Esaie 8:7 - Ma Zhiklè

⁷ na haha, Bi Zhiklè a baha na iyam woyam mbiaʼa, man a hi a wuɗai: bi Assyrie a nʼnjèl nengaʼa tèlèba, a nzede ta. Woyam mbiaʼa sa a dè auda a dzah, a tsagi woyam,

Esaie 8:7 ပူးပေါင်းရင်းမြစ်များ

Genèse 6:17

I woy a i chè iyam mbiaʼa a géɗ herkeda, a i zede skwi man a shèffè a géɗ herkeda, tʼhwaɗ giɗfèk tèlèba.

II Rois 19:32

Gar haha, Ndo nzi pèc pècèk a goɗ a géɗ bi Assyrie aranta: A da shkè a kokwar haha azbai, a da ɓèr sulom te pa azɓai, a gidè gambar te pa azɓai, ta ngèlè a pa a zlazlar azɓai.

Esdras 4:10

a njèkèɗi ndohi man Osnappar, bi mbiaʼa, mwuɗitpa, a nhel ta, a mpe ta a kokwar Samarie a kok war ngiɗè te wud woyam…

Psaumes 46:4

ko iyam a hubètè tskuɗuf-tkuɗufaʼa, a mbeɗda za a hai. Bi Zhiklè bi mbiaʼa a zhè a nda nga, Zhiklè Jacob, gi nga ndakmaʼa.

Psaumes 72:8

A da gi bai, a hinè te woyam mbiaʼa staɗ a ndè a woyam mbiaʼa ngiɗè, a hinè te woyam Euphrate, a ndè a verzi herkeda.

Esaie 10:16

Gar haha Bi Zhiklè bi mbiaʼa a ga na matakwan a va ndo, a sama na pombaz auda te va; nʼnjèl nengaʼa, a pa na vogwa a va, ara vogwa man a vècè.

Esaie 10:5

Wobau a géɗ ndohi Assyrie! I fu a gada mbèzl va ga, a mènèwèd man i ndèh ndohi a vna.

Esaie 11:15

Ndo nzi pèc pècèk a gidè ri nengaʼa a géɗ woyam mbiaʼa te Egypte, a ngworaʼa, kozlar nengaʼa wobkwobkaʼa a kezla te va tsaraɗ, a ndohi ta bizhè a pa a kotokoroh te sak.

Esaie 28:15

Kin gaɗa: ngaderzla ma a mʼmetsai, nga gaɗda ma a hai a sam mʼmetsai. Iyam man a hi tsuvoɗoh-tusvoɗohaʼa a ndikè nga a va azɓai. Sam man nga nghe-da va a hwaɗaʼa, ncèkèlma. Nʼngwèdè ndo, sam man nga ngheda va nga a diaʼa.

Esaie 28:17

Ma nzuraʼa, skwi man i livè a vna. Ngi-zuraʼa, skwi man i ɗèl gi a vna. Vandzal a da gédèshè sam nʼnghédè va te ncèkèlma aussa, a iyam a ceda sam kinè nlèaʼa a ma.

Esaie 28:2

Na haha gol Zhiklè a shkè, mbiaʼa, mwuɗitpa, a shkè ara vandzal a ndombozlor, ara iyam nchè-nchè mbiaʼa man a hèy va a hai, a ncurhaʼa, a ntsede ta hi a herkeda a wuɗai.

Esaie 43:2

Aman ka bizhè a va iyam, i zhè a sam ngaya. Aman ka bizhè a ndev woyam, iyam a mbizhèma ka a pa azɓai. Aman ka bizhè a ndev vogwa, a la-war ka azɓai, nèʼèn vogwa a nde ka ma azɓai.

Esaie 59:19

A ta da gi zlau nzlembaɗ Ndo nzi pèc pècèk, te civèɗ dukwaɗ, a ta da gi zlau nʼnjèl bi nengaʼa te civèɗ mvèng pats. Aman nengaʼa a shkè ara woyam nterzlaʼa, man nshèffè Ndo nzi pèc pècèk a hèdèʼa.

Esaie 7:17

Ndo nzi pèc pècèk a di a zlündkoɗi patshi man wuɗitpa a géɗ ngaya, a géɗ ndohi ngaya, a géɗ ndohi gi bab ngaya, ara man ta ngatsa ɓai, daga man Ephraim a Juda ta kezla gèɗ.

