Esaie 65:18 - Ma Zhiklè

¹⁸ Aman i gi a kin wuffè a gèɗ skwi man i giaʼa a mèdèp. Na haha, i gi Jérusalem a skwi nslebardaʼa; a i gi ndohi na a skwi mwuffè.

Esaie 65:18 ပူးပေါင်းရင်းမြစ်များ

II Chroniques 6:41

Anai Ndo nzi pèc pècèk, Zhiklè, slambaɗa, washkè a sam nshèk va ngaya, kinè a koti bi ngaya. Ndohi mvi skwi a ka, Ndo nzi pèc pècèk Zhiklè, da feda skwi mʼmbel ndo a va ara maslaka, a ndohi ngaya man ka woy ta ta wuffè a géɗ manam.

Esaie 12:1

A pats nasa ka da gada: Ndo nzi pèc pècèk, i shida ka gèɗ! Ka gu ndav a géɗ ga, te deɓaʼa ka jèkeda ngi ndav, a ka bidyè.

Esaie 12:2

Na haha Zhiklè man a mbelyè. I pi ndav ga a nengaʼa, i hér gèɗ zlau asaɓai. Ndo nzi pèc pècèk, nengaʼa wuɗi ga, a dimèsh ga! Nengaʼa nʼngaʼa a skwi mbelyè.

Esaie 25:9

A pats nasa ta da gèɗèʼa: Na haha Zhiklè nga, man nga pu ndav a vna, man a mbel nga. Nasa Zhiklè mao nga pu ndav a vna! Ngo-wuffokoya, ngo-gokoy langlangaʼa, a géɗ man a mbel nga.

Esaie 35:10

a ndohi man Zhiklè a mpreka ta auda, ta menkaɗa deɓa a ngwi a Sion. Ta hèzlèwè, a mwuffè a hela ta te di dzayaʼa, man a ndiv azɓi a mèdèp. Mwuffè a pombai a feda ta ma; matakwan a nlèyè ta kal ta.

Esaie 41:16

Ka da pèvaʼa, a kozlar a hil lokotoraʼa, a ndombozlor a ksar-daussa. Aman ka, ka da wuffè a gèɗ Ndo nzi pèc pècèk, ka da njèl Zhiklè Israel nkezlaʼa.

Esaie 44:23

Kinè gidfèkihai, va-gu langlangaʼa; aman Ndo nzi pèc pè-cèk a ngau. Kinè herkeda tʼhwaɗaʼa, va-wuffa! Kinè zahai, a wof nhayaʼa, a wofhi ngaya tèlèba, va-hazlawa a mwuffè! Aman Ndo nzi pèc pècèk a sumka Jacob a deɓa, a ngreda nʼnjèl na auda a sam Israel.

Esaie 49:13

Kinè giɗfèkihai, va-gu langlangaʼa. Herkeda, wuffa! Zahai, va-guzlau! Aman Ndo nzi pèc pècèk a bid ta ndohi na, mbelawahi nengaʼa ta sia te va.

Esaie 51:11

Ndohi man Ndo nzi pèc pècèk a mpreka ta auda, ta da shkè a deɓa a ngwai, a deɓa a kokwar Sion, a ta sli di-mèsh, a wuffede ta a mèdèp. Mwuffë a nwèl va ta da zhè a sam ta; matakwan a nlèyè klèng.

Esaie 51:3

Aman Sion a si Ndo nzi pèc pècèk te va, a gi man mʼmbeɗ na te pa a sia te va; a nʼngwoda tazli hèshèkèɗ nengaʼa a gi lak Eden, a dak nengaʼa a gi lak Ndo nzi pèc pècèk. Ta wuffè a ta wèl va te pa, ta sli dimèsh a ta shid gèɗ.

Esaie 60:15

Te va nasa ta jèke ka a pa, ta gu shèwa a ka, ndo a dè a sam ngaya azɓai. Aman anai i woya a i nzal ka a mèdèp, a ndohi te verzi wud wudahi tèlèba ta wuffè.

Esaie 61:10

I woya a i ngrédè mwuffè gà a géɗ Ndo nzi pèc pècèk auda a dimèsh, ndav ga do slubordo Zhiklè ga! Aman nengaʼa a vay skwi mʼmbel ndo a va, ara maslaka, a ngi-zuraʼa a va, ara dawar. Lèmèlèmè ara ntsima man a pèɗè gèɗ, a medemai man a pi skwi wi a va.

Esaie 9:3

Wof nkelawa te daʼai tengaʼa, gada a deɗ tengaʼa, gada sojè te ri ndo ndzam ta, ka paslaʼa ara man a pats Madian.

Sophonie 3:14

Dem Sion, wuff mwuffè! Va-hazlawa a mwuffe, ndohi Israel! Dem Jérusalem, wuffa, gu langlangaʼa a ndav ngaya tèlè-ba!

Zacharie 2:10

Kokwar Sion, wuffa, gu langlangaʼa! Na haha i shkè a i nzi a ndev kinè, Ndo nzi pèc pècèk a gaɗa.

Zacharie 9:9

Kokwar Sion, slu dimèsh a mwuffè! Kokwar Jérusalem, wuffa! Na haha bi ngaya a shkè a sam ngaya: Zuraʼa, ngul ndo. A manda gèɗ a hai, a dè a deɓ kɗèh, a deɓ gol kɗèh.

1 Thessalonians 5:16

Va-wuffa pèc pècèk,