Esdras 10:18 - Ma Zhiklè

¹⁸ Ta ngots te va ndohi mvi skwi a Zhiklè, man ta hul ngwozi man verzi ta tsaɗ: te va wudahi Josué, kra Jotsadak a kramamhi nengaʼa: Maaséja, Eliézer, Jarib a Guedalia.

Esdras 10:18 ပူးပေါင်းရင်းမြစ်များ

Esdras 10:17

A ta ndeva ma haha a nda ndohi tèlèba man ta co ngwoz man verzi na tsaɗ, te ki nshèlèkuraʼa, a pats nshèlèkuraʼa.

Esdras 2:2

Ta shkè a nda Zorobabel, Josué, Néhé-mie, Seraja, Reélaja, Mardochée, Bilshan, Mispar, Bigvai, Rehum, Baana. Ndohi Israel tèlèba:

Esdras 2:36

Ndohi mvi skwi a Zhiklè: Ndohi Jedeja, te gi Josué, 973;

Esdras 3:2

Josué, kra Jotsadak, a nslambada, a nda kramamhi na, ndohi mvi skwi a Zhiklè, a Zorobabel, kra Shealthiel, a nda kramamhi na, a ta rom sam mvi skwi a Zhiklè Israel, aman ta ndara na skwi zaʼa, ara man a mwinda te ɗèlèwèr ma kita Moise, ndo Zhiklè.

Esdras 3:8

Aman ta shkè a deɓa a sam gi Zhiklè te Jérusalem ma, te mvi macecèwaʼa, ki cèw, Zorobabel, kra Shealthiel, a Josué, kra Jotsadak, a ndohi tèlèba man ta shke a deɓa te ɓèlè a ta shkè a kokwar Jérusalem, ta hüno mizlinè; a ta pe ta ndohi Lévi, man mvi ta 20, a nde a ma ma, a mɓer mizlinè gi Zhiklè.

Esdras 5:2

A Zorobabel, kra Shealthiel, a Josuè, kra Jotsadak, ta slambaɗa a ta hüno nrèm gi Zhiklè te Jérusalem. Ndohi nhadka ma Zhiklè ta zhè a nda tengaʼa a ta nza ta a deɓa.

Esdras 9:1

Aman ta gu skwi haha tèlèba ma, mbibihiaʼa ta shkè a sam ga, a ta gaɗa: Ndohi Israel, ndohi mvi skwi a Zhiklè a ndohi Lévi, ta kezla va auda a sam ndohi nte deɓa ɓai; ta mbèh skwi tengaʼa, skwi mʼmbèh skwi Canaan, Heth, Phérez, Jébus Ammon, Moab, Egypte a Amor.

Esdras 9:2

Ta hul te va dalahi tengaʼa a ngwozi ta, a ngwozi wudahi ta, a verzi ndohi Zhiklè nkezlaʼa ndzakaɓa a ndohi nte deɓa. Tsuvom ndohai a ndohi kita ta hüno mali sa.

Néhémie 12:10

Josué a myau Jojakim; Jojakim a myau Eliashib; Eliashib a myau Jojada;

Néhémie 13:28

Kra Jojada ngiɗè, te verzi Eliashib, bi ndohi mvi skwi a Zhiklè, mèsh Sanballat, ndo Horon, man a gu arsa, i dzamdauda a sam ga a géɗ nengaʼa.

Néhémie 8:4

Esdras, ndo ɗèlèwèr, a nzlatsa a sam nzangalaʼa man ta gu a wof a géɗ nengaʼa. A tsagi nengaʼa, te civèɗ ri mandai, Matthithia, Shéma, Anaja, Urie, Hilkija a Maaséja. Te tsagi ri gula, Pedaja, Mishael, Malkija, Hashum, Hashbaddana, Zacharie a Meshullam.

Néhémie 8:7

Josué, Bani, Shérébia, Jamin, Akkub, Shabbethai, Hodija, Maaséja, Kelith, Azaria, Jozabad, Hanan, Pelaja a ndohi Lévi, ta ngra ta verzi ma kita a ndohai. Ndohi ta zlatsa.

