Esaie 66:10 - Ma Zhiklè

¹⁰ Va-wuffa a nda kokwar Jérusalem, va-slu dimèsh a géɗ nengaʼa, kin tèlèba man kin woyaʼaa ndav kinè. Va-wuffa a nda nengaʼa, kin tèlèba man kin lèyèʼa.

Esaie 66:10 ပူးပေါင်းရင်းမြစ်များ

Psaumes 122:6

Vo-dzhoɗo gumai a géɗ Jérusalem! Ndohi man ta woy ka, da nza tètèʼa.

Psaumes 137:6

Aman i hér ka azɓai, aihan i da wuffe a géɗ Jérusalem a fena a géɗ skwi ngiɗè azɓai, nèʼèn ga da tkots na a ngerɗak.

Psaumes 26:8

Ndo nzi pèc pècèk, gi man ka nzi a pa, ambahayè, sam man nʼnjèl ngaya a zhè a pa.

Esaie 25:9

A pats nasa ta da gèɗèʼa: Na haha Zhiklè nga, man nga pu ndav a vna, man a mbel nga. Nasa Zhiklè mao nga pu ndav a vna! Ngo-wuffokoya, ngo-gokoy langlangaʼa, a géɗ man a mbel nga.

Esaie 35:2

Da dzuv skwai, da wuffa, da wuffa, da shüd gèɗ te pa a yata! Zhiklè a da va na nʼnjèl Liban, mbambi Carmel a mbambi Saron. Ta da rka nʼnjèl Ndo nzi pèc pècèk, nʼnjèl Zhiklè nga mbikaɓai.

Esaie 44:23

Kinè gidfèkihai, va-gu langlangaʼa; aman Ndo nzi pèc pè-cèk a ngau. Kinè herkeda tʼhwaɗaʼa, va-wuffa! Kinè zahai, a wof nhayaʼa, a wofhi ngaya tèlèba, va-hazlawa a mwuffè! Aman Ndo nzi pèc pècèk a sumka Jacob a deɓa, a ngreda nʼnjèl na auda a sam Israel.

Esaie 51:3

Aman Sion a si Ndo nzi pèc pècèk te va, a gi man mʼmbeɗ na te pa a sia te va; a nʼngwoda tazli hèshèkèɗ nengaʼa a gi lak Eden, a dak nengaʼa a gi lak Ndo nzi pèc pècèk. Ta wuffè a ta wèl va te pa, ta sli dimèsh a ta shid gèɗ.

Esaie 65:18

Aman i gi a kin wuffè a gèɗ skwi man i giaʼa a mèdèp. Na haha, i gi Jérusalem a skwi nslebardaʼa; a i gi ndohi na a skwi mwuffè.

Esaie 9:3

Wof nkelawa te daʼai tengaʼa, gada a deɗ tengaʼa, gada sojè te ri ndo ndzam ta, ka paslaʼa ara man a pats Madian.

Ezéchiel 9:4

A ngaɗa na: Do a ndev kokwar, a ka beza a ndev kokwar Jérusalem, a ka windeda lamba wof ngézlèlè a medi ndohi man ta ɗish va a ta ngèy va, a géɗ skwi hori tèlèba man ndohi ta gu te kokwar.

Deutéronome 32:43

Kinè ndohi nte deɓa, vo-slubordo ndohi na; aman nengaʼa a jhèdè aman ndohi nʼnga na matakwan ta pil gèɗ a géɗ Pombaz ɓèlèlihi na, a tila ta kokwar na a ndohi na.