Esaie 9:6 - Ma Zhiklè

⁶ Kokwar-bi nengaʼa a da gi a mbiaʼa, a gumi a sam nʼnzi bi David, gumi te kokwar-bi nengaʼa tèlèba, a zhè a mèdèp; aman nengaʼa a da tilèʼa, a va na wuɗai te kita, te ngi-zuraʼa, a hinè antanta, a ndè a ma ma a mèdèp. Srak Zhiklè bi mbiaʼa a da gi arsa.

Esaie 9:6 ပူးပေါင်းရင်းမြစ်များ

II Samuel 7:13

Nengaʼa a da rèm gi a nzlembaɗ ga, a i woy a i nzala sam nʼnzi bi nengaʼa a mèdèp.

II Samuel 7:16

Aman gi ngaya a kokwar-bi ngaya sèi ta nzi a sam ga a mèdèp. A sam nʼnzi bi ngaya da nza a mèdèp.

I Rois 10:9

I shid gèɗ a Ndo nzi pèc pècèk, Zhiklè ngaya, man a va ka pombai, a nʼnzede ka a gèɗ sam nʼnzi bi Israel a mèdèp, a nfe ka a bai a ka gi kita zuraʼa.

I Rois 2:33

Joab a ndohi te verzi nengaʼa ta pil nshèffè Joab a mèdèp, a ri ta. Aman David a ndohi te verzi nengaʼa, ndohi gi nengaʼa a sam nʼnzi bi nengaʼa, ta ngècè pombai a sam Ndo nzi pèc pècèk a mèdèp.

I Rois 2:45

Aman Bi Salomon a sam nʼnzi bi David a ngècè mpshè ma a nʼnjèlè a ma ma a sam Ndo nzi pèc pècèk.

Néhémie 9:32

Anai Zhiklè nga, Zhiklè mbiaʼa, man wuɗi na zhè, wuɗitpa, man ka gi ara man ka derzla ma te pombai. Ka rka matakwan tèlèba man a ga nga, a bihi nga, a wud bihi nga, a ndohi mvi skwi a Zhiklè nga, a ndohi nhadka ma, babhi nga, a ndohi ngaya tèlèba, daga pats man bihi Assyrie ta zhè, ha patsna, ara skwi ambali genè ɓai.

Psaumes 45:3

Mbambi ngaya a fena mbambi ndohi tèlèba, ma nhènèkèa a zhè te ma ngaya. Gar haha Zhiklè a pshè ka ma a mèdèp.

Psaumes 45:6

Sulom ngaya ntasla! Ndohi herkeda ta bazl ta te riaʼa, a ndav ndohi mayamhi bai a mʼmbeɗ na.

Psaumes 45:7

Sam nʼnzi bi ngaya a nzi a ma ma a mèdèp; gada bi ngaya, gada bi ngi-zuraʼa.

Psaumes 50:1

Dimèsh Asaph. Zhiklè a géɗ zhiklèhai, Ndo nzi pèc pècèk, a gèɗè, a bèhè herkeda, a hinè te civèɗ mvèng pats, a ndè a civèɗ nkèl pats.

Psaumes 72:17

Nzlembaɗ nengaʼa da nzau a mèdèp, da gra a mbiaʼa a ma ma, ara pats man a zi auda a giɗfèk azɓai. Verzi ndohi herkeda tèlèba, da pshè ta ma ndohi kokwar a nzlembaɗ nengaʼa. Ndohi kokwar tèlèba, do slubordo nengaʼa!

Psaumes 72:3

Zahi ta da ckoɗi gumi a hi a géɗ herkeda, a ngègèɗhai ta da ckoɗi ngi-zuraʼa a hai.

Psaumes 72:7

A pats man nengaʼa a zhè, ngi-zuraʼa a giɗè auda, gumi mbiaʼa a zhè, ara kia man a kèlè auda a giɗfèk azɓai.