Esaie 7:20

A pats nasa Ndo nzi pèc pècèk a da shèma ta gwots auda te gèɗ, a sak, a bozozom, a pidök man a ndzhoüo a slembelom te wud woyam Euphrate.

Jérémie 47:2

Ndo nzi pèc pècèk a goɗ ar haha: Na haha iyam a slèmbèdè te man a géɗèʼa, a gi a woyam mbiaʼa, man a hi auda a dzah, a zeda kokwar a skwi man nʼndha te pa tèlèba, kokwar a ndohi te pa. Ndohi ta kuɗai, ta gudzai, tèlèba man ta nza te kokwar.

Jérémie 51:42

Iyam mbiaʼa a nzeda Babylone, a nzeda gèɗ Babylone a pa.

Ezéchiel 26:19

Gar haha Bi Zhiklè a gaɗa: Aman i da gedassa kokwar ngaya, lèmèlèmè ara kokwar man ndo a nzi a pa azɓai. Aman i kalde ka a va iyam, a woyam mbiaʼa, a i zede ka a pa.

Daniel 11:10

Wudahi nengaʼa ta da til ma var, a ta ɓic ta ndohi var kumba. Ngidè staɗ a da shkè a hi ara woyam man a hi auda a dzah, a tawaɗaha, a minè a deɓa. Ta gi var a ta shkè, ha ndè a ma gi bai.

Daniel 11:22

Ndohi var a kerzh ta aussa, a ntseda nderzlè-ma a hai.

Daniel 9:26

Te deɓ luma 62, ndo man ta bada na mbar a gèɗ ta zeda ambalai, ta ga kita a géɗèʼa ɓai. A kokwar, a sam nkezlaʼa, ndohi bi ngiɗè ta shkè, a ta gedassaʼa. Te deɓaʼa, ndikè-ma skwi a shkè a nda gedassa skwi tèlèba; a var a zhè pèc pècèk, ha nʼndikè-maʼa.

Amos 8:8

Herkeda a da gudzi a géɗ nengaʼa azɓi âè? Ndohi herkeda tèlèba ta da kuɗi a géɗ nengaʼa azɓi ɗè? Herkeda tèlèba a slèmbèâè ara woyam Nil, a grè a grè, te deɓaʼa a da shèha va na ara woyam Egypte.

Amos 9:5

Bi Zhiklè Ndo nzi pèc pècèk, Zhiklè bi mbiaʼa, a lama na herkeda, a herkeda a gudzai, a ndohi a géɗ herkeda tèlèba ta kuɗai. Nengaʼa ara woyam Nil, man a grè a grè, te deɓaʼa a shèha va na ara woyam Egypte.

Michée 1:9

Aman mblè Samarie a kala a sam mʼmetsai, ha ndè Juda, ha ndè a ntamagi ndohi ga te Jérusalem.

Michée 5:4

Nasa gumai. Aman ndohi Assyrie ta da shkè a kokwar nga, aman ta mbècè sak a herkeda nga, nga Zlatseda ta ndohi mɓer skwi tsaraɗ a wud bihi tsamakaɗ a ma.

Michée 5:5

Ta da bazl ta ndohi Assyrie a tsakwal, a ndohi kokwar Nimrod a kafahi gwèsh. Ta da mbel nga te ri ndohi Assyrie, aman ta shkè a kokwar nga, a ta mbècè sak a kuma herkeda nga.

Nahum 1:8

a mbel ta aman iyam nʼndha te woyam, a hi auda a dzah. A zeda ndohi man ta zlatsa na a gèɗ, a paraha ta mayamhi na te ruva.

Luke 6:48

Nengaʼa lèmèlèmè ara ndo man a rèm gai, a ri vèvèɗ, a pi verzi gi nengaʼa a géɗ pra. A iyam mbiaʼa a hai, a tsi gai, a slaha man a mbeɗè azɓai, te man verzi nengaʼa nra amba.

Apocalypse 17:15

A nengaʼa a ngaɗayè: Iyam man ka rkaʼa, a sam man ngwoz mphömè a nza a pa, nara ndohi herkeda, nhèyè ndohi herkeda, a ndohi verzi tsaɗ tsaɗ, a ndohi man daʼai ta tsaɗ tsaɗ.