Esdras 3:8 - Ma Zhiklè

⁸ Aman ta shkè a deɓa a sam gi Zhiklè te Jérusalem ma, te mvi macecèwaʼa, ki cèw, Zorobabel, kra Shealthiel, a Josué, kra Jotsadak, a ndohi tèlèba man ta shke a deɓa te ɓèlè a ta shkè a kokwar Jérusalem, ta hüno mizlinè; a ta pe ta ndohi Lévi, man mvi ta 20, a nde a ma ma, a mɓer mizlinè gi Zhiklè.

Esdras 3:8 ပူးပေါင်းရင်းမြစ်များ

I Chroniques 23:4

David a ngaɗa: Te va tengaʼa, 24.000 ta da gi mizlinè te gi Zhiklè. 6.000 ta da gi mizlinè mwindè ɗèlèwèr a mizlinè kita.

I Chroniques 3:17

Assir, kra Jéconias.

Esdras 10:18

Ta ngots te va ndohi mvi skwi a Zhiklè, man ta hul ngwozi man verzi ta tsaɗ: te va wudahi Josué, kra Jotsadak a kramamhi nengaʼa: Maaséja, Eliézer, Jarib a Guedalia.

Esdras 2:2

Ta shkè a nda Zorobabel, Josué, Néhé-mie, Seraja, Reélaja, Mardochée, Bilshan, Mispar, Bigvai, Rehum, Baana. Ndohi Israel tèlèba:

Esdras 3:2

Josué, kra Jotsadak, a nslambada, a nda kramamhi na, ndohi mvi skwi a Zhiklè, a Zorobabel, kra Shealthiel, a nda kramamhi na, a ta rom sam mvi skwi a Zhiklè Israel, aman ta ndara na skwi zaʼa, ara man a mwinda te ɗèlèwèr ma kita Moise, ndo Zhiklè.

Esdras 4:24

Te deɓaʼa ta jèkeda nrèm gi Zhiklè te Jérusalem, ta ga ɓai, ha Darius a ngu bi te Perse, te mvi nengaʼa macecèwaʼa.

Esdras 4:3

A Zorobabel a Josué a njèkèdi tsuvom ndohi Israel ta gaɗa ta: kin slaha kin rèm gi Zhiklè nga a nda nga azɓai. Nga woy a nga rèm gi Zhiklè, Zhiklè Israel, a géɗ nga, ara man Cyrus, bi Perse, a ngaɗa nga.

Esdras 5:16

A Sheshbatsar matsa a mshkè, a mvau kwa verzi gi Zhiklè te Jérusalem. Daga pats sa, ha patsna, ta rèmèʼa, aman ta rufa di ɓai.

Esdras 5:2

A Zorobabel, kra Shealthiel, a Josuè, kra Jotsadak, ta slambaɗa a ta hüno nrèm gi Zhiklè te Jérusalem. Ndohi nhadka ma Zhiklè ta zhè a nda tengaʼa a ta nza ta a deɓa.

Aggée 1:1

Aman Darius bai, te mvi macecè-waʼa, ki mamokwaʼa, a pats nshèlèkuraʼa, Ndo nzi pèc pècèk a ngaɗa na Zorobabel, kra Shealthiel, ngomna te Juda, a Josué, kra Jotsadak bi ndohi mvi skwi a Zhiklè, te ma Aggé, ndo nhadka ma Zhiklè:

Zacharie 4:9

Zorobabel a ri ria a mpau verzi kwa a gi haha, ri nengaʼa a da rufaʼa; a kin da suna, Zhiklè bi mbiaʼa a nzlindkayè a sam kinè.

Zacharie 6:12

a ka gaɗa na: Zhiklè bi mbiaʼa a gaɗa: Na haha ndo man nzlembaɗ na ‘skwi a fcè’. Aman tʼhwaɗ sak na, skwi a fcè, a nengaʼa a da rèm gi Zhiklè.

Nombres 4:3

a hinè te mvi 30 a ndè a ma ma, ha ndikè na ma mvi 50, ndohi mizlinè tèlèba man ta gi mizlinè a sam gi mɓicè-va.