Esaie 66:15 - Ma Zhiklè

¹⁵ Na haha, Ndo nzi pèc pècèk a di a shkè te va vogwa, a ndzoan nengaʼa ara nèʼèn vogwa.

Esaie 66:15 ပူးပေါင်းရင်းမြစ်များ

Psaumes 11:6

A zlindkodi vogwa a skwi nvècè vog-wa a gèɗ ndohi ambaɓihiaʼa; nasa matakwan man a ga ta.

Psaumes 18:9

Vodzok a mshkè auda tʼhtsan nengaʼa, a vogwa man a ndi skwai ngatngataʼa te ma nengaʼa, a vogwa a mwurtskaɗauda te pa.

Psaumes 21:9

Ri ngaya da par ta mayamhi ngaya tèlèba. Ri mandi ngaya da par ta tèlèba man ta ga ka shèwa!

Psaumes 50:3

Zhiklè nga a shkè, a nzi tètè azɓai, vogwa man a ndi skwai a dè a ma nengaʼa, ndombozlor a beza a tsagi nengaʼa.

Psaumes 68:17

Kin zahai, kinè a gèɗ tsultsultsulaʼa, kin gi srak a géɗ za man Bi Zhiklè a woyaʼa a sam nʼnzi na, man Bi Zhiklè a da nzi a pa a mèdèp, èhèmè?

Psaumes 97:3

Vogwa a dè a ma na, a ndeda mayamhi a tsagi nengaʼa a ma.

Esaie 10:17

Skwi nhél sam Israel a ndi a vogwa, Zhiklè nengaʼa nkezlaʼa a ndi a nèʼèn vogwa. Nengaʼa a da vècè, a ndi vatak a nkuddzari a pats staɗ.

Esaie 26:11

Ndo nzi pèc pècèk, wuɗi ri ngaya a zhè, aman ta rka ɓai. Sèi ta da rka pats ngiɗè, a ta ngècè hori a dai. Srak a géɗ ndohi ngaya, a vogwa a géɗ mayamhi ngaya, sèi da nde ta a ma.

Esaie 30:30

Zhiklè a bèhè ara ntsi iyam mbiaʼa, a geda ri na a tsiaʼa, a ndav mbiaʼa a nèʼèn vogwa man a ndi skwai, a ndombozlor a iyam mbiaʼa a vandzal.

Esaie 30:33

Ta laɓa vogwa klèng ma, ta ngela a ta ɓica shègwa kumba, a vogwa a gi a vata. Aman Ndo nzi pèc pècèk a ftèʼa, a vècè vogwa a zlèzlèmèʼa.

Esaie 31:9

Za nengaʼa a wérzl na te ri zlau, a ngul ndohai ta hi ta a ta jèkeda gambar a pa. Ndo nzi pèc pècèk, man vogwa nengaʼa a zhè te Sion, rèwèc nengaʼa a zhè te Jérusalem, a goɗ aranta.

Esaie 5:25

ndav a ndza na Ndo nzi pèc pècèk worworaʼa a gèɗ ndohi nengaʼa. A ngeda ri a géɗ tengaʼa, a mbazl ta. Za a gudzai. Nckondohi tengaʼa ta mana a civèɗ ara koskosai. A Ndo nzi pèc pècèk a gi ndav a géɗ ndohi na genè, a ngeda ri na dai.

Esaie 5:28

Sulom tengaʼa ntasla, ncwèr lèkèɗ tengaʼa mʼmana, kotèkwèr plèsh tengaʼa nara kwa, sak kiki var tengaʼa ta hai ara ko-zlar.

Esaie 51:20

Wudahi ngaya ta zurdo dai a der kokwar, wuɗi ta azɓai, ara skwi te ɓalai. Ndzoan Ndo nzi pèc pècèk a nge-dassama ta may a te gèɗ, man Zhiklè ngaya a nguv ta.

Jérémie 25:37

Gi man gumi te pa te va nasa, ngedas na a géɗ ndzoan Ndo nzi pèc pècèk mbiaʼa.

