Esaie 9:7 - Ma Zhiklè

⁷ Bi Zhiklè a nzlündo ma nengaʼa a sam ndohi gi Jacob, a ma a nkala ta a gèɗ a ndohi Israel,

Esaie 9:7 ပူးပေါင်းရင်းမြစ်များ

II Samuel 7:16

Aman gi ngaya a kokwar-bi ngaya sèi ta nzi a sam ga a mèdèp. A sam nʼnzi bi ngaya da nza a mèdèp.

II Rois 19:31

Aman njèkèɗia a zhè aman a da shkè te Jérusalem, a ndohi man ta hu ta a ta mbel ta a za Sion. Srak Zhiklè bi wuɗai a da gi arsa.

Psaumes 2:8

Dzhoɗo a sam ga, i da va ka ndohi herkeda a skwi nʼndi gi ngaya, kala verzi herkeda tèlèba ka ngècè a skwi ngaya.

Esaie 11:1

Godozlom Isai a da tsi rai, a zluzlor nengaʼa a da tsi ntsatseri staɗ man a ndè yi skwai.

Esaie 16:5

Pombai a va na wuɗi a sam nʼnzi ɓai, a ndo kita nlèɓèslèʼa nzuraʼa a nzi a pa, te gi David.

Esaie 2:4

Nengaʼa a da gi kita ndohi herkeda tèlèba, a bèzlè kita a gèɗ ndohi man verzi ta tsaɗ tsaɗ. Ta da hil tsakwal ta, a ta viɗè a devar; a ta da hil su-lom ta, a ta da viɗè a gwodza. Ndohi herkeɗa ngiɗè ta da slambaɗa ta a va ndohi herkeda ngiɗè asaɓai, a ta slebi var te deɓaʼa asaɓai.

Esaie 26:11

Ndo nzi pèc pècèk, wuɗi ri ngaya a zhè, aman ta rka ɓai. Sèi ta da rka pats ngiɗè, a ta ngècè hori a dai. Srak a géɗ ndohi ngaya, a vogwa a géɗ mayamhi ngaya, sèi da nde ta a ma.

Esaie 37:32

Aman njèkèdia a zhè, aman a da shkè te Jérusalem, a ndohi man ta hu ta a ta mbel ta te za Sion. Srak Zhiklè bi mbiaʼa a da gi arsa.

Esaie 40:10

Na haha, Bi Zhiklè a shkè a wuɗai, a gi ɓai a ri nengaʼa man wuɗi na zhè. Na haha skwi ntul na a zhè a ma na.

Esaie 42:13

Ndo nzi pèc pècèk a dè a ma ma ara ngul ndo, ara ngul var a nslambaɗda ta ndohi ngiɗè, a ntsi tolom, a nguzli var, a gi ngul mayamhi na.

Jérémie 23:5

Na haha patsaʼa a di a shkè, Ndo nzi pèc pècèk a gaɗa, i da ngotsko bi nzuraʼa auda te verzi David; a da gi hai, a da gi mizlinè a maya, a da bèzlè kita zuraʼa te kokwar.

Daniel 2:35

A mbatsa züdo a rɓasl a zi pats a verzhègenè a guro tèlèba, a kozlar a nheldama ara topok dau te hedak, a ta rka te deɓaʼa ɓi fèt. A kwa mbatsa skwi sa, a ngre na a vata, a ngi a za mbiaʼa, a nʼndha herkeda tèlèba.

Daniel 2:44

Aman bihi matsa ta zhè, Zhiklè te zhiklè te géɗèʼa a da til kokwar-bai, man a nzi a mèdèp, a skwi a gé-dèshè azɓai, ndohi herkeda ta ngècè bi asaɓai. Nengaʼa a da bats ta kokwar-bihi haha tèlèba, a ngedas ta. Aman nengaʼa a nzi a mèdèp.

Daniel 7:14

A ta va na wuɗai a nʼnjèlè a wuɗi bai, a ndohi herkeda te verzi tsaɗ tsaɗ a nèʼèn tsaɗ tsaɗ tèlèba ta gu mizlinè nengaʼa. Wuɗi nengaʼa, wuɗi man a nzi a mèdèp, man a ndev azɓai, kokwar-bi nengaʼa a gédèshè azɓai.

Daniel 7:27

Wuɗai, a wuɗi-bai, a nʼnjèlè kokwar-bihi tʼhwaɗ giɗfèk tèlèba ta da va ta ndohi Zhiklè nkezlaʼa. Wuɗi-bi tengaʼa a nzi a mèdèp, a kokwar-bihi tèlèba ta da gi a ɓèl ta, a ta fi gèɗ a ma tengaʼa.

Aggée 2:9

Nʼnjèl gi haha man a ma a da fena nʼnjèl ngedas na sa, Zhiklè bi mbiaʼa a gaɗa. I woy a i vi skwi mʼmbél ndo a sam haha, Zhiklè bi mbiaʼa a gaɗa.

Matthew 1:23

Na haha bidali a ngècè kra, a da yi kra nguraʼa a ta da va na nzlembaɗ nengaʼa Emmanuel, ara ngèdè: Zhiklè a nda nga.

Jean 12:34

A ndohi ta gaɗa na: Nga tsena te ma kita Zhiklè, Kristi a nzi a mèdèp. Ka, ka gaɗ ke: Sèi ta zlècèdè krando. Kra-ndo haha wa?

Hébreux 1:8

Aman a géɗ kra na: Zhiklè, sam nʼnzi bi ngaya a nzi a mèdèp. A va zaʼa: Gada-bi ngi zuraʼa, nengaʼa gada-bi kokwar-bi ngaya.

Hébreux 7:24

Aman ndo haha, a géɗ man a nzi a mèdèp, a nʼngots mizlinè mvi skwi a Zhiklè, man a ndivè azɓai.

Apocalypse 19:11

A i rka zhiklè mwinèa: na haha, plèsh nslekaɗaʼa. Nzlembaɗ ndo plèsh: ‘nlèɓèslèʼa a nzuraʼa’, man a gi kita, a gi var te ngi-zuraʼa.