Esdras 1:3 - Ma Zhiklè

³ Ko wawa te ndev kinè, man nte verzi ndohi na, Zhiklè da zhè a sam na, do do a kokwar Jérusalem, te Juda, do rom gi Zhiklè Israel! Nasa Zhiklè man a zhè te Jérusalem.

Esdras 1:3 ပူးပေါင်းရင်းမြစ်များ

I Rois 18:39

Aman ndohi ta rkaʼa, ta gurɓahai a ta gaɗa: Ndo nzi pèc pècèk, nengaʼa Bi Zhiklè, Ndo nzi pèc pècèk, nengaʼa Bi Zhiklè!

I Rois 8:23

a ngaɗa: Ndo nzi pèc pècèk, Zhiklè Israel! Zhiklè ngar ka azɓai, ko te zhiklè te géɗèʼa, ko tʼherkeda, man ka derzla ma, a ka va ta pombai a ɓèlèlihi ngaya man ta da jèjèr ka a ndav tèlèba.

I Chroniques 28:20

Te deɓaʼa David a ngaɗa na Salomon, kra na: Nzala va, gu slagama, hün mizlinè, ka gu zlau ɓai, ka gudzu ɓai, Zhikiè, Ndo nzi pèc pècèk, Zhiklè ga, a zhè a nda ka. Nengaʼa a da jèke ka a géɗ ngaya azɓai, a da mindè ri na a deɓa a gèɗ ngaya azɓai, ha skwi tèlèba nʼnga ma, a ta slaha ta gi mizlinè te gi Zhiklè.

Esdras 1:4

Njèkèdi ndohi tèlèba, a sam tèlèba man ta nza a pa ara mbrokihai, ndohi kokwar sa, da takaha ta a sulai, a guro, a kolongwai, a skwi kuɗom, a skwi man ta cèkèlè ncèkèlè a géɗ gi Zhiklè te Jérusalem.

Esdras 4:3

A Zorobabel a Josué a njèkèdi tsuvom ndohi Israel ta gaɗa ta: kin slaha kin rèm gi Zhiklè nga a nda nga azɓai. Nga woy a nga rèm gi Zhiklè, Zhiklè Israel, a géɗ nga, ara man Cyrus, bi Perse, a ngaɗa nga.

Esdras 5:13

Aman Cyrus, bi te Babylone, te mvi mshèlèkuraʼa, bi Cyrus a mva ta civèɗ a ta rèm gi Zhiklè zaʼa.

Esdras 5:3

Te ndev nasa, Thathnai, bigol bai te wud woyam, a Shethar-Boznai, a mandalahi tengaʼa ta shkè a sam ta, a ta gaɗa ta: Ngaɗa kinè, va-rom gi haha, a kin til gi Zhiklè nkezlaʼa zaʼa wa?

Esdras 6:7

Sèi ta rèm gi Zhiklè. Zorobabel, ngomna te Juda, a ndohi Juif nhalaʼa da rom gi Zhiklè a sam nshèlèkuraʼa.

Psaumes 132:13

Ndo nzi pèc pècèk a nʼngotsko Sion auda, a woyaʼa a sam gi bi nengaʼa.

Psaumes 83:18

Sèi ta ngècè hori a dai a ta gi zlau a mè-dèp, gèɗ ta ndzakaɓa a ta gedas ta!

Esaie 37:16

Ndo nzi pèc pècèk, Zhiklè bi mbiaʼa, Zhiklè Israel, man ka nzi a géɗ sam nʼnzi ɓai a géɗ cherubimhai. Ka staɗ ka Zhiklè a géɗ kokwar-bihi tʼherkeda tèlèba. Ka gu giɗfèk a herkeda.

Esaie 44:28

I gaɗa na Cyrus: Ndo mɓer skwi ga! Da rufa skwi than i woya tèlèba! I gaɗa na Jérusalem: Da ram ka zaʼa! A géɗ gi Zhiklè: Da ɗaɗayda pa!

Esaie 45:5

Iyè, Ndo nzi pèc pècèk, ngiɗè azɓai. Zhiklè ngiɗè a tsagi ga azɓai. I mana ka skwi deɓ ngaya, man ka senyè di ɓai.

Jérémie 10:10

Aman Ndo nzi pèc pècèk, nengaʼa Zhiklè nzuraʼa, Zhiklè man a zhè a nshèffè, bi a mèdèp. Te ri ndzoan nengaʼa herkeda a gudzai, ndohi herkeda ta slaha ta dishè ndzoan nengaʼa ɓai.

Daniel 2:47

A bai a nhüno a ngaɗa na Daniel: A vava, Zhiklè kinè, Zhiklè a géɗ zhiklèhi tèlèba, bai a géɗ bihi tèlèba, nengaʼa man a sun skwi nʼnghedaʼa, a géɗ man ka slaha ka ngreda verzia haha.

Daniel 6:26

Gumi da zhè a nda kinè kumba! I goɗ a ma bi ga, aman te kokwar-bi ga tèlèba, va-gu zlau, va-gurɓahi a sam Zhiklè Daniel, te man nengaʼa Zhiklè man a zhè a nshèffè, a nzi a mèdèp. Kokwar-bi nengaʼa a gédèshè azɓai, ngi-bi nengaʼa a nèfè asaɓai.

Matthew 28:20

Va-senda ta, aman ta gi skwi tèlèba man i fa kinè a gèɗ. Na haha, i zhè a sam kinè pèc pècèk, a pats a vaɗ, ha herkeda a ndiv na.

Actes 10:36

Kin sun ma Zhiklè man a zlinda ta ndohi Israel, a njè ta ma mbelaʼa, ma gumai te Yèsu Kristi (nengaʼa Bai a géɗ ndohi tèlèba);

Deutéronome 32:31

Aman za tengaʼa az lèmèlèmè ara za nga ɓai; mayamhi nga ta sun nɗèlè arsa.

Josué 1:9

I gaɗa ka ɓi ɗè: Gsa ndav ngaya a ka nze taraʼa! Ka gu zlau bai, ka gudzu ɓai, aman Ndo nzi pèc pècèk, Zhiklè ngaya, a zhè a nda ka a sam tèlèba man ka dè a pa.