Esaie 65:11 - Ma Zhiklè

¹¹ Aman kinè man kin jèkeda Ndo nzi pèc pècèk, man za ga nkezlaʼa mpca kinè a gèɗ, man kin va na skwi nʼndi a Gad, a kin ndha kokwi a kin va na Meni,

Esaie 65:11 ပူးပေါင်းရင်းမြစ်များ

II Rois 21:3

Nengaʼa a hüno a nrom sam mʼmbèh skwai a géɗ za, man Ezéchias, bab na, a mbeɗdaussà zaʼa, a ngau sam mvi skwi a Baal. A ngau mblom, lèmèlèmè ara man Achab bi Israel, a ngau, a ntsu ri a bantihai, a kia, a pats te giɗfèk, a ndzodzora.

I Chroniques 28:9

Aman ka, Salomon, kra ga, sun Zhiklè bab ngaya, gu mizlinè nengaʼa a ndav nzuraʼa, a ndav tèlèba. Aman Ndo nzi pèc pècèk a wuzhè ndav ndohi tèlèba, a sun skwi man ndohi ta hérèʼa. Aman ka da hèshèʼa, ka da ngècèʼa. Aman ka da jèkeda, a da kwol ka a mèdèp.

Psaumes 132:13

Ndo nzi pèc pècèk a nʼngotsko Sion auda, a woyaʼa a sam gi bi nengaʼa.

Psaumes 137:5

Ri ga da gwor na, aman i da pceda Jérusalem!

Esaie 1:28

Aman ndohi man ta tsena gèɗ ɓai, a ndohi mali tèlèba, ta gedas ta. A tengaʼa man ta jèkeda Ndo nzi pèc pècèk, ta zi ta.

Esaie 1:4

Wobau a géɗ ndohi kokwar haha man ta gi malai, man mali a ntsama ta va a gèɗ, verzi ndohi malihai, wudahi man ta gi mèdègèɗ! Ta jèkeda Ndo nzi pèc pècèk, ta kwola Zhiklè Israel nkezlaʼa, a ta ngwoda na deɓa.

Esaie 11:9

A géɗ za ga nkezláʼa tèlèba ta da gi skwi ambaɓiaʼa a skwi mphomaʼa azɓai. Aman herkeda tèlèba a sun Ndo nzi pèc pècèk, nʼndha a vna ara iyam man a hi a sam tèlèba.

Esaie 2:2

A pats man a di a shkè, a da gi arsa: Za man gi Ndo nzi pèc pècèk te pa, a da nzi a gèd zahi tèlèba, a da tsoko gèɗ auda a sam zahi tèlèba. Ndohi tʼherkeda tèlèba ta da hi a pa,

Esaie 2:3

a ndohi man verzi ta tsaɗ a vata ta dè a pa a ta gaɗa: Vo-washkè, ngo-dokoya a za Ndo nzi pèc pècèk, a gi Zhiklè Jacob, aman a da ngra nga civèɗ nengaʼa, a nga bizhè a pa. Aman ma kita a shkè te Sion, ma Ndo nzi pèc pècèk a shkète Jérusalem.

Esaie 56:7

i woya a i de ta a sam za ga nkezlaʼa, a i va ta mwuffè te gi ntsi ri ga. Skwi tengaʼa man ta ndarayè a ta zlayè a sam mvi skwi a Zhiklè, a gi ambahayè. Aman gi ga, sèi ta baha na gi ntsi rai ndohi herkeda tèlèba.

Esaie 57:13

Aman ka bèhè, ta mbel ka azɓai. Kozlar a hel ta ma, a venda ta gèɗ. Aman ndo man a pi ndav a iyè, a ndi herkeda, a ngècè za ga nkezlaʼa.

Esaie 65:25

Kokoya a tambak ta war ta a sam staɗ, a marizhèlè a ndi ksof ara zlè. Aman zhüzhok a nèkèdè lokotor. A gèɗ za ga nkezlaʼa tèlèba, ta da gédèshè skwi azɓai, tagi mali azɓai, Ndo nzi pèc pècèk a gada.

Esaie 66:20

A ta hulkoɗi kramamhi kinè te ndev ndohi herkeda tèlèba, a skwi man ta vi a Zhiklè, a deɓ plèsh a kikai, a mota, a deɓ kɗèh, zlugumai, a kokwar Jérusalem, a sam za ga nkezlaʼa, Ndo nzi pèc pècèk a gada; lèmèlèmè ara wudahi Israel man ta hulkoɗi skwi man ta va na Zhiklè a gi Ndo nzi pèc pècèk, te kokwi mpa-naʼa.

Jérémie 17:13

Ndo nzi pèc pècèk, man Israel a zhèr ka! Ta tèlèba man ta jèke ka, ta ngècè hori a dai. Ta tèlèba man ta kwol ka, hori a da keɗ ta, a géɗ man ta jèkeda nlèlè iyam nshèffè.

Jérémie 19:4

A géɗ man ta jèkyè, a ta ngwoda sam nta, a ta zla ta skwi a vrihai, man ko tengaʼa ko babhi ta ko bihi Juda ta sen ta ɓai, a ta ndha sam nta a pombaz ndohi man ta ga mali ɓai,

Jérémie 2:28

Zhiklèhi ngaya man ka ram ta, ta tema? Da slambaɗa, da takaha ka a pats matakwan ngaya! Ara man kokwar ngaya kumba, zhiklèhi ngaya ba kumba, kokwar Juda!

Jérémie 7:18

Wudahi ta pèr shègwa, babhi ta ta kèl vogwa, ngwozi ta shidè a ta ta na movar a ngwoz man ta sla na zhiklè, a ta va ta skwi nsai a zhiklèhi mbèh skwai, a ta pokoy gèɗ ndav auda a vna.

Deutéronome 32:17

Tazla na skwi a mblom, man Zhiklè ka ɓai, a zhiklèhi man ta sen ta ɓai, man ta ngots mɓuaʼa, tok-tok, man babhi ngaya ta sun ɓai.

Hébreux 12:22

Aman kin shkè a sam za Sion, a sam kokwar Bi-Zhiklè man a zhè a nshèffè, a sam Jérusalem te zhiklè te géɗèʼa, a sam golahi Zhiklè gozhèm gozhèm kumba,