Esdras 1:2 - Ma Zhiklè

² Cyrus, bi Perse, a goɗ ar haha: Ndo nzi pèc pècèk, Zhiklè te zhiklè te géɗèʼa, a mvay kokwar-bihai a géɗ herkeda tèlèba, a ngaɗayè te ma na, aman a i rèm gi nengaʼa te Jérusalem, te Juda, zaʼa.

Esdras 1:2 ပူးပေါင်းရင်းမြစ်များ

I Rois 8:27

Aman a vava Zhiklè a da nzi a sam ndohi tʼherkeda dè? Ko sam te giɗfèkihai, kala a géɗèʼa, a slra ka ɓai, azɓa gi man nga rama ka haha dè?

II Chroniques 2:12

Huram a gaɗa: I shid gèɗ a Ndo nzi pèc pècèk, Zhiklè Israel, man a ngu giɗfèk a herkeda, man a va na kra a David, man maya na zhè, a sun skwai, a hér aman a nrèm gi a Ndo nzi pèc pècèk, a gi aman bi a da nzi te pa.

Esdras 1:5

Tsuvom ndohi te verzi Juda a Benjamin, ndohi mvi skwi a Zhiklè a ndohi Lévi, ta tèlèba man Mèzhèɓ Zhiklè a nslambaɗda ta, to do a ta da rèm gi Zhiklè te Jérusalem.

Esdras 3:7

Ta pa ta sulai a ndohi mbèzl kwa, a ndohi mbèzl wof, a ta va ta movar a skwi nsai a mbar a ndohi Sidon a ndohi Tyr, da hulkoɗi wof ɗawai te Liban, a ma iyam mbiaʼa te Japho, ara man Cyrus, bi Perse, a mva ta civèɗ a pa.

Esdras 4:3

A Zorobabel a Josué a njèkèdi tsuvom ndohi Israel ta gaɗa ta: kin slaha kin rèm gi Zhiklè nga a nda nga azɓai. Nga woy a nga rèm gi Zhiklè, Zhiklè Israel, a géɗ nga, ara man Cyrus, bi Perse, a ngaɗa nga.

Esdras 5:15

A ngaɗa na: Hul kolongwi haha, a ka peda a sam nkezlaʼa te Jérusalem! Te deɓaʼa sèi ta rèm gi Zhiklè zaʼa a sam man a nza halaʼa.

Esdras 6:10

a ta slaha ta ndara na skwi a Zhiklè te zhiklè te gèɗèʼa, aman ambaha, a ta tsi ri a géɗ nshèffè bai a wudahi nengaʼa.

Esdras 6:3

Aman Cyrus bai, te mvi nshèlèku-raʼa, bi Cyrus a ngoɗa aman ta rèm gi Zhiklè te Jérusalem zaʼa. Sèi ta rèm gai, a sam mvi skwi a Zhiklè, zaʼa. Njüv na a tsi ri 60, nguzloh na a tsi ri 60.

Esdras 7:12

Artaherhes, bi mbiaʼa, a sam Esdras, ndo mvi skwi a Zhiklè, ndo man a sun ma kita Zhiklè te zhiklè te géɗèʼa…

Néhémie 1:4

Aman i tsena ma haha, a i nzahai, a i kuɗai, a i lèyè mʼmèn kumba. Te deɓaʼa i jèkeda skwi nʼndai, a i tsu ri a sam Zhiklè te zhiklè te géɗèʼa.

Néhémie 1:5

I gaɗa: Ka Ndo nzi pèc pècèk, Zhiklè te zhiklè te géɗèʼa, Zhiklè mbiaʼa, mwuɗitpa, man ka prè nderzlè-ma te pombai a nda ndohi man ta woya a ta jèjèr ma nkwèr ngaya, azɓai.

Psaumes 136:26

Va-shüd gèɗ a Bi Zhiklè te géɗèʼa; aman pombi nengaʼa a nzi a mèdèp!

Psaumes 85:2

Ndo nzi pèc pècèk, ka gu amba a sam kokwar ngaya, ka helka ta ndohi Jacob a deɓa.

Proverbes 21:1

Ndav bai te ri Ndo nzi pèc pècèk nara woyam, a ngaldama na ma ara man a woyaʼa.

Esaie 41:2

Mbaha na nengaʼa man pèc pècèk ba ngula genè, te verzi gai, wa? Man a tsede ta ndohi herkeda a hi a ma na, a nkoldokoɗi ndohi auda te bi, wa? Tsakwal nengaʼa a ganzaf taa pa, lèkèɗ nengaʼa a venda ta gèɗ ara lokotor man kozlar a heldama.

