Esaie 66:23 - Ma Zhiklè

²³ A mvèng ki ngiɗè, a mvèng ki ngiɗè, a pats nshèk va ngiɗè, a pats nshèk va ngiɗè, ndohi tèlèba ta shkè a ta tsi rai a sam ga, Ndo nzi pèc pècèk a gaɗa.

Esaie 66:23 ပူးပေါင်းရင်းမြစ်များ

II Rois 4:23

A nengaʼa a ngaɗa: Ka woy a ka dè a sam nengaʼa a patsna èhèmè? Ki nʼndev di ɓai, pats nshèk va ka ɓai. Aman ngwoz a ngaɗa: Amba genè!

Psaumes 22:28

Ndohi tʼherkeda tèlèba ta da her Ndo nzi pèc pècèk, a ta menkaɗa deɓa a sam na, a verzi ndohi herkeda tèlèba ta da kèlèhi a deɓ sak nengaʼa.

Psaumes 65:2

Bi Zhiklè, sèi ka, nga shid gèɗ a ka te Sion; a ndohi man ta gaɗda ma a hai, sèi ta gi ara man ta gaɗdahi a sam ngaya.

Psaumes 65:3

Ka cè ntsi rai. Ndohi tèlèba ta dè a sam ngaya.

Psaumes 86:9

Ndohi herkeda tèlèba man ka ge ta, ta da shkè a ta da kèlèhi a deɓ sak ngaya a ta slébèrdè nzlembaɗ ngaya, bai, Zhiklè.

Esaie 19:21

Ndo nzi pèc pècèk a gi a ndohi Egypte ta shi-nèʼa. A pats nasa ndohi Egypte ta da sun Zhiklè. Ta da slébèrdèʼa a skwi man ta zla na, a skwi man ta va na, a ta da gaɗda ma a hi a sam na, a ta gi arsa.

Esaie 19:23

A pats nasa, civèɗ te kokwar Egypte ndè a kokwar Assyrie mʼmbazla. Ndo Assyrie a dè a kokwar Egypte, a ndo Egypte a dè a kokwar Assyrie, a ndohi Egypte ta da slébèrdè Ndo nzi pèc pècèk a nda ndohi Assyrie.

Esaie 2:2

A pats man a di a shkè, a da gi arsa: Za man gi Ndo nzi pèc pècèk te pa, a da nzi a gèd zahi tèlèba, a da tsoko gèɗ auda a sam zahi tèlèba. Ndohi tʼherkeda tèlèba ta da hi a pa,

Esaie 27:13

A pats nasa ta da tsi tolom mbiaʼa, a ndohi man ta zlak ta te kokwar Assyrie, man ta dzam ta a kokwar Egypte, ta da shkè a deɓa a ngwai, a ta kèlèhi a deɓ sak Ndo nzi pèc pècèk, a géɗ za nkezlaʼa te Jérusalem.

Esaie 49:7

Ndo nzi pèc pècèk, man a mbel Israel, Zhiklè Israel nkezlaʼa, a ngaɗa na ɓèl ndohi shèwa, man ndohi ta kwolaʼa, man a mpra ta zlau a va a ndohi herkeda: Bihi mbibihiaʼa ta da rkaʼa, a ta slambaɗa; bihi nkèshèʼa ta da gurɓèhai a sam Ndo nzi pèc pècèk man nlèɓèslèʼa, a sam Zhiklè Israel nkezlaʼa, man a nʼngatska ka auda.

Ezéchiel 20:40

Aman a géɗ za ga nkezlaʼa, a géɗ za Israel mbiaʼa, ndohi Israel tèlèba ta da gi mizlinè ga, Bi Zhiklè a gaɗa. Te pa i woy a i ce kinè a i jhèɗè skwi man kin ckoɗauda a kin vayè, tsuvom skwai a skwi kinè nkezlaʼa tèlèba.

Ezéchiel 45:17

A kra bai da vau skwi man a ndara na Zhiklè, movar a skwi nsai, a pats ngolala, mvangkaɗ kia, a pats nshèk va, a pats ngolala ndohi Israel tèlèba. Da vau skwi a géɗ malai, movar, skwi man a ndara na Zhiklè, skwi nshid gèɗ, skwi mpil gèɗ ndohi Israel.

Ezéchiel 46:1

Bi Zhiklè a goɗ ar haha: Ntamagi sam nʼngalaʼa tʼhwaɗaʼa te man a civèɗ mvèng pats, ta winè azɓai, te va man ta gi mizlinè mʼmèn 6; aman a pats nshèk va, pats mvangkaɗ kia, ta winèʼa.

Ezéchiel 46:6

A mvangkaɗ kia da zlau kra marai, nsuɗekɗekaʼa, a wud tambakihi 6, a drok staɗ, tengaʼa ba nsuɗekɗekaʼa.

Zacharie 14:14

Juda ba a da gi var a Jérusalem. A ndohi herkeda tèlèba ta ɓickoɗi skwi mèshèlè a tsagai, guro a verzhègenè a maslaka kumba kumba.

Zacharie 14:16

Njèkèɗi ndohi herkeda tèlèba man ta gu var a Jérusalem, a mvi a mvai ta da shkè, aman ta tsi ri a Bi Zhiklè, Zhiklè bi mbiaʼa, a ta gi ngolala te godzovok.

Zacharie 14:18

Aman ndohi te verzi Egypte ta dè a pa azɓai, a ta shkè azɓai, matakwan man Ndo nzi pèc pècèk a ga ta ndohi herkeda man ta dè a pa azɓai, a ngi ngolala te godzovok, a ga ta lèmèlèmè arsa.

Zacharie 14:19

Nasa matakwan man a da ga ta ndohi Egypte, man ta dè a ta gi ngolala te godzovok azɓai, lèmèlèmè ara ndzoan a géɗ ndohi herkeda tèlèba.

Mal. 1:11

A hünkoɗi a sam man pats a vangka te pa, a ndè a sam man pats a kèlè a pa, nzlembaɗ ga mbiaʼa a sam ndohi herkeda. A sam tèlèba ta ndarayè skwi shèɗèɗèʼa a nzlembaɗ ga. Aman nzlembaɗ ga mbiaʼa a sam ndohi herkeda, Zhiklè bi mbiaʼa a gaɗa.

Jean 4:23

Aman patsaʼa a shkè, ani a zhè ma, aman ndohi man ta tsi ri Zhiklè zuraʼa, ta tsi ri a Bab Zhiklè te Mèzhèɓ Zhiklè, a nzuraʼa. Aman Bab ga a woya a ta tsi ri arsa.

Apocalypse 15:4

Ndo man a gi zlau ngaya azɓi wa, Bi Zhiklè. Ndo man a slébèrdè nzlembaɗ ngaya azɓi wa? Aman ka staɗ, ka kezla! A vava ndohi herkeda tèlèba ta da shkè, a ta tsi ri a sam ngaya, aman kita ngaya nzuraʼa nʼngreda auda ma.