Esaie 9:3 - Ma Zhiklè

³ Wof nkelawa te daʼai tengaʼa, gada a deɗ tengaʼa, gada sojè te ri ndo ndzam ta, ka paslaʼa ara man a pats Madian.

Esaie 9:3 ပူးပေါင်းရင်းမြစ်များ

Néhémie 9:23

Ka va ta wudahi kumba ara bantihai te giɗfèk, a ka de ta a kokwar man ka pasla ta ri a hi a babhi ta, aman ta da dè a pa a ta cèʼa.

Job 12:23

A ge ta ndohi herkeda a mbiaʼa, te deɓaʼa a zede ta. A zlazlama ta ndohi herkeda, te deɓaʼa a ndev ta ma.

Psaumes 107:38

A pshè ta ma, a ta mènè a vata, a va ta skwi kudom a vata.

Psaumes 119:162

Ndav ga a wuffè a géɗ ma ngaya, ara ndo man a dumko skwi kumba.

Psaumes 4:7

Ta kumba ta gaɗa: Da ngra nga skwi man amba wa? Ndo nzi pèc pècèk, medi ngaya da hela nga sam!

Esaie 10:26

Zhiklè bi mbiaʼa a da vitè ta mènèwèd a gèɗ ara halaʼa man a mbazl ta ndohi Madian a sam za Oreb, a nslambaɗda gada nengaʼa a géɗ woyam mbiaʼa, lèmèlèmè ara man a gau a géɗ kokwar Egypte.

Esaie 12:1

A pats nasa ka da gada: Ndo nzi pèc pècèk, i shida ka gèɗ! Ka gu ndav a géɗ ga, te deɓaʼa ka jèkeda ngi ndav, a ka bidyè.

Esaie 14:5

Ndo nzi pèc pècèk a mpasla ta mènèwèɗ a ndohi ambaɓihiaʼa, a gada ndohi nʼnga nga matakwan.

Esaie 25:9

A pats nasa ta da gèɗèʼa: Na haha Zhiklè nga, man nga pu ndav a vna, man a mbel nga. Nasa Zhiklè mao nga pu ndav a vna! Ngo-wuffokoya, ngo-gokoy langlangaʼa, a géɗ man a mbel nga.

Esaie 26:15

Ka gu a ndohi ta zlèzlèmè, Ndo nzi pèc pècèk! Ka gu a ndohi ta zlèzlèmè, ka ngreda nʼnjèl ngaya, a ka herdaha kuma kokwar a deɓa.

Esaie 35:10

a ndohi man Zhiklè a mpreka ta auda, ta menkaɗa deɓa a ngwi a Sion. Ta hèzlèwè, a mwuffè a hela ta te di dzayaʼa, man a ndiv azɓi a mèdèp. Mwuffè a pombai a feda ta ma; matakwan a nlèyè ta kal ta.

Esaie 35:2

Da dzuv skwai, da wuffa, da wuffa, da shüd gèɗ te pa a yata! Zhiklè a da va na nʼnjèl Liban, mbambi Carmel a mbambi Saron. Ta da rka nʼnjèl Ndo nzi pèc pècèk, nʼnjèl Zhiklè nga mbikaɓai.

Esaie 54:1

Hazlawa a mwuffè, ka delai man ka ya kra ɓai! Da wuffede ka, ngwossa man ka disha kra ɓai! Aman ngwoz man nya kra ɓai, wudahi nengaʼa a fena wudahi man a baki na zhè, Ndo nzi pèc pècèk a gaɗa.

Esaie 55:12

Aman kin dè a mwuffè te ndav; a i da de kinè a gumai. Za a ngègèdhai ta da wuffè a ma kinè, a wofhi te dak ta da wuf-fè a ta gècè.

Esaie 61:10

I woya a i ngrédè mwuffè gà a géɗ Ndo nzi pèc pècèk auda a dimèsh, ndav ga do slubordo Zhiklè ga! Aman nengaʼa a vay skwi mʼmbel ndo a va, ara maslaka, a ngi-zuraʼa a va, ara dawar. Lèmèlèmè ara ntsima man a pèɗè gèɗ, a medemai man a pi skwi wi a va.

Esaie 61:7

A géɗ man ndohi ga ta sau matakwan sak cèw, a ta ngots hori a skwi nʼndi gai, sèi ta ngècè te kokwar tengaʼa skwi a gi sak cèw, a mwuffè a mèdèp.