Psaumes 85:10

A vava, skwi mbel ndo Zhìklè a zhè ndul ndul a sam tengaʼa man ta gi zlauaʼa. Nʼnjèl Zhiklè da zhè te kokwar nga!

Psaumes 89:5

I gi aman verzi ngaya a zhè pèc pècèk, a i til sam nʼnzi bi ngaya a mèdèp.

Proverbes 8:23

A giyè tʼhinèkaɗ na, te nhinèkaɗ skwai, ga herkeda a zhè.

Esaie 10:21

Njèkèɗi ndohi kètè, ndohi gi Jacob, ta da menkaɗa deɓa a sam Zhiklè wuɗai.

Esaie 11:5

Va nengaʼa ndzawaa ngi-zuraʼa, hwaɗ nengaʼa mʼmana a nlèɓèslè.

Esaie 16:5

Pombai a va na wuɗi a sam nʼnzi ɓai, a ndo kita nlèɓèslèʼa nzuraʼa a nzi a pa, te gi David.

Esaie 26:12

Ndo nzi pèc pècèk, ka da va nga gumai. Skwi tèlè man nga giaʼa, ka rufaʼa.

Esaie 26:3

Ndo man a mʼmana ndav na kangaʼa, a nzi a gumai, a géɗ man a pi ndav a ka.

Esaie 28:29

Skwi haha ba a nshkè te Zhiklè bi mbiaʼa. Skwi man nengaʼa a mhuro, skwi mbelaʼa. Maya nengaʼa mbiaʼa.

Esaie 32:1

Na haha bi ngiɗè a da gi ɓai te ngi-zuraʼa, a wud bihai ta takaha bi zuraʼa.

Esaie 37:32

Aman njèkèdia a zhè, aman a da shkè te Jérusalem, a ndohi man ta hu ta a ta mbel ta te za Sion. Srak Zhiklè bi mbiaʼa a da gi arsa.

Esaie 53:10

Aman Ndo nzi pèc pècèk a woya a nkalda a matakwan. Aman a mvau nshèffè na a skwi mpil gèɗ, a da rka ndohi nte verzi nengaʼa man ta gi kumba; a pats nshèffè nengaʼa ta herda a ma ma; a skwi man Zhiklè a woyaʼa, a da rufa te nengaʼa.

Esaie 53:2

Ɓèl Ndo nzi pèc pècèk a gra a sam nga, ara skwi nftsaʼa, ara zluzlor tʼherkeda ngworaʼa. Mbambi az a di nengaʼa ɓai, nga pa di a pa ɓai. Nara ndo ka ɓai, ambaha nga ɓai.

Esaie 53:5

Mali nga a nʼnga na mblè a va nengaʼa, skwa a ndza na a géɗ maharam nga. Kita man kala a gèɗ nengaʼa a mva nga gumai; te mblè nengaʼa nga mbel nga.

Esaie 63:16

Aman ka bab nga! Abraham a sen nga ɓai, Israel a nse-naha nga ɓai; ka Ndo nzi pèc pècèk, ka bab nga. Nzlembaɗ ngaya ‘ndo nsumka nga a deɓa’, tʼhinkaɗ na.

Esaie 66:12

Aman Ndo nzi pèc pècèk a gaɗa: Na haha i da wuzhè gumi ga a sam na ara woyam man iyam a hi te pa, a nʼnjèl ndohi herkeda ara woyam man a hi auda a dzah, Ta humbat ta wudahi tengaʼa a rai, ta pe ta a gsa a ta bid ta.

Esaie 7:14

Gar haha Bi Zhiklè a da ngreda kinè skwi a ri na: Na haha, bidalai a da gi a hwaɗ, a da yi kra nguraʼa, a da va na nzlembaɗ na Emmanuel.

Esaie 8:18

Na haha nga a wudahi ga man Ndo nzi pèc pècèk a mvayè. Nga ndohi malwuɗai, a skwi nrkedai, a sam ndohi Israel, te ri Zhiklè bi mbiaʼa, man a nzi a géɗ za Sion.

