Esdras 3:5 - Ma Zhiklè

⁵ Te deɓaʼa skwi man ta va na Zhiklè pèc pècèk te mvèng kia, a pats ngolala Ndo nzi pèc pècèk, a skwi man ndohi ta tsokolo ncèkèlè a ta va na Zhiklè, pèc pècèk man ta huro.

Esdras 3:5 ပူးပေါင်းရင်းမြစ်များ

II Chroniques 31:14

Koré, ndo Lévi, kra Jimma, ndo mɓer ntamagai te civèɗ mvèng pats, a ɓer skwi man ta va na Zhiklè ara man ta hur te ndav ta, a nkezla skwi man ta va na Ndo nzi pèc pècèk, a mva ta ngiɗè ngiɗè, man ta tskoɗauda te va skwi ta, a skwi nkezlaʼa.

Esdras 3:6

Ta hüno nʼndèr skwi a Zhiklè a pats nshèlèkuraʼa, te ki matsaraɗaʼa, ko ta hüno verzi gi Zhiklè di ɓai.

Néhémie 10:34

A nga gu jimèr a géɗ ndohi mvi skwi a Zhiklè, ndohi Lévi, ndohi ngiɗè, a géɗ shègwa man ta hulkoɗi a gi Zhiklè nga, ara ndohi gi bab nga, a mvi a mvai, a pats man ta ngra ta, a ta vècè vogwa a sam mvi skwi a Zhiklè, Ndo nzi pèc pècèk, Zhiklè nga, ara man a windeda ɗèlèwèr ma kita.

Jérémie 33:18

a ndohi mvi skwi a Zhiklè ta zhè, a ndohi Lévi ta zhè a sam ga pèc pècèk, a man ta ndèr skwai a ta vi skwai a vodzok a dè a géɗèʼa, a ta zli skwi a Zhiklè lèk lèk.

Lèv. 1:2

Gada ta ndohi Israel aranta: Aman ndo te ndev kinè a woya a mva na skwi a Ndo nzi pèc pècèk, da va na skwi kudom, ko zlè, ko tambak, ko ɓok.

Lèv. 1:3

Aman a ndara na zlè, sèi marai suɗekɗekaʼa. Da da a ntamagi mɓicè-va, aman a da ambaha Ndo nzi pèc pècèk.

Lèv. 23:2

Gada ta ndohi Israel aranta: Nta ngolala ga, ngolala Ndo nzi pèc pècèk, man kin bèhè a mbicè-va ngolala nkezlaʼa.

Nombres 28:14

Skwi nsi a géɗ tengaʼa, koloba cèw, a géɗ zlè, koloba a rètaʼa a géɗ drok, koloba staɗ a géɗ kra tambak. Nasa man kin ndara na a kia kia tèlèba tʼhwaɗ mvai, a skwi man kin va na Zhiklè te vogwa, aman ambaha.

Nombres 28:19

A kin va na skwi a Ndo nzi pèc pècèk, ara skwi man kin ndara na: zlèhi cèw, matsaraɗ marai, drok staɗ, wud tambaki 7, mvi staɗ, nsuɗekɗekaʼa.

Nombres 28:27

A kin ndara na skwi a Ndo nzi pèc pècèk, aman ambaha: zlèhi cèw, matsaraɗ marai, drok staɗ, wud tambaki mvi staɗ.

Nombres 29:13

A kin ndara na skwi a Ndo nzi pèc pècèk, skwi te vogwa, aman ambaha: matsaraɗ marai 13, droki cèw, wud tambaki 14, mvi staɗ, nsuɗekɗekaʼa –

Nombres 29:2

A kin ndara na skwi a Ndo nzi pèc pècèk, aman ambaha: matsaraɗ marai staɗ, drok staɗ, wud tambaki 7, nsuɗekɗekaʼa;

Nombres 29:39

Skwi haha va-va na Ndo nzi pèc pècèk a pats ngolala kinè, a va skwi man kin ndara na, a nda movar a skwi nsai a skwi man kin va na te nshid gèɗ, a géɗ ma man kin gadda hai, man bai kin va na a géɗ man kin hur te ndav kinè.

Nombres 29:8

A kin ndara na skwi a Ndo nzi pèc pècèk, aman ambaha; matsaraɗ marai staɗ, drok staɗ, a wud tambakai, mvi staɗ, 7 — nsuɗekɗekaʼa,

Deutéronome 12:17

Dau ngaya agoda staɗ te va kula, barassa ngaya a mbar ngaya, ka slaha ka ndi a nda gwoli ngaya azɓai; a tsuvom zlè a tambak ngaya ba, ko skwi man ka gaɗdahi a Zhiklè, a skwi man kin tsakala ncèkèlè, a skwi man ka co auda aman ka va na Zhiklè.

Deutéronome 12:6

A kin ndi skwi te pa, man kin ndara na, a kin zla na, skwi staɗ te va kula; skwi man kin co auda a kin va na Zhiklè; skwi man kin gaɗdahai; a skwi man kin tsakala ncèkèlè; a tsuvom skwai, ko zlè ko tambak.