Esaie 66:18 - Ma Zhiklè

¹⁸ I sun skwi man ta giaʼa, a skwi man ta hérèʼa. A i shkè, aman i ɓic ta ndohi herkeda a daʼai tsaɗ tsaɗ tèlèba, a ta shkè, a ta rka nʼnjèl ga.

Esaie 66:18 ပူးပေါင်းရင်းမြစ်များ

Job 42:2

Antanta i sun ma, ka slaha skwi tèlèba. Ko skwi staɗ man ka huro, a ka giaʼa, a fen ka azɓai.

Psaumes 139:2

Ko i nza tʼhai, ka suna. Ko i slèmbèɗè, ka suna. Ko dra, ka sun skwi man i hérèʼa.

Psaumes 67:2

Bi Zhiklè, nga da se ka te va, da pshè nga ma, di nengaʼa da hela ngá sam dzayaʼa!

Psaumes 72:11

Bihi kokwar tèlèba sèi ta gurɓahai a sam nengaʼa, ndohi herkeda tèlèba sèi ta gi mizlinè nengaʼa.

Psaumes 72:17

Nzlembaɗ nengaʼa da nzau a mèdèp, da gra a mbiaʼa a ma ma, ara pats man a zi auda a giɗfèk azɓai. Verzi ndohi herkeda tèlèba, da pshè ta ma ndohi kokwar a nzlembaɗ nengaʼa. Ndohi kokwar tèlèba, do slubordo nengaʼa!

Psaumes 82:8

Bi Zhiklè, slambaɗa, gu kita herkeda! Aman ndohi herkeda tèlèba, ta a ngaya.

Psaumes 86:9

Ndohi herkeda tèlèba man ka ge ta, ta da shkè a ta da kèlèhi a deɓ sak ngaya a ta slébèrdè nzlembaɗ ngaya, bai, Zhiklè.

Psaumes 94:11

Ndo nzi pèc pècèk a sun skwi man ndo a hérèʼa, a suna, nara kozlar genè.

Psaumes 97:6

Giɗfèk a njè ngi-zura nengaʼa, a ndohi herkeda tèlèba ta rka nʼnjèl nengaʼa.

Esaie 11:9

A géɗ za ga nkezláʼa tèlèba ta da gi skwi ambaɓiaʼa a skwi mphomaʼa azɓai. Aman herkeda tèlèba a sun Ndo nzi pèc pècèk, nʼndha a vna ara iyam man a hi a sam tèlèba.

Esaie 2:2

A pats man a di a shkè, a da gi arsa: Za man gi Ndo nzi pèc pècèk te pa, a da nzi a gèd zahi tèlèba, a da tsoko gèɗ auda a sam zahi tèlèba. Ndohi tʼherkeda tèlèba ta da hi a pa,

Esaie 37:28

i suna aman ka nza tʼhai, i suna aman ka dè, i suna aman ka shkè, i suna aman ka gi ndzoan.

Esaie 40:5

Aranta nʼnjèl Zhiklè a gudko va a dai, a ndohi tèlèba ta rkaʼa. Ma Ndo nzi pèc pècèk a ngoɗa.

Esaie 45:22

Vo-ngwodko ndav a sam ga, aman i mbel kinè, kinè te verzi herkeda tèlèba. Aman Zhiklè, iyè, ngiɗè azɓai.

Esaie 52:10

Ndo nzi pèc pècèk a ngreda wuɗi nengaʼa nkezlaʼa auda, a gi nrkedi a ri nengaʼa nkezlaʼa, a sam di ndohi herkeda tèlèba; a ndohi te verzi herkeda tèlèba ta rka skwi mʼmbel ndo Zhiklè nga.

Esaie 55:8

Skwi man i hérèʼa, az lèmèlèmè ara man kin hérè te ndav kinè ɓai. Civèɗ kinè az lèmèlèmè ara civèɗ ga ɓai, Ndo nzi pèc pècèk a gada.

Esaie 56:8

Bi Zhiklè man a ɓic ta ndohi Israel man ta venda gèɗ ta, a goɗ arsa: I da ɓic ta ndohi ngiɗè a vaʼa, a va ndohi mɓicaʼa.

Esaie 57:12

I woya a i ngredè ngi-zura ngaya a mizlinè ngaya auda. Mʼmbèh skwi ngaya a takaha ka azɓai.

Esaie 59:7

Sak tengaʼa ta hi a sam ambaɓiaʼa, ta vèshè va a nkédè ndo. Skwi man ta hérèʼa, skwi malai. A sam man ta bizhè a pa, ta jèkeda gi mʼmbeɗa, a dikai, a pa.

Esaie 65:2

I tila ri ga pèc pècèk a sam ndohi man ta woya ɓai, ta tsena gèɗ ɓai, man ta a civèɗ ambaɓiaʼa, ara man ndav tengaʼa a woyaʼa.

Esaie 66:10

Va-wuffa a nda kokwar Jérusalem, va-slu dimèsh a géɗ nengaʼa, kin tèlèba man kin woyaʼaa ndav kinè. Va-wuffa a nda nengaʼa, kin tèlèba man kin lèyèʼa.

Jérémie 16:17

Aman i pi di a civèd tengaʼa tèlèba, ta slaha ta ngheda va a sam di ga bai, mali tengaʼa a nghédè a sam di ga azɓai.

Jérémie 3:17

A pats nasa, ta da baha na Jérusalem ‘sam nʼnzi bi Ndo nzi pèc pècèk’. Kokwar bihi tèlèba ta dè a ta ɓica va a pa, a Jérusalem, a sam nzlembaɗ Ndo nzi pèc pècèk, a ta jèjèr ndav tengaʼa man nsassaya asaɓai.

