Esdras 3:10 - Ma Zhiklè

¹⁰ Aman ndohi nrèm gi Zhiklè ta hüno verzi gai, ndohi mvi skwi a Zhiklè ta zlatsa a pa, a maslaka ndohi mvi skwi a Zhiklè a va, a tolom; a ndohi Lévi te verzi Asaph, ta zhè a dasal, aman ta slébèrdè Ndo nzi pèc pècèk, ara man David, bi Israel, a tildahai.

Esdras 3:10 ပူးပေါင်းရင်းမြစ်များ

I Chroniques 15:24

Shebania, Josaphat, Nethaneel, Amasai, Zacharie, Benaja a Eliézer, ndohi mvi skwi a Zhiklè, ta tsu tolom a ma koti Zhiklè. Obed-Edom a Jechija ta ɓer ntamagi man koti Zhiklè te pa.

I Chroniques 15:27

David, a maslaka bata a va. Ndohi Lévi man ta zuɓ koti nderzlè-ma Ndo nzi pèc pècèk, a ndohi nsli dimèsh, a Kenania, tsuvom ndohi nsli dimèsh, lèmèlèmè arsa. Ephod ntsentsai a va David.

I Chroniques 16:37

A David a njèkeda Asaph a kramamhi nengaʼa a pa, a ma koti nderzlè-ma Ndo nzi pèc pècèk, aman ta ndzaraha koti pèc pècèk.

I Chroniques 16:42

Héman a Jeduthun ta ngots tolom, a dasal man a slhè, a skwi dimèsh Zhiklè. A wudahi Jeduthun ta zlatsa a ntamagai.

I Chroniques 23:5

4.000 ta da gi a ndohi mɓer ntamagai; 4.000 ta da shid gèɗ a Ndo nzi pèc pècèk a deɓ skwi man ta tsaiaʼa, man i gau a ta slébèrdè Zhiklè.

I Chroniques 25:25

Ma 18aʼa a gèɗ Hanani, wudahi na a kramamhi na, ta 12.

II Chroniques 35:14

Te deɓaʼa ta tül skwi ta, a skwi ndohi mvi skwi a Zhiklè. Aman ndohi mvi skwi a Zhiklè, wudahi Aaron, ta gu mizlinè ha vaɗ, a ta ndor skwi a Zhiklè a mbeza. A géɗ nengaʼa ndohi Lévi ta tül man a ta, a skwi ndohi mvi skwi a Zhiklè, wud Aaron.

II Chroniques 35:15

Wudahi Asaph, ndohi dimèsh, ta nza a sam nʼnzi ta, ara man David a tülo: Asaph, Héman a Jeduthun, ndo nsun skwi bai. A ndohi nʼnza a ntamagai ta zhè a mamagai tèlèba. Ta jèkeda ɓai, ta nza a sam mi-zlinè ta genè, a géɗ man ndohi I, évi, kramamhi ta, ta tila skwi ta.

II Chroniques 5:12

Asaph, Héman, Jeduthun a wudahi tengaʼa a kramamhi tengaʼa, ta zlatsa tèlèba, a maslaka bata a va, a ganzavar a tèzlèzlèu a dasal te rai, a sam mvi skwi a Zhiklè, te civèɗ mvèng pats, a nda ndohi mvi skwi a Zhiklè 120 man ta tsu tolom.

Esdras 2:41

Ndohi nfi dimèsh: te verzi Asaph 128.

Esdras 5:16

A Sheshbatsar matsa a mshkè, a mvau kwa verzi gi Zhiklè te Jérusalem. Daga pats sa, ha patsna, ta rèmèʼa, aman ta rufa di ɓai.

Psaumes 150:5

Va-shüd gèɗ a nengaʼa a dèkocèr man a slhè! Va-shüd gèɗ a nengaʼa a dasal te rai!

Aggée 2:15

Anai va-gu maya, va-hüno a patsna, a ndè a ma ma: Ga ta ɗizlè kwa, ngiɗè a géɗ ngiɗè te gi Zhiklè, kin nzu kè?

Zacharie 4:10

Tengaʼa man ta rka nhin skwai ara skwi nkèshèʼa, ta da wuffè tèlèba, man ta rka kwa ntatak te ri Zorobabel. Di ntsaraɗa haha, di Ndo nzi pèc pècèk, man a ngél di a géɗ herkeda tèlèba.

Zacharie 4:6

Nengaʼa a mbedayè a ma: Nengaʼa ma Ndo nzi pèc pècèk a géɗ Zorobabel: A wuɗi ndo ka ɓai, a wuɗi-bi ka ɓai, sèi a Mèzhèɓ ga, Zhiklè bi mbiaʼa a gaɗa.

Zacharie 4:7

Ka za mbiaʼa, ka wa? A sam Zorobabel ka ndi a dalbara. Nengaʼa a da cko kwa ntatak auda, te deɓaʼa tèlèba ta da wuffe: Susai, susai, amba!

Zacharie 6:12

a ka gaɗa na: Zhiklè bi mbiaʼa a gaɗa: Na haha ndo man nzlembaɗ na ‘skwi a fcè’. Aman tʼhwaɗ sak na, skwi a fcè, a nengaʼa a da rèm gi Zhiklè.

Zacharie 7:3

A ta jhèɗè ndohi mvi skwi a Zhiklè te gi Zhiklè bi mbiaʼa, a ndohi nhadka ma: Nga da lèyè a nga jèkeda skwi nʼndai a ki mazlamaʼa, ara man nga gu a mvi a mvai nʼnzi a zhi ɗè?

I Samuel 22:18

A bai a ngaɗa na Doeg: Sèi ka, ka shkè a ka bazl ta ndohi mvi skwi a Zhiklè. A Doeg, ndo Edom, a mshkè, a mbazl ta ndohi mvi skwi a Zhiklè, a mbazl ta ndohi 85 a pats sa, ndohi a maslaka Ephod a va.