Esaie 66:1 - Ma Zhiklè

¹ Ndo nzi pèc pècèk a gada: Gidfèk sam nʼnzi bi ga, a herkeda skwi nfi sak ga. Gi mè, man kin woy a kin gayè? Sama tema, man i nzi a pa?

Esaie 66:1 ပူးပေါင်းရင်းမြစ်များ

I Rois 8:27

Aman a vava Zhiklè a da nzi a sam ndohi tʼherkeda dè? Ko sam te giɗfèkihai, kala a géɗèʼa, a slra ka ɓai, azɓa gi man nga rama ka haha dè?

I Chroniques 28:2

Te deɓaʼa, bi David a nzlatsa te ndev nhèyè ndo, a ngaɗa: Va-tsena ma ga, kramamhi ga, ndohi ga! I hur i gaɗa i da rèm gi nshèk va a koti nderzlè-ma Ndo nzi pèc pècèk, sam nfi sak a Zhiklè nga. I tilda skwi a hi kumba a géɗ gi sa.

II Chroniques 2:5

Gi man i woya a i rèmèʼa, sèi gi mbiaʼa. Zhiklè nga mbiaʼa, a fena zhiklèhi ngiɗè tèlèba.

II Chroniques 6:18

Aman a vava Zhiklè a da nzi a sam ndohi tʼherkeda dè? Ko sam te giɗfèk, kala a géɗèʼa, a slra ka ɓai, azɓa gi man nga rama ka haha dè?

Psaumes 11:4

Ndo nzi pèc pècèk a zhè te gi bi nengaʼa nkezlaʼa. Sam nʼnzi bi Ndo nzi pèc pècèk a zhè te zhiklè. A paka di a hai a géɗ herkeda, a ngél dai a géɗ ndohi tʼherkeda.

Psaumes 132:7

Ngo-dokoya a sam gi nengaʼa, nga da kèlèhi a sam skwi nfi sak nengaʼa!

Psaumes 99:9

Va-nzala Ndo nzi pèc pècèk, Zhiklè nga, va-kalahai a deɓ sak nengaʼa a sam za nengaʼa nkezlaʼa! Aman Ndo nzi pèc pècèk, Zhiklè nga, nengaʼa nkezlaʼa.

Esaie 57:15

Nengaʼa man mbiaʼa man a nzi te géɗèʼa, man a nzi a géɗ sam nʼnzi ɓai a mèdèp, nzlembaɗ nengaʼa nkezlaʼa, a goɗ ara haha: I nzi a géɗ sam nʼnzi ɓai te géɗèʼa, i nkezlaʼa. I zhè a sam ndohi man ta manda gèɗ a hai, a ndav ta a mbeɗè. I menda na ndav a pa a ndo man a manda gèɗ a hai; a i slambaɗda na gèɗ a ndo man ndav na a mbedè.

Esaie 60:13

Ka da ngècè nʼnjèl Liban a sam ngaya: wof ɗawai, tsna, ɗozok, a ta til sam ga nkezlaʼa a vna, a i slébèrdè sam man sak ga a mbècè a pa.

Jérémie 23:24

Aman ndo ngiɗè a ngheda va, i rka bi dè? I ndha giɗfèk a herkeda ka ɓi dè, Ndo nzi pèc pècèk a gaɗa.

Mal. 1:11

A hünkoɗi a sam man pats a vangka te pa, a ndè a sam man pats a kèlè a pa, nzlembaɗ ga mbiaʼa a sam ndohi herkeda. A sam tèlèba ta ndarayè skwi shèɗèɗèʼa a nzlembaɗ ga. Aman nzlembaɗ ga mbiaʼa a sam ndohi herkeda, Zhiklè bi mbiaʼa a gaɗa.

Matthew 12:6

Aman i gaɗa kinè: Na haha skwi a zhè man a fena gi Zhiklè.

Matthew 24:2

A Yèsu a ngaɗa ta: Kin rka skwi haha tèlèba ka ɓi ɗè? A vava i gaɗa kinè: Ko kwa staɗ a da nzi a géɗ ngiɗè azɓai, ta da mbeɗ ta tèlèba.

Actes 17:24

Bi Zhiklè man a gu herkeda a skwi tèlèba te pa, nengaʼa Bi giɗfèk a herkeda, a nzi te gi mʼmbèh skwi azɓai, man ri ndo a ngau.