Jérémie 23:10

Aman herkeda nʼndha a mphöme. Kokwar mphomda a géɗ nengaʼa, a lèyè. Sam nɗaʼa tʼhèshè-kèɗ ngwora. Nshèffè tengaʼa, maya man ambaɓai. Ta manda ndav ta a verzi skwi nzura ka ɓai.

Jérémie 23:11

Ndo nhadka ma, a ndo mvi skwi a Zhiklè cèw ba, ta ndohi nʼngwèdè ndo, maya tengaʼa man ambaɓai i ngotso, ko te gi ga ba, Ndo nzi pèc pècèk a gaɗa.

Jérémie 23:14

I rka skwi horai a sam ndohi nhadka ma te Jérusalem: ta gi mphömè, ta cèkèl ma. Ta ndha ri ndohi malihai, ta woya ndo da menkada deɓa te mali na bai. Ta tèlèba ta ga ara Sodome a sam di ga, lèmèlèmè ara ndohi kokwar Gomorrhe.

Ezéchiel 44:22

Ndohi mvi skwi a Zhiklè man ta cè ngwoz, ngwoz mazi ka bai, ngwoz man ndo ngiɗè a nkwola ka bai, sèi bidalai te verzi ndohi Israel, man bai ngwoz ndo mvi skwi a Zhiklè ngiɗè man a mets na.

Lèv. 21:7

Fali dam, a dem nsossuraʼa, a ngwoz man ndo ngiɗè a nkwolaʼa, da co a ngwoz bai! Aman nengaʼa ndo nkezlaʼa a sam Zhiklè na.

Aggée 1:1

Aman Darius bai, te mvi macecè-waʼa, ki mamokwaʼa, a pats nshèlèkuraʼa, Ndo nzi pèc pècèk a ngaɗa na Zorobabel, kra Shealthiel, ngomna te Juda, a Josué, kra Jotsadak bi ndohi mvi skwi a Zhiklè, te ma Aggé, ndo nhadka ma Zhiklè:

Aggée 1:12

Te deɓaʼa Zorobabel, kra Shealthiel, a Josué, bi ndohi mvi skwi a Zhiklè, kra Jotsadak, a njèkèɗi ndohi tèlèba ta fu gèɗ a ma Ndo nzi pèc pècèk, Zhiklè tengaʼa, ara man Aggée, ndo nhadka ma a gaɗa ta, ma man Ndo nzi pèc pècèk, Zhiklè tengaʼa, a nzlinda na; a ndohi ta gu zlau Ndo nzi pèc pècèk.

Aggée 2:4

Zorobabel, gsa ndav ngaya genè – Ndo nzi pèc pècèk a gaɗa. Ka Josué, kra Jotsadak, bi ndohi mvi skwi a Zhiklè, gsa ndav ngaya genè; kinè ndohi kokwar tèlèba, va-gsa ndav kinè, Ndo nzi pèc pècèk a gaɗa. Va-gu mizlinè! I zhè a nda kinè, Zhiklè bi mbiaʼa a gaɗa.

Zacharie 3:1

Te deɓaʼa a ngrayè, ara man Josuè, ndo mvi skwi a Zhiklè mbiaʼa, a nzlatsa a sam gol Ndo nzi pèc pècèk. Sadan a nzlatsa na a tsagai, te civèɗ ri mandai, a mpinèʼa.

Zacharie 6:11

Hul verzhègenè a guro te ri tengaʼa, a ka gu a skwi mpèɗè gèɗ bai, a ka fa na a gèɗ a Josué, ndo mvi skwi a Zhiklè mbiaʼa, kra Jotsadak,

1 Timothy 3:11

Ngwozi tengaʼa lèmèlèmè arsa genè, sèi ta gi zuraʼa, ta tsi derngasl azɓai, zom a te gèɗ ɓai, nlèɓèslèa a géɗ skwi tèlèba.