Esdras 10:8 - Ma Zhiklè

⁸ Ndo man a mshkè ɓai tʼhwaɗ mʼmèn makar, ara mpèsl ri tsuvomhi a ndohi nhalaʼa, ta phomda skwi nengaʼa tèlèba, a géɗ va na ta dzamdauda te va mpi ndohai man ta menkada deɓa te ɓèlè.

Esdras 10:8 ပူးပေါင်းရင်းမြစ်များ

Esdras 10:7

A ta boho te Juda, te Jérusalem, aman ndohi tèlèba man ta menkada deɓa te ɓèlè ta ɓicè va a kokwar Jérusalem.

Esdras 10:9

Ndohi Juda a ndohi Benjamin ta ɓica va tèlèba te Jérusalem, tʼhwaɗ mʼmèn makar, te ki macüɗaʼa, mʼmèn 20. Ndohi tèlèba ta zlatsa a dalmagi gi Zhiklè, a ta gudzai a géɗ ma haha, a ta gudzai te ri mtasl man iyam a prokoɗai.

Esdras 7:26

Ndo man a jèjèr ma kita Zhiklè ngaya azɓai, a gi ara ma kita bi azɓai, sèi ta ga na kita mwuɗitpa a gèɗ: gar ta keɗaʼa, gar ta dzamdauda te kokwar, gar a pil gèɗ, gar a dè dangai. Esdras a gaɗa:

Néhémie 13:28

Kra Jojada ngiɗè, te verzi Eliashib, bi ndohi mvi skwi a Zhiklè, mèsh Sanballat, ndo Horon, man a gu arsa, i dzamdauda a sam ga a géɗ nengaʼa.

Néhémie 13:3

Aman ta tsena ma kita haha, ta porkoɗi ndohi man verzi ngiɗè auda te va ndohi Israel tèlèba.

Lèv. 27:28

Skwi man ndo a va na Ndo nzi pèc pècèk a skwi nkezlaʼa, te va skwi tèlèba man a ngotso, ko ndo, ko skwi gai, ko dak, skwi nʼndi gi na, ta slaha ta predama bai, ta slaha ta cè a deɓa azbai. Skwi nkezli nkezlaʼa, a Ndo nzi pèc pècèk.

Matthew 18:17

Aman a woya a ncinè ma tengaʼa ɓai, gaɗa ta ndohi Zhiklè. Aman a woya ncinè ma mpi ndohi Zhiklè ha azɓai, rka ara ndo nte deɓa, ara ndo ncèkèlè skwai.

Jean 16:2

Ta da dzar kinè auda te gihi njèngè ma Zhiklè tengaʼa. Patsaʼa a di a shkè, aman ndo staɗ staɗ tèlèba man a keɗe kinè, a hérè te ndav na, a ngu skwi man ambaha Zhiklè.

Jean 9:22

Bab a mam na ta goɗ arsa, a géɗ man ta gi zlau ndohi Juif. Aman ndohi Juif ta tsomma, ko wawa man a gaɗa: nengaʼa Kristi, ta dzomkoɗauda te gi njèngè ma Zhiklè tengaʼa.

Jean 9:34

A ta gaɗa na: Ta yeka ka tʼhwaɗ malai, a ka senda nga ɗè? A ta dzardauda.

1 Corinthians 5:13

Zhiklè a gi kita ndohi nte deɓa. Vo-cko ndo man ambaɓai auda te ndev kinè!

Josué 6:19

Aman gurso a guro, kolongwi züdo a kolongwi verzhègenè, skwi nkezlaʼa a sam Ndo nzi pèc pècèk. Do do a va skwi mèshèlè Ndo nzi pèc pècèk.

Juges 21:5

Te deɓaʼa ndohi Israel ta Gad: A sam mpi ndohi Israel, mshkè a sam Ndo nzi pèc pècèk, a sam mɓicè-va ɓi wa? Te nshèlèkuraʼa ta goɗ a mʼmbèdè: Ndo man a dè a sam Ndo nzi pèc pècèk a Mitspa azɓai, sèi ta keɗaʼa.

I Samuel 11:7

A mhul zlèhi cèw, a nzlaha a ntsakaʼa, a nzlinda ta difi ngiɗè, difi ngiɗè, a ri ndohi sak a sam Israel tèlèba, a ngaɗa ta: Ndo man a dè var azɓai, a verzi Saul a Samuel, ta da kezli zlèhi nengaʼa arsa. A zlau Ndo nzi pèc pècèk a ndza ta ndohai, a to do var a ta humda va staɗ.