Esaie 44:26

I nzala ma ɓèl ga, a i gi ara man ndohi sak ga ta goɗo. I gaɗa na Jérusalem: Ndo da nza a pa! I gaɗa ta kokwarhi Juda: Da ram kinè zaʼa! Gi man mʼmbeɗ na, da ɗaɗayda pa!

Esaie 44:28

I gaɗa na Cyrus: Ndo mɓer skwi ga! Da rufa skwi than i woya tèlèba! I gaɗa na Jérusalem: Da ram ka zaʼa! A géɗ gi Zhiklè: Da ɗaɗayda pa!

Esaie 45:1

Ndo nzi pèc pècèk a ngaɗa na Cyrus, ndo man a bada na mbar a gèɗ: Ka man i gs ka te ri mandai, a i bazl ta ndohi herkeda a ma ngaya. I pra skwi deɓ bihai, a i winè ntamagi mpizlèa a ma ngaya.

Esaie 66:1

Ndo nzi pèc pècèk a gada: Gidfèk sam nʼnzi bi ga, a herkeda skwi nfi sak ga. Gi mè, man kin woy a kin gayè? Sama tema, man i nzi a pa?

Jérémie 10:11

Gar haha kin da gaɗa ta: Zhiklèhi man ta ga giɗfèk a herkeda ɓai, sèi da zeda a géɗ herkeda ba, tʼhwaɗ giɗfèk ba.

Jérémie 27:5

Iyè i gau herkeda, ndo a skwi dak man ta zhè a géɗ herkeda. I gau a ri man wuɗi na zhè, a i va na herkeda a ndo man i woyaʼa.

Jérémie 29:10

Ndo nzi pèc pècèk a goɗ ar haha: Aman mvi 70 klèng te Babylone, i dè a sam kinè, a i da gi a sam kinè ara ma ga mbelaʼa, a i da helka kinè a deɓa a haha.

Daniel 1:21

Daniel a nʼnza te gi bai, ha nhin bi Cyrus, te mvi nshèlèkuraʼa.

Daniel 2:21

Nengaʼa man a veni pats a vaɗ, a sam prèk a sam dakwaɗ, a cko ndo auda te bai, a fi ndo a bai, a va ta maya a ndohi maya a nshin skwai a ndohi man ta sun skwai.

Daniel 2:28

Aman Zhiklè te zhiklè te géɗèʼa a zhè, man a sun skwi nʼnghedaʼa, a ngra na bi Nebucadnetsar skwi man a da gi a ma. Nshun ngaya, a skwi man a nrka ka a dai a sam mʼmènè ngaya, na haha:

Daniel 4:25

Ndohi ta da kwol ka, a ka da nzi a va skwi dakhai. Ka da ndi mandai ara zlè. Minmèn a gi a iyam ngaya. A ka nzi aranta mvi tsaraɗ, ha ka suna, Zhiklè te zhiklè te géɗèʼa a nʼngots wuɗai a géɗ kokwar-bi ndohai, a va na a ndo man a woyaʼa.

Daniel 4:32

Kokwar-bi ngaya, i cedama te ri ngaya! Ndohi ta kwol ka, ka nzi a va skwi dak, ka ndi mandai ara zlè, ha mvi tsaraɗ klèng, ha ka suna, Zhiklè te géɗèʼa a nʼngots wuɗai a géɗ kokwar-bi ndohai, a va na a ndo man a woyaʼa.

Daniel 5:23

ka goɗ aman ta hulko ka kokwi te gi nengaʼa, a kinè a ndohi ngaya mbibihiaʼa a ngwozi ngaya a ngwozi kalak ngaya, kin si zom a vna. Ka slubordo zhiklèhi verzhègenè a guro a zi pats a züdo a wof a kwa, man ta rka di ɓai, man ta tsena zlembaɗ ɓai, man ta sun maya ɓai. Aman Bi Zhiklè man nshèffê ngaya te ri nengaʼa, man civèɗ ngaya tèlèba nte ri nengaʼa, ka slebarda bai.

Daniel 6:25

Te deɓaʼa bi Darius a nzlündo ɗèlèwèr a sam ndohi tèlèba, te verzi tsaɗ tsaɗ, a nèʼèn tsaɗ tsaɗ a géɗ herkeda tèlèba:

Jonas 1:9

Jonas a ngaɗa ta: I ndo Hébreu, i gi zlau Ndo nzi pèc pècèk, Zhiklè te zhiklè te géɗèʼa, man a ngu iyam mbiaʼa a herkeda.