Jérémie 4:13

Na haha ndo a slambaɗkaɗa ara vanai, kiki nengaʼa, ara kozlar, plèshi nengaʼa ta hai ta fena vezai. Woba nga, nga za!

Jérémie 4:3

Aman Ndo nzi pèc pècèk a goɗ ar haha a sam ndohi Juda a ndohi Jérusalem: Vangul gi dau mɓuaʼa, kin zlekeda skwi a hwaɗ vatak ɓai!

Jérémie 46:15

Apis a mhu na èhèmè? Zhiklè ngaya, nara marai, a nsala va ɓi èhèmè? A gèɗ man Ndo nzi pèc pècèk a mwushede ta hai,

Ezéchiel 38:17

Gar haha Bi Zhiklè a gaɗa: Ka man i goɗ a géɗ ngaya halaʼa te ma ɓèlèlihi ga, ndohi nhadka ma Israel, man ta hodko ma te va nasa pèc pècèk, a ta gaɗa: Zhiklè nda baha ka a sam tengaʼa wa?

Ezéchiel 5:15

Ndohi nte deɓa man ta zhè a tsagi ngaya ta da dérdèʼa, ta ngwossaha, ta ngècè maya te pa, ta rzl ta, aman i da gi kita, a ndzoan, a ndav.

Daniel 11:40

A pats nʼndikèma skwai, bi te civèɗ kozlar iyam ta da zli gèɗ a bi te civèɗ kozlar mazlam, a ta da gi var. A bi te civèɗ kozlar mazlam a da kala na va a kiki var a ndohi plèsh a wuromhai, a kala na va a kokwar, a ndumaʼa, a zumda ta gèɗ.

Daniel 7:10

Nèʼèn vogwa a nhakaɗauda te pa, ndohi gozhèm gozhèm kumba ta gi mizlinè nengaʼa. Ndohi gozhèm gozhèm gozhèm a vaʼa man ta zlècè a sam na. A ta ga kita, a ta winè ɗèlèwèr.

Osée 8:7

Skwi man ta gau, ara man ta zleki kozlar, ta da ɓicè ndombozlor. Dau a dè auda, a nde na shèkètèr, matakaʼa ko tsera a pa staɗ staɗ, ndohi ngidè ta da ndeda ma.

Amos 7:4

Bi Zhiklè Ndo nzi pèc pècèk a ngrayè: Na haha Bi Zhiklè Ndo nzi pèc pècèk a nzlündo vogwa a ngi kita a vna. A vogwa a nʼndara herkeda, kala vèvèɗ, te deɓaʼa a nʼndeda gi dau a ma.

Nahum 1:6

Nslaha a nzlècè a sam ndzoan nengaʼa wa? Nslaha a nʼnzi a sam ndav nengaʼa man a gi worworaʼa wa? Wuɗi ndzoan nengaʼa a zlèzlèmè ara vogwa, ko zahi ta wurzl ta a sam na.

Habakuk 3:8

Ndo nzi pèc pècèk a gi ndav a géɗ woyam ɗè? A gi ndzoan a géɗ iyam mbiaʼa ɗè? Aman ka hi a deɓ plèsh ngaya, a géɗ kiki nʼngul ndo ɗè?

Zacharie 6:1

A i ceda gèɗ a zhiklè zaʼa, a i pu dai: i rka kiki faɗ, ta shkè auda te ndev zahi cèw: Za züdo.

Matthew 22:7

A bai a ngu ndav, a nzlinde ta sojèhi nengaʼa, a ta bazl ta ndohi nkeɗe ndo matsa, a ta fa na vogwa a kokwar tengaʼa.

Deutéronome 28:20

Ndo nzi pèc pècèk a phomde ka, a va ka skwi mwuɗitpa, ta guv ka te ndev skwi tèlèba man ka giaʼa, ha ka gedessa, ha ka za a vava, a géɗ skwi man ambaɓai man ka gau, a ka jèkyè.

2 Peter 3:7

Lèmèlèmè giɗfèk a herkeda, man ta zhè antanta, ma Zhiklè a mpe ta hai, a ta zhèr vogwa a nda ndohi man ta woy civèɗ Zhiklè ɓai, a ta da gé-dèsh ta a pats kita.