques 19:19

Aman golahi Hadarézer tèlèba ta rkaʼa, ndohi Israel ta gu ngul ta, a ta tsu gumi a David, a ta nda a ɓèlèlihi na. Ndohi Syrie ta woy a ta takaha ta ndohi Ammon te deɓaʼa asaɓai.

II Chroniques 17:11

A ndohi Philistie ta hulko na skwi mbalai, verzhègenè a skwi man ta tsokolo ncèkè-lè, a Josaphat. Ko ndohi Arabe ta hulko skwai, droki 7.700, mazawalhi 7.700.

II Chroniques 9:14

a va skwi man ndohi mprè skwai ta tsokolko na, a bihi Arabe, a bihi kokwar man ta hulko na guro a verzhègenè.

Esdras 4:13

Bi da suna: aman ta da rom kokwar zaʼa, a ta rufa zlazlar ma, ta pi budu asaɓai, ta da cèkèlè skwi asaɓai, ta da vi skwi duak asaɓai, bi a da ngècè skwi asaɓai.

Esdras 4:16

Bi da suna: aman ta rom kokwar haha zaʼa, a ta rufa zlazlar nengaʼa, ka da kwèr kokwar te wud woyam asaɓai.

Esdras 4:19

a i goɗ aman ta wèrèʼa, a nga ngotso, aman daga zlèzlèʼa ndohi kokwar sa ta slambaɗa ta va a bihi a ta vhè ma a géɗ tengaʼa pèc pècèk.

Esdras 4:21

Gar haha, vo-goɗa, aman ndohi sa ta jèkeda mizlinè ta, a ta rèm kokwar asaɓai, sèi man i da goɗ zaʼa.

Esdras 7:24

A géɗ ndohi mvi skwi a Zhiklè tèlèba, a ndohi Lévi, a ndohi nfi dimèsh, a ndohi mɓer ntamagai, a ndohi ntil gi Zhiklè, i gaɗa kinè: sèi kin jhèɗè budu a duak te ri ta azɓai, a kin cèkèlè skwi a sam ta azɓai.

Psaumes 72:8

A da gi bai, a hinè te woyam mbiaʼa staɗ a ndè a woyam mbiaʼa ngiɗè, a hinè te woyam Euphrate, a ndè a verzi herkeda.

Lamentations de Jérémie 1:1

Wobau! Ani kokwar a gi mbelawa, man halaʼa ndohi kumba te pa! A nʼnde na dikai, man halaʼa mbiaʼa te ndev kokwar bihai. Halaʼa, mba nengaʼa a géɗ kokwar; antanta bèlè.

Ezéchiel 19:11

A ri wof mbiaʼa a ngrekaɗ na a pa, a ngi a gaɗa bai, a ngrekaɗ na auda te va gwoli ri wof. A géɗ ngür nengaʼa ta rka dra, a géɗ man wud ri wof nengaʼa kumba.

Matthew 9:9

Aman Yèsu a do a ma, a nrka ndo ngiɗè, a nʼnza a ma gi duak, nzlembaɗ na Matthieu, a ngaɗa na: Dzadzarkayè! A nengaʼa a nslambaɗa, a ndzodzora.