Esaie 8:19 - Ma Zhiklè

¹⁹ Aman ta gaɗa kinè: Vo-goɗ vrai, vo-do a gi ngwozla man a gèɗ ma numnumaʼa a ngél kwa! — kin gada ta: Ndohi kokwar ta jhèɗè a sam Zhiklè nengaʼa ka ɓi ɗè? A ndohi man ta zhè a nshèffè ta jhèɗè ndohi mʼmetsa ʼa ɗè?

Esaie 8:19 ပူးပေါင်းရင်းမြစ်များ

Genèse 41:24

a shèkètèr dau ta ndeda gèɗ dau 7 mbelaʼa a ma. I ngra ta ndohi maya arsa, aman ta slaha ta ngray verziaʼa ɓai, ko staɗ.

II Rois 1:3

Gol Ndo nzi pèc pècèk a ngaɗa na Elie, ndo Thishbé: Slambaɗa, a ko do a kin zli gèɗ a ɓèlèlihi bi Samarie, a ka da gaɗa ta: Zhiklè a te Israel bi dè, a kin dè a kin jhèɗè Baal-Zebub, zhiklè Ekron, èhèmè?

II Rois 21:6

A nzlündo kra nengaʼa a vogwa, a ɗèl skwi te bantihai, a pi kilèa, a ngu vrai, a pi kwa, a ngu skwi man ambaha Ndo nzi pèc pècèk bi kumba kumba, a mpoko na gèɗ ndav auda a vna.

II Rois 23:24

A ndohi vrai, a ndohi mpi kwa, a Theraphimhai, a skwi mʼmbèh skwi ambaɓihiaʼa, a skwi hori tèlèba man a zhè te kokwar Juda, te Jérusalem tèlèba, Josias a nzeda, a njèjèr ma kita man a Windo te ɗèlèwèr man Hilkija, ndo mvi skwi a Zhiklè, a nʼngots te gi Zhiklè.

I Chroniques 10:13

Aranta Saul a mʼmets na, a gèɗ mali nengaʼa man a gau a sam Ndo nzi pèc pècèk, a gèɗ man a ndzodzor ma Ndo nzi pèc pècèk ɓai, a gèɗ man a ndzhoɗo vrai, a mʼmboh skwai.

II Chroniques 33:6

A mbezde ta wudahi nengaʼa a ndev vogwa te slrats Ben-Himmon, a mpu kwa, a mʼmboh skwi a zhüzhokihai, a mʼmboh skwai, a ngu vrai, a tèwèlè gèɗ, a ngau skwi kumba, man ambaha Ndo nzi pèc pècèk ɓai, a mpoko na gèɗ ndav auda vna.

Psaumes 106:28

Te deɓaʼa ta gso va a Baal-Peor, ta ndau vrai,

Esaie 19:3

A i dzakaɓama ta mèzhèɓ te ndav ta, a maya te gèɗ, a ta dè a ta mbèh skwi te gi ngwozla, a ta gèɗ vrai, a ta pi kwa.

Esaie 26:14

Ndohi mʼmetsaʼa ta ngècè nshèffè te deɓaʼa asaɓai. Mèzhèɓ man pats a geda a herkeda, a slèmbèɗè azɓai, a géɗ nengaʼa ka ga ta ndzoan, ka ga ta matakwan, ka gedas ta, ko ndo staɗ a hér ta te deɓaʼa asaɓai.

Esaie 29:4

Te deɓaʼa ka da gèɗè tʼhai tʼherkeda, a ma ngaya a tsenkaɗauda te ndev hutsoɗ. Daʼai ngaya a cinè ara daʼai mèzhèɓ skwai te vèvèɗ, a ma ngaya a tsenkaɗauda te va mberfenèk ara daʼai mbatsa.

Esaie 30:2

Ta dè a kokwar Egypte, a ta dzhaɗa a sam ga ɓai, a ta woya a ta nzi tʼhwaɗ ri Pharaon, a ta hèsh mèzhèɓ Egypte, a ta nzi a verziaʼa ara mèzhèɓ wof.

Esaie 45:11

Ndo nzi pèc pècèk, Zhiklè Israel nkezlaʼa, nengaʼa man a nge ka, a gaɗa: Kin woy a kin dzhaɗyè a géɗ wudahi ga, a géɗ skwi man ri ga a ngau, a kin woy a kin fay ma a géɗ ɗè?

