Esaie 64:4 - Ma Zhiklè

⁴ Ka dè a ma tengaʼa man ta gi skwi nzu-raʼa, a ta hér civèɗ ngaya. Ka gu ndav, aman nga gu mphömè, skwi man ambaɓai, a nga slambaɗka ka a va nʼnzi a zhè. Aman nga da mbel nga genè!

Esaie 64:4 ပူးပေါင်းရင်းမြစ်များ

Genèse 49:18

Ndo nzi pèc pècèk, i zhèr skwi mbelyè!

Esdras 9:7

Daga babhi nga, ha mshkè na mpatsna, mali nga mbiaʼa, a géɗ mphömè nga man nga gau, ka pe nga a ri bihi herkeda, a ma tsakwal, a dangai, a ɓèlè, a ri metsarhai, nga a bihi nga, a ndohi mvi skwi a Zhiklè nga; a nga zhè a hori a dai a patsna.

Psaumes 103:18

a sam tengaʼa man ta nzi te nderzlè-ma nengaʼa, ta hér ma nkwèr nengaʼa a ta jèjèrèʼa.

Psaumes 130:5

Ndo nzi pèc pècèk, i zhèr ka, ndav ga a zhèr ka, a gshè va a ma ngaya.

Psaumes 31:19

Pizlèma ta ma a ndohi ncèkèlma, man ta gèɗè ma ambaɓiaʼa a géɗ ndo nzuraʼa, a ta fi va a ta ɓeslaha dai.

Psaumes 62:1

Njè ma David.

Esaie 25:9

A pats nasa ta da gèɗèʼa: Na haha Zhiklè nga, man nga pu ndav a vna, man a mbel nga. Nasa Zhiklè mao nga pu ndav a vna! Ngo-wuffokoya, ngo-gokoy langlangaʼa, a géɗ man a mbel nga.

Esaie 30:18

Ko gar haha Ndo nzi pec pecek a zhèrèʼa, a woya a nva kinè pombi genè. A slèmbèɗè, aman kin sia te va. Aman Ndo nzi pèc pècèk, Zhiklè ngi kita nzuraʼa. Mwuffè a sam ndohi tèlèba man ta zhèrèʼa te ndav!

Esaie 40:31

aman ndohi man ta pi di a verzi Zhiklè, ta ngècè wuɗi mɓuaʼa. Ta slèmbèɗè a kelpasl ar mangayak, ta hai a ta ngézhè azɓai, ta dè a ntulè a keɗ ta azɓai.

Esaie 59:12

Skwi ambaɓiaʼa man nga gau a sam ngaya a zhè kumba. Malihi nga ta gi mal-wuɗai a gèɗ nga. Nga sun skwi ambaɓiaʼa man nga gau, nga sun mali nga.

Esaie 66:8

Ntsena ar haha wa? Mrka skwi ar haha wa? Kokwar-bi a gi a pats staɗgenè ɗè? Ndohi herkeda ta y i a sam staɗ, a pats staɗ ɗè? Ga a dish va, Sion nya wudahi na ma.

Daniel 9:15

Anai Bi Zhiklè nga, ka man ka helka ta ndohi ngaya auda te kokwar Egypte a wuɗi ri ngaya, man ka ga nzlembaɗ ngaya a mbiaʼa ha patsna, nga gu malai, nga ga skwi man ambaha ka ɓai.

Daniel 9:5

Nga gu malai, nga gau ambaɓai, nga woy ka ɓai, nga kwol ka, nga jèkeda ma nkwèr ngaya, a ma ngaya man a de nga.

Daniel 9:8

Ndo nzi pèc pècèk, hori a di nga, a di bihi nga, a di tsuvomhi nga, a bababhi nga, a gèɗ man nga gu mali a sam ngaya.

Osée 7:7

Vogwa te pa, ara vogwa te rèwèc, a ta ndeda ndohi kita tengaʼa a ma. Bihi tengaʼa tèlèba klèng ma, ko staɗ azɓai man a bèhè a sam ga.

Zacharie 10:9

I venda ta gèɗ a va ndohi herkeda; aman a sam ndraʼa ta héryè, ta da gra wudahi tengaʼa, a ta da shkè a deɓa a ngwai.

Matthew 25:34

A bai a da gaɗa ta tengahi nte civèɗ ri mandi na: Vo-washkè, kinè ndohi man Bab ga a pshè kinè ma. Va-ndau kokwar-Bi nengaʼa, man ntila a géɗ kinè te nhinkaɗ herkeda.

Luke 2:25

A na haha, te kokwar Jérusalem, ndo ngiɗè a zhè, nzlembaɗ na Siméon. Nengaʼa ndo nzuraʼa, a woy Zhiklè, a zhèr skwi mbid Israel, a Mèzhèɓ Zhiklè nkezlaʼa a zhè a géɗ nengaʼa.

Jean 14:3

Aman i da tila kinè sam a hai, a di i shkè a deɓa, a i hil kinè a sam ga. Aman a sam man iyè a pa, kinè ba a pa.

Romans 8:19

Aman skwi man Zhiklè a gu tèlèba a zhèrèʼa, aman nʼnjèl wudahi Zhiklè a gedkaɗauda.

1 Corinthians 1:7

Aman a vava, skwi man Zhiklè a viaʼa, man kin ngatsa ɓi ba, azɓai, kinè man kin zhèr man Yèsu Kristi, Bi nga, a gudoko nga va a dai.

1 Thessalonians 1:10

a kin zhèr kra nengaʼa te zhiklè, nengaʼa man a slambaɗda te ndev ndohi mʼmetsaʼa; Yèsu, man a mbel nga a sam ndzoan man a di a shkè.

1 Timothy 3:16

Skwi man nʼngheda a civèɗ Zhiklè, skwi mbiaʼa a vava: Zhiklè a ngudko va a dai ara ndo, a nʼngreda auda zuraʼa te Mèzhèɓ Zhiklè, a ngudoko ta va a dai a golahi Zhiklè. Ta njo nengaʼa a sam ndohi herkeda, a ndohi herkeda ta co a ndav, a Zhiklè a ndaʼa a sam nʼnjèl nengaʼa.

Hébreux 11:16

Aman anai ta woy kokwar man amba holholaʼa te zhiklè te géɗèʼa. Gar haha Zhiklè a gi hori azɓai, man a gi a Zhiklè ta. A ntila ta kokwar mbelaʼa ma.

Jacques 5:7

Gar haha vo-zhor skwi a ma ma, dalahimam ga, ha pats man Bai Yèsu a shkè. Na haha, ndo mpizhè a zhèrèʼa, aman herkeda a cko nyi mbelaʼa auda, a zhèrè a ma ma, aman a ngècè iyam nzlekai, a iyam ngrè skwai.

1 John 4:10

Mwoy-ndo te man nga nwoy Bi Zhiklè ka ɓai, aman a géɗ man nengaʼa a nwoy nga, a nzlündo kra nengaʼa a skwi mpil gèɗ mali nga.