Esaie 66:3 - Ma Zhiklè

³ Ndo man a keɗa zlè, lèmèlèmè ara ndo man a keɗa ndo. Ndo man a zli tambak, a ngelama na gèɗ a kda, lèmèlèmè ara ndo man a vi pombaz wodala a Zhiklè. Ndo man a fi vogwa a ɓurdi a ndara na vrai, lèmèlèmè ara man tá wuffè a gèɗ civèɗ tengaʼa, a skwi tengaʼa ambaɓiaʼa ambaha ta te ndav.

Esaie 66:3 ပူးပေါင်းရင်းမြစ်များ

Proverbes 15:8

Skwi man ndohi ambaɓihiaʼa ta va na Zhiklè, a ndara na; aman ntsi ri ndohi nzuraʼa ambaha.

Proverbes 21:27

Skwi man ndo ambaɓiaʼa a vi a Zhiklè, a derde Zhiklè a vna, holholaʼa nengaʼa man a va na, a woya a ngwèdèʼa.

Esaie 44:19

Ndohi ta hérè te gèɗ azɓai, ta ngècè maya te gèɗ a ta gèɗè azɓai: rèta i va-tsa vogwa a vna, a i pin zluèɗ a vna, a i ndau; a i da gi a njèkèɗiaʼa skwi horai, a i kèlèhi a deɓ sak godozlom wof ɗè?

Esaie 53:6

Nga tèlèba nga zlak nga, ara tambakihai, nga tèlèba, ngiɗè a civèɗ na, ngiɗè a civèɗ na, a Ndo nzi pèc pècèk a mʼmanda mali nga tèlèba a gèɗ nengaʼa.

Esaie 57:17

I gu ndav a gèɗ shèwa tengaʼa. I tsau, ndav a ndzayè, i ngheda va ga. Aman tengaʼa ta tsena gèɗ ɓai, to do a civèɗ ara man ndav tengaʼa a woyaʼa.

Esaie 65:12

i woya a i zlinda kinè tsakwal, a kin tè-lèba kin güɓdè deɓ a hai a sam man ta bazl kinè a pa. Aman i boho, kin mbeɗay a pa ɓai; aman i godo, kin tsena ɓai; aman kin gau skwi man ambaɓai a sam ga, a skwi man i woya ɓai kin woya holholaʼa.

Esaie 65:2

I tila ri ga pèc pècèk a sam ndohi man ta woya ɓai, ta tsena gèɗ ɓai, man ta a civèɗ ambaɓiaʼa, ara man ndav tengaʼa a woyaʼa.

Esaie 66:17

Tengaʼa man ta kezla ndav ta, a ta pana ndav ta, te gi lak, a ta dè a gi lak a verzi ndo staɗ te ndevaʼa, man ta ndi zluèd wodala a skwi man nlizhèa ara koʼom, ta da ndev ta a sam staɗ, Ndo nzi pèc pècèk a gaɗa.

Jérémie 6:20

Skwi man ta ndarayè, aman a zhkè ara burdi te Saba, te kokwar dra, i gia kè? Skwi man kin ndarayè, ambahay ɓai; a skwi man kin zlayè, i wuffè a géɗèʼa azɓai.

Lèv. 2:2

Da hulkoɗi a sam wudahi Aaron, ndohi mvi skwi a Zhiklè. Ndo mvi skwi a Zhiklè da hul gufa, zlukri staɗ, a mbar, a burdi, tèlèba, da fa na vogwa a skwi man a va na Zhiklè, a sam mvi skwi a Zhiklè. Nasa skwi man a va na Ndo nzi pèc pècèk te vogwa, ambaha.

Aggée 2:14

A Aggée a ngaɗa: Lèmèlèmè ndohi haha, lèmèlèmè ndohi kokwar haha a sam ga, Ndo nzi pèc pècèk a gaɗa. Skwi man ta gi a ri ten-gaʼa tèlèba, a skwi man ta va na Zhiklè, skwi nlizhèʼa.

Deutéronome 14:8

Wodala: kotèkwèr nengaʼa mbazla ma ba, mbazla tèlèba, aman a zhèm skwi azɓai. Nengaʼa skwi nlizhèa a sam kinè. Kin ndau zluèɗ nengaʼa ɓai, kin lama na nckondo nengaʼa ɓai!

Deutéronome 23:18

Suli fali dam, Suli ndo mphomaʼa ka ckoɗa gi Ndo nzi pèc pècèk, Zhiklè ngaya, ɓai, a géɗ ma mèmè man ta gadda hai. Aman cèw ba skwi man a ndara na Ndo nzi pèc pècèk, Zhiklè ngaya.

Juges 10:14

Vo-do, a kin kuɗau a sam zhiklèhi man kin ngotso a ri kinè. Tengaʼa da mbel kinè a pats matakwan kinè!

Juges 21:25

Te ndev nasa bi Israel azɓai. Ndo staɗ staɗ tèlèba a gu ara man ndav na a woyaʼa.

Juges 5:8

Ta dzodzor zhi klèhi ngiɗè mɓuaʼa: ndohi var Zhiklè ta nza; a sam ndohi Israel 40.000 ko gambar a tsakwal a te ri ta ɓai.