Jérémie 31:22

Ka woy a ka shèwèlè a vara ta ahngwa, dem man a zlak na? Ndo nzi pèc pècèk a til skwi mɓuaʼa Tʼherkeda, ngwoz a woy a ta nzi a baki na.

Daniel 2:44

Aman bihi matsa ta zhè, Zhiklè te zhiklè te géɗèʼa a da til kokwar-bai, man a nzi a mèdèp, a skwi a gé-dèshè azɓai, ndohi herkeda ta ngècè bi asaɓai. Nengaʼa a da bats ta kokwar-bihi haha tèlèba, a ngedas ta. Aman nengaʼa a nzi a mèdèp.

Daniel 7:14

A ta va na wuɗai a nʼnjèlè a wuɗi bai, a ndohi herkeda te verzi tsaɗ tsaɗ a nèʼèn tsaɗ tsaɗ tèlèba ta gu mizlinè nengaʼa. Wuɗi nengaʼa, wuɗi man a nzi a mèdèp, man a ndev azɓai, kokwar-bi nengaʼa a gédèshè azɓai.

Aggée 2:9

Nʼnjèl gi haha man a ma a da fena nʼnjèl ngedas na sa, Zhiklè bi mbiaʼa a gaɗa. I woy a i vi skwi mʼmbél ndo a sam haha, Zhiklè bi mbiaʼa a gaɗa.

Matthew 1:1

Ɗèlèwèr nzlembaɗ ndohi te verzi Yèsu Kristi, kra David, kra Abraham.

Matthew 1:23

Na haha bidali a ngècè kra, a da yi kra nguraʼa a ta da va na nzlembaɗ nengaʼa Emmanuel, ara ngèdè: Zhiklè a nda nga.

Matthew 11:27

Skwi tèlèba Bab ga a mvay a rai. Ndo ngiɗè a sun kra ɓai, sèi Bab kra a suna a vava. Ndo ngiɗè a sun bab kra ɓai, sèi kra a suna a vava, a ndohi man kra a ngreda ta.

Matthew 28:18

A Yèsu a mshkè a sam ta, a ngaɗa ta: Wuɗi tèlèba te zhiklè ba, tʼherkeda ba, nte ri ga.

Luke 1:35

A gol Zhiklè a mʼmbeɗa na a ma: Mèzhèɓ Zhiklè nkezlaʼa a di a shkè a géɗ ngaya, a wuɗi Zhiklè te géɗèʼa a da nzi a géɗ ngaya. Gar haha kra man ka da yiaʼa, nkezlaʼa, ta da baha na kra Zhiklè.

Luke 2:11

Aman a patsna ta ya kinè te kokwar David ndo mʼmbel ndo, nengaʼa Kristi, Bai.

Luke 2:14

Nʼnjèlè a sam Zhiklè te géɗèʼa, gumai a herkeda, a sam ndohai man Zhiklè a va ta pombai!

Luke 21:15

Aman i da va kinè ma a maya, aman ndohi mayamhi kinè ta slaha ta mbeɗa kinè a ma ɓai, a ta shèl va a sam kinè azɓai.

Jean 1:14

A ma Zhiklè a nʼnde na a ndo, a nʼnza a sam nga, a nga rka nʼnjèl nengaʼa. Nʼnjèlè Bab Zhiklè, man a mva na kra nengaʼa staɗgenè, nʼndha a pombai a ma nzuraʼa.

Jean 1:16

Te skwi nengaʼa man ndev ɓai, nga tèlèba nga ngots pombai, a va, a vaʼa.

Jean 14:27

I jèka kinè gumi ga. Gumi ga i va kinè. I va kinè, ara man herkeda a va kinè ka ɓai. Kin gu zlau te ndav kinè ɓai, kin gudzu ɓai!