Ezéchiel 38:10

Gar haha Bi Zhiklè a gaɗa: A pats nasa skwi ngiɗè a da haka ka a gèɗ, a ka da hér skwi ambaɓiaʼa te ndav ngaya.

Ezéchiel 39:21

A i da ngrédè nʼnjèl ga auda te ndev ndohi herkeda, a ndohi herkeda tèlèba ta da rka kita ga man i gau, a ri ga man i lama ta a vna.

Joel 3:2

a i da ɓic ta ndohi herkeda tèlèba zaʼa, a i de ta a dal Josaphat. Te pa i da ga ta kita a géɗ ndohi Israel, ndohi ga, a géɗ man ta ksar ta a va ndohi herkeda, a ta kezla kokwar a va ta.

Amos 5:12

Aman i suna, mali kinè a zhè mbiaʼa, a kin gu skwi man ambaɓi kumba. Kin gi shèwa a ndo nzuraʼa, kin co skwi man ta ruɓ kinè a vna, kin ngwoda ta kita a gèɗ a ndohi ntawassaʼa.

Zacharie 14:16

Njèkèɗi ndohi herkeda tèlèba man ta gu var a Jérusalem, a mvi a mvai ta da shkè, aman ta tsi ri a Bi Zhiklè, Zhiklè bi mbiaʼa, a ta gi ngolala te godzovok.

Mal. 1:11

A hünkoɗi a sam man pats a vangka te pa, a ndè a sam man pats a kèlè a pa, nzlembaɗ ga mbiaʼa a sam ndohi herkeda. A sam tèlèba ta ndarayè skwi shèɗèɗèʼa a nzlembaɗ ga. Aman nzlembaɗ ga mbiaʼa a sam ndohi herkeda, Zhiklè bi mbiaʼa a gaɗa.

Matthew 12:25

Aman Yèsu a sun skwi man ta hur te ndav ta, a ngaɗa ta: Kokwar-bi man nkezla te va, a gédèsh na. Te kokwar-bi staɗ staɗ tèlèba, te gi staɗ staɗ tèlèba, man gèɗ ndohi nkezla, ta nzi azɓai.

Matthew 9:4

Aman Yèsu a sun skwi man ta huro, a ngaɗa ta: Kin hur skwi ambaɓi ar haha èhèmè?

Luke 5:22

Aman Yèsu a sun skwi man ta huro, a mʼmbeɗa ta a ma: Kin hér mè?

Jean 17:24

Bab ga, i woya aman tengaʼa man ka pokoyè, ta zhè a sam ga, a ta rka nʼnjèl ga man ka vokoyè, a géɗ man ka woy iyè a ndav ngaya, aman herkeda nʼnga di ɓai.

Jean 5:42

Aman i sen kinè, mwoy-ndo Zhiklè a te ndav kinè ɓai.

Romans 16:26

nʼngreda auda a ɗèlèwèr ndohi nhadka ma antanta. Bi Zhiklè man a nzi a mèdèp a goɗ aman ta senda ta ndohi nte deɓa, aman ta cè a ndav a ta fi gèɗèʼa.

1 Corinthians 3:20

A vaʼa: Zhiklè a sun skwi man ndohi maya ta hérèʼa, a suna, skwi ambalai.

Deutéronome 31:21

Te deɓaʼa matakwan tsaɗ tsaɗ kumba, a nlèyè, a da gs ta, a dimèsh haha man a pca ta a gèɗ azɓai, a gi a skwi malwuɗi a sam ndohi haha. I sun skwi man ta hérè te ndav ta a vava, antanta langa, ga i de ta a kokwar man i mbaɗa a i da va ta.

Hébreux 4:12

Aman ma Zhiklè a zhè, a nshèffè, a wuɗai, ntasla wètwètèʼa, a fena kafahi man a zli skwi te tsagi cèw, a dè a pa, ha a kezla mèzhèɓ a ndav, kala nguzgoz ba. Nengaʼa a wuzhè skwi man ndo a hérè te gèɗ, a skwi man ndo a woya te ndav.

Apocalypse 11:15

A gol Zhiklè matsaraɗaʼa a ntsu tolom: a ngèɗè mbiaʼa a ntsenka te zhiklè, man a gaɗa: Ta va na kokwar-bihi herkeda a ri a Bi Zhiklè, a Kristi nengaʼa. Nengaʼa a gi Bai a ma ma a mèdèp.

Apocalypse 2:13

I sun sam nʼnzi ngaya, sam nʼnzi bi Sadan a pa. Aman ka gshè va a iyè genè, ka tsakal ma a géɗ ncè-a-ndav ɓai, ko pats man ta keɗa Antipas, ndo malwuɗi ga nzuraʼa a sam kinè, a sam man Sadan a nzi a pa.

Apocalypse 2:2

I sun skwi man ka giaʼa, a skwi man ka va na va ma, a nzhèr skwi a di ngaya, ara man ka cè ta ndohi ambaɓihiaʼa azɓai, a ka jkede ta ndohi man ta gaɗa: nga ndohi sak, a ka ngats ta te ncèkèlma, ta ndohi sak ka ɓai.

Apocalypse 2:9

I sun matakwan ngaya a ntèwèshè ngaya; aman ka ndo mèshèlè genè. I sun ndohi man ta derɗe ka, man ta gaɗa, nga ndohi Juif, aman ta ndohi Juif ka ɓai, ta ndohi gi njèngè ma Sadan.