Esaie 8:13 - Ma Zhiklè

¹³ Zhiklè bi mbiaʼa, nengaʼa man kin gaɗa, nkezla, sèi kin gi zlau nengaʼa, sèi kin gudzi a géɗ nengaʼa!

Esaie 8:13 ပူးပေါင်းရင်းမြစ်များ

Genèse 31:53

Bi Zhiklè Abraham, Zhiklè Nachor, da ga nga kita nga! A Jacob a mʼmbaɗa a sam di Zhiklè man Isaac, bab na, a gi zlauaʼa.

Psaumes 76:7

Zhiklè Jacob, ko plèsh, ko ndo man a deɓ plèsh, ndzoan ngaya a tèwèlèma ta gèɗ.

Exode 20:20

A Moise a ngaɗa ta ndohai: Kin gu zlau bai, aman Zhiklè a shkè, aman a njkede kinè genè, a zlau Zhiklè a nʼnzi a ndav kinè, a kin da gi mali asaɓai.

Esaie 29:23

Aman ta da rka skwi man ri ga a ngau, ta da kezla nzlembaɗ ga; ta da suna, Zhiklè Jacob nkezlaʼa, a ta gi zlau Zhiklè Israel.

Esaie 5:16

Zhiklè bi mbiaʼa a da tsoko gèɗ na auda a mbiaʼa te kita, Zhiklè nkezlaʼa a da ngredè va na auda a ngi-zuraʼa, i kezla a vava.

Ezéchiel 38:16

a ka da shkè, a ka da gi var a Israel, ndohi ga, ara dzarai, syem pats. A pats ndikè-ma skwai i da zlinde ka a géɗ ndohi ga, a ndohi herkeda ta da senyè, aman i da ngrédè va ga auda a sam di ta a nda ka, iyè, i Zhiklè nkezlaʼa.

Lèv. 10:3

A Moise a ngaɗa na Aaron: Nasa man Ndo nzi pèc pècèk a goɗa: A sam tengaʼa man ta herdekay va, i ngreda ta va ga auda, i Zhiklè nkezlaʼa. A sam di ndohi tèlèba i nzala va ga. A Aaron a mʼmbeɗa na a ma bai.

Lèv. 22:32

A kin derɗa nzlembaɗ ga nkezlaʼa bai, a ndohi Israel ta rkayè ara Zhiklè nkezlaʼa. Iyè Ndo nzi pèc pècèk man i ga kinè a ndohi nkezlaʼa,

Mal. 2:5

Nderzlè-ma nga aranta: Iyè, i va na nshèffè a skwi mʼmbel ndo; a nengaʼa a manda gèɗ a hai a slébèrdè nzlembaɗ ga.

Nombres 27:14

A géɗ man kin gu mèdègèɗ, a kin fu gèɗ a ma ga bai tʼhèshèkèd Tsin, man mpi ndohai ta gu ndzoan, aman i woy a kin nzalyè a sam di ta, a iyam a hakaɗauda. Nasa iyam Meriba, te Kades, tʼhèshèkèɗ Tsin.

Matthew 10:28

Kin gu zlau tengaʼa man ta keɗa va kinè ɓai; aman ta slaha ta zede nshèffè kinè azɓai. Aman va-gu zlau nengaʼa nshèlèkuraʼa, man a slaha a ngé-dèshè nshèffè a va kinè cèw ba a sam vogwa kita.

Luke 12:5

Aman i woya man i ngra kinè nengaʼa man sèi kin gi zlauaʼa: va-gu zlau nengaʼa, man te deɓ man a keɗe kinè, a slaha man a kalda kinè a vogwa kita. Halau, i gaɗa kinè, va-gu zlau nengaʼa!

Romans 4:20

A mpa gèɗ cèw ɓai, a nco ma mpèsl ri Zhiklè a ndav, a nʼngots wuɗai te ncè-a-ndav, a nslubordo Zhiklè,

Deutéronome 14:23

A ka ndau skwi staɗ te va kula te dau a barassa ngaya a sam Ndo nzi pèc pècèk, Zhiklè ngaya, a sam man a ngotskoɗauda, a nzlembaɗ na da nza a pa. Lèmèlèmè tsuvom zlè ngaya, a tambak ngaya; a ka slebi ngi zlau Ndo nzi pèc pècèk, Zhiklè ngaya, pèc pècèk.

Apocalypse 15:4

Ndo man a gi zlau ngaya azɓi wa, Bi Zhiklè. Ndo man a slébèrdè nzlembaɗ ngaya azɓi wa? Aman ka staɗ, ka kezla! A vava ndohi herkeda tèlèba ta da shkè, a ta tsi ri a sam ngaya, aman kita ngaya nzuraʼa nʼngreda auda ma.

I Samuel 11:7

A mhul zlèhi cèw, a nzlaha a ntsakaʼa, a nzlinda ta difi ngiɗè, difi ngiɗè, a ri ndohi sak a sam Israel tèlèba, a ngaɗa ta: Ndo man a dè var azɓai, a verzi Saul a Samuel, ta da kezli zlèhi nengaʼa arsa. A zlau Ndo nzi pèc pècèk a ndza ta ndohai, a to do var a ta humda va staɗ.