Actes 10:36

Kin sun ma Zhiklè man a zlinda ta ndohi Israel, a njè ta ma mbelaʼa, ma gumai te Yèsu Kristi (nengaʼa Bai a géɗ ndohi tèlèba);

Actes 20:28

Anai sèi kin gi maya a géɗ va kinè, a géɗ rèwè tèlèba, te ndev tengaʼa Mèzhèɓ Zhiklè nkezlaʼa a nʼnge kinè a ndohi nwar ta, aman kin wèr mpi ndohi Zhiklè, man a sumkaɗa deɓa a Pombaz va nengaʼa.

Romans 8:32

Nengaʼa a ntsotskava kra nengaʼa ɓai, aman a mvau a géɗ nga tèlèba, a da va nga skwi tèlèba a nda nengaʼa azɓi ɗè?

Romans 9:5

Bababhi nte verzi tengaʼa. Te tengaʼa Kristi a nshkè, man a gu ara ndo; nengaʼa man a zhè a géɗ skwi tèlèba; nslébèrdè a Zhiklè a mèdèp. Amen.

1 Corinthians 1:30

Kinè a zhè te Yèsu Kristi a géɗ Bi Zhiklè, aman Yèsu a ngi a maya nga, a ge nga a ndohi nzuraʼa, a kezla ndav nga, a Preka nga auda;

1 Corinthians 15:25

A woy Kristi a gi bai, ha Zhiklè a pe ta mayamhi tèlèba a hwaɗ sak nengaʼa.

2 Corinthians 5:19

Aman Zhiklè, te Kristi, a mʼmenda gumi a hai a ndohi herkeda, a nhera mali ta asaɓai. A mva nga ma mʼméndè gumi a hai.

Deutéronome 10:17

Aman Ndo nzi pèc pècèk, Zhiklè kinè, Zhiklè a géɗ zhiklèhi tèlèba, Zhiklè mbiaʼa, man wuɗi na zhè, man wuɗitpa, man a pèr ndo mpèrè azɓai, a cè skwi man ta rubè a vna azɓai;

Colossiens 2:3

A ta shin skwi Zhiklè, Bab Kristi, nʼnghedaʼa. Skwi mèshèlè te nshin maya, te nshin skwi tèlèba, nʼngheda te nengaʼa.

1 Timothy 3:16

Skwi man nʼngheda a civèɗ Zhiklè, skwi mbiaʼa a vava: Zhiklè a ngudko va a dai ara ndo, a nʼngreda auda zuraʼa te Mèzhèɓ Zhiklè, a ngudoko ta va a dai a golahi Zhiklè. Ta njo nengaʼa a sam ndohi herkeda, a ndohi herkeda ta co a ndav, a Zhiklè a ndaʼa a sam nʼnjèl nengaʼa.

Titus 2:13

a wuffedè ndav nga, a nga zhèr pats man Bi mʼmbel nga Yèsu Kristi a ngudko va a di a nʼnjèl Zhiklè mbiaʼa.

Hébreux 1:8

Aman a géɗ kra na: Zhiklè, sam nʼnzi bi ngaya a nzi a mèdèp. A va zaʼa: Gada-bi ngi zuraʼa, nengaʼa gada-bi kokwar-bi ngaya.

Hébreux 13:20

Aman Zhiklè gumai, man a ncko Bi nga Yèsu auda te mʼmetsai, ndo mɓer tambakhi mbiaʼa te pombaz nderzlè-ma a mèdèp,

1 John 5:20

Aman nga suna, kra Zhiklè a mshkè, a mva nga maya, aman nga sun nengaʼa, man nzuraʼa a vava. Nga te nengaʼa man nzuraʼa a vava, te Yèsu Kristi, kra nengaʼa. Nengaʼa Zhiklè nzuraʼa, nengaʼa nshèffè a mèdèp.

Apocalypse 19:16

Nzlembaɗ ngiɗè mwindèa a maslaka na, a tataya nengaʼa: Bai a géɗ bihai, mbiaʼa a géɗ mbibihiaʼa.

Juges 13:18

A gol Ndo nzi pèc pècèk a ngaɗa: Ka jhèdè nzlembaɗ ga èhèmè? Nzlembaɗ ga, ‘mbikaɓai’.