Esaie 65:8 - Ma Zhiklè

⁸ Ndo nzi pèc pècèk a goɗ ar haha: Aman ta ngècè nyi barassa iyamaʼa, a ta gaɗa: Ka gedassa ɓai, skwi mbelaʼa te pa! I woya a i gi lèmèlèmè a géɗ ɓèlèlihi ga, a i da gedassa tèlè ɓai.

Esaie 65:8 ပူးပေါင်းရင်းမြစ်များ

Genèse 18:26

A Ndo nzi pèc pècèk a ngaɗa na: Aman i ngots ndohi nzuraʼa 50 te Sodome, kokwar mbiaʼa, i woy a i pra ta mali tengaʼa, a gèɗ ndohi nzuraʼa 50 sa.

Esaie 1:9

Aman agassa Zhiklè bi mbiaʼa a njèkaha nga kèshkata ɓai, ar nga lèmèlèmè ara Sodome, ara Gomorrhe.

Esaie 10:21

Njèkèɗi ndohi kètè, ndohi gi Jacob, ta da menkaɗa deɓa a sam Zhiklè wuɗai.

Esaie 10:22

Israel, ko ndohi ngaya ta mènè a vata, ara wyak a ma woyam, njèkè kèshkata genè ta da menkaɗa deɓa. Zhiklè a mba-sla gèɗ a woy a ngedas ta. Nasa kita nzuraʼa.

Esaie 48:9

A géɗ nzlembaɗ ga, i keɗda gèɗ ndzoan ga a hai, a géɗ nʼnjèl ga i ɓer ka, i zede ka ɓai.

Esaie 6:13

Te skwi kula, njèkè skwi staɗ te pa ɗè? Aman te skwi kula skwi staɗ njèkaha, a di a gédèshè zaʼa, lèmèlèmè ara wof man tajèkeda go-doraʼa a pa, lèmèlèmè ara wof lakalak man ta ngelaʼa a ta jèkeda godozlomaʼa a pa. Godozlom nengaʼa, tser ndohi nkezlaʼa.

Jérémie 30:11

Aman i zhè a nda ka, aman i mbel ka, Ndo nzi pèc pècèk a gaɗa. Aman i da zede ta ndohi herkeda tèlèba, a sam man i ksar kinè a pa. Sèi ka, i da zede ka azɓai; aman i da slebda ka maya te kita, i slaha a i jè-kaha kita ngaya azɓai.

Joel 2:14

Nsun wa? Wa ngiɗè ba a hèrè te deɓaʼa, a jekeda ngi ndzoan, a pshè kinè ma a movar a skwi nsai man a Ndo nzi pèc pècèk, Zhiklè kinè.

Matthew 24:22

Aman Zhiklè nda takossa patshi sa ɓai, ar ndo a mbélè azɓai. Aman a géɗ ndohi man Zhiklè a mpar ta, a da tokossa patshi sa.

Marc 13:20

Aman Zhikiè a ntakossa patshi sa ɓai, ar ndo a mbélè azɓai. Aman a géɗ ndohi man Zhiklè a mpar ta, a ntakossa patshi sa.