Esaie 47:12

Washkè a mpi kwa ngaya, a mʼmbèh skwi ngaya tèlèba, man ka gu wuɗi a géɗèʼa te gol ngaya. Gar ta slaha a ta takaha ka, gar ta slaha a ta va ka wuɗai.

Esaie 47:13

Ka ge matakwan a va ngaya a sam ndohi nʼngatsa ka maya – sèi ta shkè! Ndohi man ta ngela giɗfèk, tengaʼa man ta ɗèlè te bantai, ta hér skwi te mvèng kia te mvèng kia, da takaha ka a ta ngra ka skwi man a da ga ka.

Jérémie 10:10

Aman Ndo nzi pèc pècèk, nengaʼa Zhiklè nzuraʼa, Zhiklè man a zhè a nshèffè, bi a mèdèp. Te ri ndzoan nengaʼa herkeda a gudzai, ndohi herkeda ta slaha ta dishè ndzoan nengaʼa ɓai.

Jérémie 27:9

Aman kinè, kin tsun ma ndohi nhadka ma kinè ɓai, ma ndohi mpi kwa kinè, ndohi maya kinè, ndohi kilèa, ndohi mʼmbèh skwai, man ta gaɗa kinè: kin da gi ɓèl bi Babylone asaɓai.

Lèv. 19:31

Kin gu vri bai, kin pu kwa bai, kin tsasl ta bai, kin lizhè va a sam ta bai! Iyè Ndo nzi pèc pècèk, Zhiklè kinè.

Lèv. 20:6

Aman ndo ngiɗè a gi vrai, a pi kwa, a jèjèr ma tengaʼa, i da ngwoda na gèɗ a va, a i zedkoɗauda te va ndohi na.

Michée 5:12

I da cko mblom auda a sam ngaya, a zhiklèhi mbèh skwai, a ka da tsi ri a skwi man ri ngaya a ngau asaɓai.

Actes 16:16

Aman ngo do a sam ntsi rai, nga zlü gèɗ a ngwoz, ɓèl ngiɗè, mèzhèɓ ambaɓiaʼa man a hodko ma, a ga na. A nhelka ta Suli gani a babgihi na kumba, a gèɗ nhèdè ma nengaʼa.

Deutéronome 18:10

Ndo man a bezda kra na a dem na a vogwa;

Deutéronome 18:11

ndo mpi kwa; ndo kilèa; ndo nɗèl bantai; ndo mʼmbèh skwai; ndo vrai; midè; da ngots a sam ngaya ɓai!

1 Thessalonians 1:9

Ko wawa ngreda a géɗ nga a ri na, ara man nga ngots civèɗ a sam kinè, ara man kin menkaɗa deɓa a sam Zhiklè, te ri vrihai, a kin gi mizlinè Zhiklè nzuraʼa, man a zhè a nshèffè,

2 Peter 2:1

Ndohi nhadka ma ncèkèlma ta zhè halaʼa te va ndohai. Lèmèlèmè ara man a sam kinè ba ndohi njèngè ncèkèlma a di ta da shkè. Ta da ndèvèɗ ma tsaɗ tsaɗ. Ta woy a ta gedas kinè. Ta cèkèlma a géɗ Bai Yèsu, man a sumka ta a deɓa, a ta hurdkoɗi kita ngedas ta, tsam tsam, a ri ta.

I Samuel 28:11

A ngwoz a ndzhoɗo: I baha na zlembaɗ ndo mʼmetsaʼa wa? A nengaʼa a ngaɗa na: Baha na Samuel!

I Samuel 28:16

Samuel a ngaɗa: Aman Ndo nzi pèc pècèk a njèke ka ma, a kin gi mayam a vna ma, ka jhèdyè èhèmè?

I Samuel 28:7

Saul a ngaɗa ta ndohi mizlinè nengaʼa: Va-woykay ngwoz man a pi kwa, a i dè a sam na, a i jhèɗèʼa. Ndohi mizlinè nengaʼa ta gaɗa na: Ngwoz a zhè man a sun mpi kwa, te kokwar En-Dor.

I Samuel 28:8

A Saul a nʼngwode va na, a mfeda maslaka ngiɗè a va, a to do a ndohi mizlinè nengaʼa cèw, a ta shkè a sam ngwoz a vaɗ. Saul a ngaɗa: Pay kwa, ngrayè, baha naʼmèzhèɓ ndo man i ngra ka.