Esaie 7:14 - Ma Zhiklè

¹⁴ Gar haha Bi Zhiklè a da ngreda kinè skwi a ri na: Na haha, bidalai a da gi a hwaɗ, a da yi kra nguraʼa, a da va na nzlembaɗ na Emmanuel.

Esaie 7:14 ပူးပေါင်းရင်းမြစ်များ

Genèse 16:11

A gol Ndo nzi pèc pècèk a ngaɗa na a vaʼa: Na haha, ka a hwaɗ, ka da yi kra nguraʼa, sèi ka baha na Ismael. Aman Ndo nzi pèc pècèk a ntsenaʼa, ara man ka sau matakwan.

Genèse 29:32

Léa a ngu a hwaɗ, a nyu kra nguraʼa, a mbaha na Ruben. A ngaɗa: Ndo nzi pèc pècèk a nrka matakwan ga. Antanta baki ga a da woy iyè a ndav na.

Genèse 3:15

I woya a i pa kinè gèɗ a va a ngwoz ara ndohi mayamhai; a wud ngaya a wuda nengaʼa ba. Nengaʼa a da batsama ka gèd, a ka, ka da je ndudok sak nengaʼa.

Genèse 30:6

Rachel a ngaɗa: Bi Zhiklè a ngay skwi nzuraʼa, a ntsena ma ga, a mvay kra nguraʼa. A mbaha na Dan.

Genèse 30:8

Rachel a ngaɗa: Nga bozl va a nzlembaɗ Bi Zhiklè a demam ga, a i ga a ngulaʼa. A mbaha na Naphthali.

Genèse 4:25

Adam a mʼmana a ngwoz na zaʼa, a myu kra nguraʼa, a mbaha na Seth: Bi Zhiklè a mvay kra ngiɗè te di man a Abel, man Cain a keɗaʼa, ar na.

I Rois 13:3

A pats nasa a nrka nrkedai, a nhodko ma: Na haha skwi malwuɗi Ndo nzi pèc pècèk, man a ngra kinè, a goɗ arsa a vava. Sam mʼmbèh skwi a da wurzl na, a mèr-wèc man a géɗèʼa a da bedèkwè na.

Psaumes 46:8

Bi Zhiklè bi mbiaʼa a zhè a nda nga, Zhiklè Jacob, gi nga ndakmaʼa.

Esaie 38:7

Na haha skwi man Ndo nzi pèc pècèk a ngre-da ka, a ka suna, ma man a ngoda, a da gi arsa.

Esaie 8:10

Va-herda ma a hai — a di a gédèsh na. Va-basla gèɗ kinè — a da gi arsa azɓai, te man Zhiklè a zhè a nda nga.

Esaie 8:8

a hi a kokwar Juda, a zede herkeda, a ndohi te pa, ta daʼai, a wuzhè gèɗ na a géɗ herkeda ngaya tèlèba, Emmanuel ga!

Esaie 9:6

Kokwar-bi nengaʼa a da gi a mbiaʼa, a gumi a sam nʼnzi bi David, gumi te kokwar-bi nengaʼa tèlèba, a zhè a mèdèp; aman nengaʼa a da tilèʼa, a va na wuɗai te kita, te ngi-zuraʼa, a hinè antanta, a ndè a ma ma a mèdèp. Srak Zhiklè bi mbiaʼa a da gi arsa.

Jérémie 23:6

A pats man a da gi bai, Juda a mbel na, Israel a nzi a gumai. Ta da baha na a nzlembaɗ: Ndo nzi pèc pècèk, ngi-zura nga.

Jérémie 31:22

Ka woy a ka shèwèlè a vara ta ahngwa, dem man a zlak na? Ndo nzi pèc pècèk a til skwi mɓuaʼa Tʼherkeda, ngwoz a woy a ta nzi a baki na.

Jérémie 44:29

Na haha skwi man i ngreda kinè, Ndo nzi pèc pècèk a gaɗa: i da ga kinè kita a sam haha, a kin da shinèʼa, ma ga a vava a géɗ kinè, nrufaʼa a matakwan.

Michée 5:2

A géɗ nasa Zhiklè a jèka ta a pa, ha tiɗè sam man ngwoz a da yi kra, a yaka kra ma, a njèkèɗi kramamhi na ta menkaɗa deɓa a sam ndohi Israel.

Matthew 1:23

Na haha bidali a ngècè kra, a da yi kra nguraʼa a ta da va na nzlembaɗ nengaʼa Emmanuel, ara ngèdè: Zhiklè a nda nga.

Luke 1:31

Na haha, ka da gi a hwaɗ, ka da yi kra nguraʼa, a ka da baha na Yèsu.

Luke 1:35

A gol Zhiklè a mʼmbeɗa na a ma: Mèzhèɓ Zhiklè nkezlaʼa a di a shkè a géɗ ngaya, a wuɗi Zhiklè te géɗèʼa a da nzi a géɗ ngaya. Gar haha kra man ka da yiaʼa, nkezlaʼa, ta da baha na kra Zhiklè.

Luke 2:12

Va-suna te skwi malwuɗi haha: Kin ngècè kra, mpaɗaʼa a bomtèrè, mʼmana tʼhai te torok.

Luke 20:44

Aman David a ri na a baha na Bai, kos verzi na èhèmè?

Jean 1:14

A ma Zhiklè a nʼnde na a ndo, a nʼnza a sam nga, a nga rka nʼnjèl nengaʼa. Nʼnjèlè Bab Zhiklè, man a mva na kra nengaʼa staɗgenè, nʼndha a pombai a ma nzuraʼa.

Romans 9:5

Bababhi nte verzi tengaʼa. Te tengaʼa Kristi a nshkè, man a gu ara ndo; nengaʼa man a zhè a géɗ skwi tèlèba; nslébèrdè a Zhiklè a mèdèp. Amen.

1 Timothy 3:16

Skwi man nʼngheda a civèɗ Zhiklè, skwi mbiaʼa a vava: Zhiklè a ngudko va a dai ara ndo, a nʼngreda auda zuraʼa te Mèzhèɓ Zhiklè, a ngudoko ta va a dai a golahi Zhiklè. Ta njo nengaʼa a sam ndohi herkeda, a ndohi herkeda ta co a ndav, a Zhiklè a ndaʼa a sam nʼnjèl nengaʼa.

Juges 6:36

Te deɓaʼa Gédéon a ngaɗa na Bi Zhiklè: Aman ka woya a i mbel ta ndohi Israel, ara man ka pasla nga rai,

I Samuel 1:20

A Anne a ngu a hwaɗ tʼhwaɗ vi sa, a myu kra nguraʼa, a mbaha na Samuel, a ngaɗa: I dzhoɗo te ri Ndo nzi pèc pècèk.

I Samuel 4:21

a mbaha na kra I-Kabod, a ngaɗa: Nʼnjèl Israel asaɓai! A goɗ a géɗ man ta ceda koti nderzlè-ma a ma klèng, a géɗ babaki nengaʼa, a géɗ baki nengaʼa.