Esaie 9:12 - Ma Zhiklè

¹² Aman ndohi ta ngwoda ndav ta a sam Zhiklè man a mbazl ta ɓai, a ta hur ma Zhiklè bi mbiaʼa ɓai.

Esaie 9:12 ပူးပေါင်းရင်းမြစ်များ

II Rois 16:6

Te ndev nasa, Retsin, bi Syrie, a mva ta Elath a deɓa a ndohi Syrie, a ndzam ta ndohi Juda auda te Elath. A ndohi Syrie ta nza a pa, ha patsna.

II Chroniques 28:18

Ndohi Philistie ta zlèzlèmè te kokwar, a var, te Juda te dukwaɗ, a ta duma Beth-Shémesh, Ajalon, Guedéroth, Soco a kokwar man a tsagiaʼa; Thimna a kokwar man a tsagiaʼa; Guimzo a kokwar man a tsagiaʼa, a ta nza a pa.

Psaumes 79:7

Aman ta ndeda Jacob a ma, a ta duma gi nengaʼa.

Esaie 10:4

Ngidè a dè dangai, ngiɗè ta keɗaʼa. Ko ar haha, Zhiklè a gi ndav di genè, a ngeda ri na genè.

Esaie 11:14

Ta da kala ta va a za Philistie a ma iyam mbiaʼa, a ta humda va a ta da hil skwi ndohi kokwar man a verzi gai. Ta da cè kokwar Edom a Joab, a ndohi Ammon ta da gi ɓèl ta.

Esaie 31:1

Wobau a géɗ ndohi man ta dè hi a kokwar Egypte, a ta hèsh skwi ntakaha ta te pa. Ndohi man ta pi ndav a plèsh a kiki var, man ta zhè kumba, a ta pi ndav a ndohi plèsh, man ta zhè a vata, aman ta pa ndav a Zhiklè ɓai, a ta jhèɗè te ri nengaʼa azɓai.

Esaie 5:25

ndav a ndza na Ndo nzi pèc pècèk worworaʼa a gèɗ ndohi nengaʼa. A ngeda ri a géɗ tengaʼa, a mbazl ta. Za a gudzai. Nckondohi tengaʼa ta mana a civèɗ ara koskosai. A Ndo nzi pèc pècèk a gi ndav a géɗ ndohi na genè, a ngeda ri na dai.

Esaie 9:17

Aman malai a zlèzlèmè ara vogwa, a ndeda vatak a nkuɗdzari a ma, a nfa na vogwa a wof, a vodzok a ndüzhè dekdekaʼa.

Jérémie 10:25

Ga ta ndzoan ngaya a gèɗ a ndohi nte deɓa, man ta sen ka ɓai, a gèɗ verzi ndohai, man ta tsi ri a nzlembaɗ ngaya azɓai. Aman ta ndeda Jacob a ma, ta ndeda ma, ta ndevaʼa, a ta gedassa gi na.

Jérémie 15:7

I pav ta ndohi ara dau a ntamagi kokwar. I ge ta ndohi ga a delai. I zede ta, te man ta jè-keɗa civèɗ mali ta ɓai.

Jérémie 35:11

Aman Nebucadnetsar, bi Babylone, a mshkè a ngi var a kokwar, nga gaɗa: Vo-washkè, ngo-dokoya a kokwar Jérusalem, a géɗ ndohi var Chaldée a ndohi var Syrie. A nga nza a Jérusalem.

Jérémie 4:8

A géɗ nengaʼa, va-feda maslaka sam kuɗa a va, va-gu wobau, va-kudau! Ndo nzi pèc pècèk a gi ndav kumba a géɗ ndohi Israel, a nkeɗa gèɗè a hi ɓai.

Ezéchiel 16:27

Na haha i tara ka ri a dai, i cèma ka skwi ngaya. I va ka a ri ntétékè mayamhi ngaya, dalahi Philistie, man hori a keɗ ta a géɗ maya nshèffè ngaya man ambaɓi a vata.

Ezéchiel 6:14

I da tara ta ri a dai, i da ndeda kokwar tengaʼa a hèshèkèɗ, a tazli hèshèkèɗ, a ta da suna, iyè Ndo nzi pèc pècèk.

Osée 7:10

Nfi va ndohi Israel a nʼngwoda ta va a gèɗ, aman ko aranta ta menkada deɓa a sam Ndo nzi pèc pècèk, Zhiklè tengaʼa ɓai, ko aranta ta woya ɓai.

Amos 4:10

I pra kinè gidiɓèr a va, ara man i gu te kokwar Egypte, i bazl ta golahi kinè a tsakwal, a ta helda plèsh kinè a ma. A sam man kin ɓiceda pa, skwi man a zhkèha kinè dukedukeʼa. Ko ar haha kin menkada deɓa a sam ga ɓai, Ndo nzi pèc pècèk a gaɗa.

Amos 4:11

I zede kinè lèmèlèmè ara man Zhiklè a gu te Sodome a Gomorrhe, a kin nʼngaʼa a gada shègwa nlussoaʼa, man ta ckoɗauda te va vogwa. Ko ar haha kin menkada deɓa a sam ga ɓai, Ndo nzi pèc pècèk a gada.

Amos 4:6

Ko skwi zlèʼèn i va kinè ɓai te kokwar kinè tèlèba; movar a slra kinè ɓai a sam kinè tèlèba; aman kin menkada deɓa a sam ga ɓai, Ndo nzi pèc pècèk a gaɗa.

Amos 4:8

Kokwar cèw, makar, ta hu a kokwar ngidè staɗ, a ta da si iyam te pa. Aman iyam a ngeza ta ɓai; ko ar haha kin menkada deɓa a sam ga ɓai, Ndo nzi pèc pècèk a gaɗa.

Amos 4:9

I ga kinè matakwan a hüfa man a ndi dau, a cèɓè a bono ta gedasseda gi dau a gi lak kinè aussa, a wof kslor a wof tsna, dzarai a nʼndeda ma; ko ar haha kin menkada deɓa a sam ga ɓai, Ndo nzi pèc pècèk a gaɗa.

Sophonie 1:6

Ta tèlèba man ta ngwoda na deɓa a Ndo nzi pèc pècèk, a ta woy a ta tsi ri a nengaʼa ɓai.

Sophonie 3:2

A cinè ma ndo azɓai, a cè azɓai aman ta ngatsa na maya, a pa ndav a Ndo nzi pèc pècèk ɓai, a nherda na va a Zhiklè nengaʼa ɓai.

Deutéronome 31:17

A pats nasa i da gi ndav worworaʼa a géɗ tengaʼa. I da jèke ta, i da ngheda di ga a sam ta. Ta da gedas ta, ta kèlèhi a matakwan tsaɗ tsaɗ a ndev ɓai, ta lèyè, te deɓaʼa ta da gaɗa: Matakwan haha a ga nga, a géɗ man Zhiklè nga a te ndev nga ɓi Se?