Esaie 66:16 - Ma Zhiklè

¹⁶ Ndo nzi pèc pècèk a gi kita a sam ndohi haha tèlèba a vogwa, a tsakwal te rai, a ndohi man Zhiklè a bazl ta ta gi a vata.

Esaie 66:16 ပူးပေါင်းရင်းမြစ်များ

Esaie 10:4

Ngidè a dè dangai, ngiɗè ta keɗaʼa. Ko ar haha, Zhiklè a gi ndav di genè, a ngeda ri na genè.

Esaie 27:1

A pats nasa Ndo nzi pèc pècèk a dè a kéɗè léviathan, zhüzhok man a mwuc na; léviathan, zhüzhok nluwaɗ-luwaɗaʼa; a kéɗèʼa a tsakwal nengaʼa mwuɗitpa, mbiaʼa, nshfaʼa, a keɗa skwi nara kedam te woyam mbiaʼa.

Esaie 3:13

Ndo nzi pèc pècèk a nslambaɗa a ngi kita, a zlècè aman a mbèzlè kita ndohi na.

Esaie 30:30

Zhiklè a bèhè ara ntsi iyam mbiaʼa, a geda ri na a tsiaʼa, a ndav mbiaʼa a nèʼèn vogwa man a ndi skwai, a ndombozlor a iyam mbiaʼa a vandzal.

Esaie 31:8

A ndohi Assyrie ta da bazl ta a tsakwal, tsakwal a bazl ta te ri ndo ka ɓai; tsakwal a da ndev ta, tsakwal a gèɗ na, a ri ndo ka ɓai. A ta hi ta auda a sam tsakwal, a ndohi var tengaʼa ta ndi a ɓèlè.

Esaie 34:2

Ndo nzi pèc pècèk a gi ndav a géɗ ndohi herkeda tèlèba. Ndav a dza na a géɗ ndohi var tengaʼa tèlèba. A mpe ta a ri a ngédèshè, a sam man ta zlama ta daʼai.

Esaie 65:12

i woya a i zlinda kinè tsakwal, a kin tè-lèba kin güɓdè deɓ a hai a sam man ta bazl kinè a pa. Aman i boho, kin mbeɗay a pa ɓai; aman i godo, kin tsena ɓai; aman kin gau skwi man ambaɓai a sam ga, a skwi man i woya ɓai kin woya holholaʼa.

Jérémie 25:31

Wobau kala a verzi herkeɗa ma: Ndo nzi pèc pècèk a gi kita a ndohi herkeda ma, a hin kita a géɗ ndohi tèlèba. Ndohi ambaɓihiaʼa, a pe ta a ma tsakwal, Ndo nzi pèc pècèk a goɗ ar haha.

Jérémie 25:33

Ndo nzi pèc pècèk a da bazl ta ndohai a pats nasa, a hinè te verzi herkeda ngiɗè, a ndè a verzi herkeda ngiɗè. Ta kuɗi a géɗ tengaʼa azɓai, ta hel ta azɓai, ta re ta a vèvèɗ azɓai, ta da gi a ndaderɗa herkeda.

Jérémie 45:5

A ka, ka jhèdè skwi mbiaʼa a géɗ va ngaya dè? Ka dzhoɗo ɓai! Aman na haha i da gedassa ndohi tèlèba, Ndo nzi pèc pècèk a gaɗa. Aman ka, ka da mbél ngaya a sam tèlèba man ka dè a pa.

Jérémie 46:15

Apis a mhu na èhèmè? Zhiklè ngaya, nara marai, a nsala va ɓi èhèmè? A gèɗ man Ndo nzi pèc pècèk a mwushede ta hai,

Ezéchiel 28:18

A géɗ mali ngaya mbiaʼa, a géɗ man ka gu ri te ganai, ka derɗa sam ngaya nkezlaʼa. A i vatsa vogwa a sam ngaya, a nde ka a ma, a ka ndi a mèrwèc a géɗ herkeda, a sam di ndohi tèlèba man ta pa ka dai.

Ezéchiel 38:17

Gar haha Bi Zhiklè a gaɗa: Ka man i goɗ a géɗ ngaya halaʼa te ma ɓèlèlihi ga, ndohi nhadka ma Israel, man ta hodko ma te va nasa pèc pècèk, a ta gaɗa: Zhiklè nda baha ka a sam tengaʼa wa?

Ezéchiel 5:15

Ndohi nte deɓa man ta zhè a tsagi ngaya ta da dérdèʼa, ta ngwossaha, ta ngècè maya te pa, ta rzl ta, aman i da gi kita, a ndzoan, a ndav.

Joel 3:2

a i da ɓic ta ndohi herkeda tèlèba zaʼa, a i de ta a dal Josaphat. Te pa i da ga ta kita a géɗ ndohi Israel, ndohi ga, a géɗ man ta ksar ta a va ndohi herkeda, a ta kezla kokwar a va ta.

Amos 7:4

Bi Zhiklè Ndo nzi pèc pècèk a ngrayè: Na haha Bi Zhiklè Ndo nzi pèc pècèk a nzlündo vogwa a ngi kita a vna. A vogwa a nʼndara herkeda, kala vèvèɗ, te deɓaʼa a nʼndeda gi dau a ma.

Nahum 3:15

Te pa vogwa a da nde ka a ma, tsakwal a da keɗa ka, ko ka kumba ara hoyok, ko a vata ara dzarai,

Nahum 3:3

Ndohi a deɓ plèsh ta gujö-koda va, tsakwal a gwèsh ta si dai, aman ta gidèʼa. Ndohi man mblè a va kumbá, ndohi mbazlaʼa a vata, a nckondohai ta ndev ɓai. A slafaɗama ta sak a ndohai.

Zacharie 14:5

Va-hu a slrats za, aman slrats za a ndikè a Atsel. A kin hi kinè ara man kin hau, aman herkeda a ngudzau, te va man bi Ozias, bi Juda. Ndo nzi pèc pècèk, Zhiklè ga, a di a shkè a nda ndohi nengaʼa nkezla tèlèba.