Esaie 65:14

Na haha, ɓèlèlihi ga ta da sli dimèsh a mwuffè te ndav. Kinè, ndav a dza kinè a kin kuɗai, kin dish va, mèzhèɓ az a ndav kinè ɓai.

Esaie 65:18

Aman i gi a kin wuffè a gèɗ skwi man i giaʼa a mèdèp. Na haha, i gi Jérusalem a skwi nslebardaʼa; a i gi ndohi na a skwi mwuffè.

Esaie 66:10

Va-wuffa a nda kokwar Jérusalem, va-slu dimèsh a géɗ nengaʼa, kin tèlèba man kin woyaʼaa ndav kinè. Va-wuffa a nda nengaʼa, kin tèlèba man kin lèyèʼa.

Jérémie 31:7

Aman Ndo nzi pèc pècèk a goɗ ar haha: Va-hazlawa a mwuffè a géɗ Jacob, va-guzlau a ma ndohi herkeda, vo-boho, va-slu dimèsh nslèbèrdè Zhiklè, va-gaɗa: Ndo nzi pèc pècèk, mbul ndohi ngaya, mbul njèkèdi Israel!

Osée 4:7

Ara man ta zlèzlèmè a ma ma, ta gi mali a sam ga a ma ma.

Lèv. 26:13

Iyè Ndo nzi pèc pècèk, Zhiklè kinè, man i helka kinè auda te kokwar Egypte, a kin nzi te pa ara ɓèlèlihi asaɓai. I pasla wof nkelawa te daʼai kinè, a kin dè a gèɗ nzlatsedaʼa.

Zacharie 10:8

I woya a i bidka ta a i ɓicka ta; aman i sumka ta a deɓa. Ta da gi kumba ara zlèzlèʼa.

Zacharie 2:11

A pats nasa ndohi herkeda kumba ta da gshè va a Ndo nzi pèc pècèk, a ta ndi a ndohi na. A nengaʼa a da nzi a ndev tengaʼa. A ka da suna, Zhiklè bi mbiaʼa a nzlindkayè.

Zacharie 8:23

Zhiklè bi mbiaʼa a gaɗa: A pats nasa ndohi kula te verzi ndohi man daʼai ta tsaɗ, ta da gshè va a maslaka ndo Juif staɗ, a ta gaɗa: Nga woy a nga dè a verzi kinè! Nga suna, Zhiklè a zhè a nda kinè.

Luke 11:22

Aman ndo ngiɗè a shkè, wuɗi nengaʼa a fena wuɗi ndo var sa, a gi a ngulaʼa, a ngézlè skwi var nengaʼa tèlèba a ma, man ndo matsa a fu gèɗ a vna, a kezla skwi man a hul a metsar a ndohi ngiɗè.

Actes 8:8

A mwuffe mbiaʼa a zhè te kokwar sa.

Philippiens 4:4

Va-wuffa te Bai Yèsu pèc pècèk, a i gaɗa kinè zaʼa: Va-wuffa!

1 Peter 1:8

Ko man kin rka nengaʼa di ɓai, aman kin woyaʼa a ndav kinè genè. Antanta kin co a ndav, ko kin rkaʼa a di di ɓai, a kin wuffè a mwuffè mbiaʼa, a nʼnjèlè te pa,

Juges 5:3

Kinè bihai, va-tsenaʼa! Kinè mbibihiaʼa, va-fu zlembaɗ! Iyè man i woy a i tsi ganzavar a Ndo nzi pèc pècèk, Zhiklè Israel, a i sli dimèsh a deɓaʼa.

Juges 7:22

Ndohi 300 ta tsu tolom, a Ndo nzi pèc pècèk a ngau aman ndohi Madian ta keɗa va ta a tsakwal, a ta hi ta tèlèba, ha ndè Beth-Shitta, ha ndè Tserera, ha ndè a ma woyam te Abel-Mehola, a tsagi Tabbath.

Juges 8:12

a ta hur skwi ngiɗè ɓai, a nvenda ta gèɗ a ndohi var tengaʼa tèlèba. Zèbak a Tsalmunna ta hu ta, a ta hu a verzi tengaʼa a ta gs ta, Zèbak a Tsalmunna, bihi Madian cèw.

I Samuel 30:16

A nengaʼa a ndaʼa. Ndohi Amalek ta venda gèɗ ta a sam tèlèba. Ta ndau, ta sau, ta gau ngolala a skwi man ta hul a metsar te kokwar ndohi Philistie te kokwar Juda ba.